Latest News
കോവിഡ്: പ്രതിദിന കേസുകളിൽ മുന്നിൽ കേരളം
ലോക്ക്ഡൗൺ ഇളവുകൾ ആൾക്കൂട്ടങ്ങൾക്ക് ഇടയാകരുത്, കേന്ദ്രത്തിന്റെ മുന്നറിയിപ്പ്
പ്രവാസികള്‍ക്കു പുതുക്കിയ വാക്സിനേഷന്‍ സര്‍ട്ടിഫിക്കറ്റ് നാളെ മുതല്‍; ബാച്ച് നമ്പറും തിയതിയും ചേര്‍ക്കും
ന്യൂസിലൻഡിന് ടോസ്; ഇന്ത്യയെ ബാറ്റിങിനയച്ചു
ഇന്ത്യയുടെ മിൽഖ, മിൽഖയുടെ ഇന്ത്യ
സുധാകരന്റെ കത്തി പരാമര്‍ശം വേദനിപ്പിക്കുന്നത്, മാപ്പ് പറയണം: ഫ്രാന്‍സിസിന്റെ മകന്‍

അടിയും തിരിച്ചടിയുമായി ഹർത്താൽ പ്രകടനം; തെക്കൻ ജില്ലകളിൽ പരക്കെ അക്രമം

ആലപ്പുഴയിൽ പൊലീസും ബിജെപി പ്രവർത്തകരും ഏറ്റുമുട്ടി. പത്തനംതിട്ടയിലും കോട്ടയത്തും അടിക്ക് തിരിച്ചടിയുമായി സിപിഎമ്മും

കൊച്ചി: ആർഎസ്എസ് കാര്യവാഹ് തിരുവനന്തപുരത്തെ ശ്രീകാര്യത്ത് വെട്ടേറ്റ് മരിച്ച സാഹചര്യത്തിൽ ബിജെപി സംസ്ഥാന വ്യാപകമായി പ്രഖ്യാപിച്ച ഹർത്താലിൽ വിവിധയിടങ്ങളിൽ അക്രമം. തെക്കൻ ജില്ലകളിലാണ് രാവിലെ അക്രമം കൂടുതൽ ഉണ്ടായത്.

രാത്രി വൈകി പ്രഖ്യാപിച്ച ഹർത്താലായതിനാൽ തന്നെ രാവിലെ ഇക്കാര്യം അറിയാൻ വൈകിയിരുന്നു. ഇതിനാൽ രാവിലെ കൊച്ചിയിലെ സ്വകാര്യ ബസുകളടക്കം സർവ്വീസ് നടത്തി. എന്നാൽ ഇവ ഏഴ് മണിക്ക് മുൻപ് തന്നെ സർവ്വീസ് അവസാനിപ്പിച്ചു.

ഹർത്താൽ ദിവസത്തിൽ ആദ്യം അടിപൊട്ടിയത് കൊല്ലത്താണ്. രാവിലെ ബെംഗളൂരുവിൽ നിന്ന് തിരുവനന്തപുരത്തേക്ക് പോയ കെഎസ്ആർടിസി വോൾവോ ബസിന് കൊല്ലത്ത് വച്ച് മൂന്ന് യുവാക്കൾ കല്ലെറിഞ്ഞു. കല്ലേറിൽ ബസിന്റെ ഡ്രൈവർ സീറ്റിന് മുൻവശത്തെ ഗ്ലാസ് തകർന്നു. ഡ്രൈവർക്കും പരിക്കേറ്റു. ഇതേ തുടർന്ന് ബസ് കൊല്ലത്ത് സർവ്വീസ് അവസാനിപ്പിച്ചു. യാത്രക്കാരെ ഇറക്കിവിട്ടു.

ആലപ്പുഴയിൽ കെഎസ്ആർടിസി ബസുകൾ സർവ്വീസ് നടത്തിയതിനെ തുടർന്ന് സംഘർഷം ഉണ്ടായി. കെഎസ്ആർടിസി സ്റ്റാന്റിൽ​​ എത്തിയ ബിജെപി പ്രവർത്തകർ ഇവിടെ അക്രമം നടത്തി. ഇതേ തുടർന്ന് പൊലീസും ബിജെപി പ്രവർത്തകരും ഏറ്റുമുട്ടി. രണ്ട് പേരെ പൊലീസ് അറസ്റ്റ് ചെയ്തു. പിന്നാലെ തന്നെ കെഎസ്ആർടിസി യുടെ സർവ്വീസുകൾ സംസ്ഥാന വ്യാപകമായി നിർത്തിവയ്ക്കാൻ സംസ്ഥാന പൊലീസ് മാനേജ്മെന്റിനോട് ആവശ്യപ്പെട്ടു.

രാവിലെ പതിനൊന്ന് മണിയോടെയാണ് കോട്ടയത്തും പാലക്കാടും പ്രതിഷേധ പ്രകടനങ്ങൾ ആരംഭിച്ചത്. കോട്ടയത്ത് തിരുനക്കരയിൽ പ്രതിഷേധ പ്രകടനം നടത്തിയ ബിജെപി പ്രവർത്തകർ ഇതര രാഷ്ട്രീയ പാർട്ടികളുടെ ഓഫീസുകൾ ആക്രമിച്ചു. സിഐടിയു, സിപിഐ, മോട്ടോർ തൊഴിലാളി യൂണിയൻ തുടങ്ങി നിരവധി ഓഫീസുകളും കൊടിമരങ്ങളും ആക്രമിക്കപ്പെട്ടു. ഇവിടെ സംഘടിച്ചെത്തിയ സിപിഎം പ്രവർത്തകർ തിരിച്ചടിച്ചതോടെ രൂക്ഷമായ സംഘർഷം നടന്നു. ബിജെപി പ്രവർത്തകർ മോട്ടോർ വാഹന തൊഴിലാളി ഓഫീസ് അടിച്ചുതകർത്തുക്കുന്ന ദൃശ്യം പകർത്തിയ മൂന്ന് മാധ്യമപ്രവർത്തകരെ ഇവർ മർദ്ദിച്ചു. സംഘടിച്ചെത്തിയ സിപിഎം പ്രവർത്തകരെ ബിഎംഎസ് ഓഫീസ് ആക്രമിക്കുകയും ബിജെപി പ്രവർത്തകന്റെ കാർ തല്ലിത്തകർക്കുകയും ചെയ്തു.

പാലക്കാടും സമാനമായ നിലയിലായിരുന്നു ബിജെപി പ്രവർത്തകരുടെ പ്രതിഷേധ പ്രകടനങ്ങൾ നടന്നത്. സിഐടിയുവിന്റെ നിർമ്മാണ തൊഴിലാളി യൂണിയൻ ഓഫീസ് ആക്രമിച്ച ബിജെപി പ്രവർത്തകർ, വാണിയംകുളത്ത് ഒരു ആംബുലൻസ് ആക്രമിക്കുകയും ഡ്രൈവറെ മർദ്ദിക്കുകയും ചെയ്തു.പത്തനം തിട്ടയിലും ഹർത്താലനുകൂലികളുടെ പ്രകടനം വഴിനീളെ കൊടിമരങ്ങളും വിവിധ ട്രേഡ് യൂണിയൻ ഓഫീസുകളും ആക്രമിച്ചു. ഇവിടെയും സിപിഎം പ്രവർത്തകർ ബിജെപി-ബിഎംഎസ് ഓഫീസുകൾക്ക് നേരെ പ്രത്യാക്രമണം നടത്തിയിട്ടുണ്ട്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Cpm bjp harthal updates today kottayam palakkad pathanamthitta alappuzha

Next Story
സംസ്ഥാന വ്യാപക സംഘർഷത്തിന് ബിജെപി-ആർഎസ്എസ് ശ്രമം; കൊലയാളികൾക്ക് തുണയില്ലെന്ന് കോടിയേരിആർഎസ്എസ് പ്രവർത്തകന്റെ കൊല, സിപിഎം, ബിജെപി, കോടയേരി, സംസ്ഥാന വ്യാപക അക്രമം, Sabarimala Temle Protest, BJP, CPIM, Kodiyeri Balakrishnan, PS Sreedharan Pillai, CPIM, Kerala News, IE Malayalam News, Indian Express
The moderation of comments is automated and not cleared manually by malayalam.indianexpress.com