scorecardresearch
Latest News

കോടിയേരിയുടെ മിനി കൂപ്പർ യാത്ര: കാറുടമ കാരാട്ട് ഫൈസലിനെതിരെ നികുതി വെട്ടിച്ചതിന് അന്വേഷണം

കൊടുവളളി നഗരസഭ കൗൺസിലറായ കാരാട്ട് ഫൈസൽ മുൻപ് സ്വർണ്ണക്കടത്ത് കേസിലും പ്രതിയായിരുന്നു

Tax, Motor Vehicle, Karatt faisal, Kodiyeri Balakrishnan, കാരാട്ട് ഫൈസൽ, കോടിയേരി ബാലകൃഷ്ണൻ, മിനി കൂപ്പർ ജനജാഗ്രത യാത്ര

തിരുവനന്തപുരം: വാഹന നികുതി വെട്ടിച്ച കേസിൽ കാരാട്ട് ഫൈസലിനെതിരെ ക്രൈം ബ്രാഞ്ച് അന്വേഷണം. പോണ്ടിച്ചേരിയിൽ വാഹനം വ്യാജവിലാസത്തിൽ രജിസ്റ്റർ ചെയ്ത് ഫൈസൽ നികുതി വെട്ടിച്ചെന്നാണ് കേസ്.

നേരത്തേ ജനജാഗ്രത യാത്രക്കിടെ കൊടുവളളിയിൽ എത്തിയപ്പോൾ കോടിയേരി ബാലകൃഷ്ണൻ ഫൈസലിന്റെ വാഹനത്തിൽ യാത്ര ചെയ്തിരുന്നു. പോണ്ടിച്ചേരിയിൽ രജിസ്റ്റർ ചെയ്ത മിനി കൂപ്പർ കാർ ഇതോടെയാണ് വാർത്തകളിൽ ഇടം പിടിച്ചത്.

കോടിയേരിയെ നേരിട്ട് അറിയില്ലെന്ന് വ്യക്തമാക്കിയ ഫൈസൽ, താൻ പോണ്ടിച്ചേരിയിലാണ് വാഹനം ഉപയോഗിക്കാറുളളതെന്നും കേരളത്തിലല്ലെന്നും മോട്ടോർ വാഹന വകുപ്പിനോട് പറഞ്ഞിരുന്നു.

സ്വർണ്ണക്കടത്ത് കേസിൽ മുൻപ് പ്രതിയായിരുന്ന ഫൈസൽ, വാഹനം കേരളത്തിലേക്ക് മാറ്റി രജിസ്റ്റർ ചെയ്യണമെന്നും നികുതിയടക്കണമെന്നുമുള്ള ആവശ്യം തള്ളിയിരുന്നു. ഈ സാഹചര്യത്തിലാണ് ക്രൈം ബ്രാഞ്ച് അന്വേഷണം ആരംഭിച്ചത്.

Stay updated with the latest news headlines and all the latest Kerala news download Indian Express Malayalam App.

Web Title: Crime branch to inquire tax evation case against karatt faisal