scorecardresearch
Latest News

പ്രതിഷേധം വഴിമാറി; ദിലീപിന്റെ ഡി സിനിമാസ് തിയേറ്റര്‍ അടച്ചുപൂട്ടി

ചാലക്കുടി നഗരസഭയുടെ തീരുമാനത്തെ തുടര്‍ന്നാണ് പൊലീസിന്റെ സാന്നിധ്യത്തില്‍ നടപടി കൈക്കൊണ്ടത്.

പ്രതിഷേധം വഴിമാറി; ദിലീപിന്റെ ഡി സിനിമാസ് തിയേറ്റര്‍ അടച്ചുപൂട്ടി

തൃശ്ശൂർ: ദിലീപിന്റെ ചാലക്കുടിയിലെ ഡി സിനിമാസ് തിയറ്റർ അടച്ചുപൂട്ടാനുളള പൊലീസിനെ തടഞ്ഞ് ജീവനക്കാര്‍. പൂട്ടാന്‍ സമ്മതിക്കില്ലെന്ന് അറിയിച്ച ഇവര്‍ പൊലീസിനെ അകത്തേക്ക് കടക്കാന്‍ സമ്മതിച്ചില്ല. സ്ഥലത്ത് സംഘര്‍ഷസാധ്യത കണക്കിലെടുത്ത് കൂടുതല്‍ പൊലീസിനെ വിന്യസിച്ചതിന് ശേഷം ദിലീപിന്റെ തിയേറ്റര്‍ അടച്ചുപൂട്ടി. ചാലക്കുടി നഗരസഭയുടെ തീരുമാനത്തെ തുടര്‍ന്നാണ് പൊലീസിന്റെ സാന്നിധ്യത്തില്‍ നടപടി കൈക്കൊണ്ടത്. നിർമ്മാണ അനുമതി നൽകിയതിൽ അപാകത കണ്ടെത്തിയതിനെ തുടർന്നാണ് ദിലീപിന്രെ തിയറ്റർ അടച്ച്പൂട്ടാൻ നഗരസഭ തീരുമാനിച്ചത്. വ്യാജരേഖകൾ ചമച്ച് തങ്ങളെ കബളിപ്പിച്ചതായി നഗരസഭ യോഗം കണ്ടെത്തി. നഗരസഭയിലെ പ്രതിപക്ഷവും , ഭരണപക്ഷവും ഒറ്റക്കെട്ടായാണ് ദിലീപിന്റെ തിയറ്റർ അടച്ച് പൂട്ടാൻ തീരുമാനിച്ചത്.

ചാലക്കുടി നഗരസഭയുടെ പ്രത്യേക യോഗത്തിലാണ് ദിലീപിന്റെ തിയറ്റർ അടച്ച്പൂട്ടാൻ തീരുമാനിച്ചത്. വിജിലൻസ് അന്വേഷണം പൂർത്തിയാകുന്നത്‌വരെ തിയറ്റർ തുറന്ന് പ്രവർത്തിക്കേണ്ടിതില്ലെന്നാണ് യോഗത്തിന്റെ തീരുമാനം. റവന്യുഭൂമി കയ്യേറിയാണ് ദീലിപ് തിയറ്റർ നിർമ്മിച്ചത് എന്ന് നേരത്തെ ആരോപണം ഉയർന്നിരുന്നു. രാഷ്ട്രീയക്കാരുടേയും ഉദ്യോഗസ്ഥരുടേയും സ്വാധീനത്തിലാണ് ദിലീപ് തിയറ്റർ നിർമ്മച്ചത് എന്ന പരാതി ഉയർന്നിരുന്നു.

എന്നാൽ നടന്‍ ദിലീപിന്റെ ഡി സിനിമാസിന്റെ ഭൂമി കയ്യേറിയതല്ലെന്നു സര്‍വേ വിഭാഗം കണ്ടെത്തിയതായിരുന്നു. 30 വര്‍ഷത്തെ രേഖകളുടെ അടിസ്ഥാനത്തില്‍ ഇതു സംബന്ധിച്ചുള്ള സ്ഥിരീകരണം സർവേ വിഭാഗം നൽകിയത്. ഇതിലും പഴയ രേഖകള്‍ ഇപ്പോൾ ലഭ്യമല്ല. സമീപത്തെ ക്ഷേത്രത്തിന് ഇനിയും പരാതിയുണ്ടെങ്കിൽ അവരുടെ കയ്യിലുള്ള രേഖകൾ ഹാജരാക്കിയാൽ വീണ്ടും സർവേ നടത്തേണ്ടിവരുമെന്നും സർവേ വിഭാഗം അറിയിച്ചിരുന്നു.

30 വർഷത്തിന് മുൻപുള്ള രേഖകൾ പ്രകാരം ഭൂമി രാജകുടുംബം അഗ്രശാല നിർമിക്കാൻ നൽകിയതാണെന്നാണ് പരാതിക്കാർ പറഞ്ഞിരുന്നത്. പരാതിയുടെ അടിസ്ഥാനത്തിലുള്ള രേഖകളൊന്നും അന്നു ഹാജരാക്കാൻ സാധിച്ചില്ല.ഇപ്പോഴും അത്തരം രേഖകളൊന്നും കണ്ടെത്താനായിട്ടില്ല. പല തവണ റജിസ്ട്രേഷൻ കഴിഞ്ഞാണു ഭൂമി ദിലീപിന്റെ കയ്യിലെത്തിയത്. ഏഴു തവണയെങ്കിലും കൈമാറ്റം നടന്നിട്ടുണ്ടെങ്കിലും കയ്യേറ്റമുണ്ടായിട്ടില്ലെന്ന് അധികൃതർ വ്യക്തമാക്കിയതാണ് .

Stay updated with the latest news headlines and all the latest Kerala news download Indian Express Malayalam App.

Web Title: Dileeps d cinemas shut down after controversy