Latest News

‘രണ്ടാമൂഴം’ സിനിമയ്ക്ക് സ്റ്റേ: എംടിയുടെ ഹർജിയിൽ കോടതി ഉത്തരവ്

തിരക്കഥ ആവശ്യപ്പെട്ടുളള ഹർജിയിൽ കോഴിക്കോട് മുൻസിഫ് കോടതിയാണ് വിധി പുറപ്പെടുവിച്ചത്

കോഴിക്കോട്: രണ്ടാമൂഴം സിനിമയുടെ തിരക്കഥ തിരികെ ആവശ്യപ്പെട്ട് എം.ടി.വാസുദേവൻ നായർ സമർപ്പിച്ച ഹർജിയിൽ സിനിമയുടെ ചിത്രീകരണം തടഞ്ഞ് കോടതി വിധി. കോഴിക്കോട് മുൻസിഫ് കോടതിയാണ് രണ്ടാമൂഴം സിനിമയുടെ ചിത്രീകരണം തടഞ്ഞ് തീരുമാനം എടുത്തത്.

ഇത് കരാര്‍ ലംഘനം; മറ്റാരെങ്കിലും സമീപിച്ചാല്‍ തിരക്കഥ നല്‍കുന്ന കാര്യം ആലോചിക്കാം: എംടി

നിരന്തരം പഠനവും ഗവേഷണവും നടത്തിയാണ് താന്‍ രണ്ടാമൂഴം കഥയുണ്ടാക്കിയതെന്നും, എന്നാല്‍ താന്‍ കാണിക്കുന്ന ആവേശം സിനിമ ചെയ്യുന്നവര്‍ക്കില്ലെന്നുമാണ് അദ്ദേഹത്തിന്റെ പരാതി. തിരക്കഥ കിട്ടുമ്പോള്‍ മുന്‍കൂറായി കൈപ്പറ്റിയ തുക മടക്കി നല്‍കാനാണ് തന്റെ തീരുമാനമെന്നും എംടി പറഞ്ഞിരുന്നു.

തിരക്കഥ ആരുടെ എന്നത് വിഷയമല്ല; മഹാഭാരതം നടക്കുമെന്ന് നിര്‍മ്മാതാവ്

രണ്ടാമൂഴത്തില്‍ നിന്നും പിന്മാറുന്നത് സംവിധായകനുമായി വഴക്കിട്ടിട്ടല്ല, മറിച്ച് അദ്ദേഹം കരാര്‍ ലംഘനം നടത്തിയതുകൊണ്ടാണെന്ന് എം.ടി.വാസുദേവന്‍ നായര്‍ ഇന്നാണ് വിശദീകരിച്ചത്. മൂന്നുവര്‍ഷം കൊണ്ട് സിനിമ തുടങ്ങുമെന്നായിരുന്നു കരാര്‍. എന്നാല്‍ ഇപ്പോൾ നാലുവര്‍ഷമായെന്ന് എംടി പറയുന്നു. സിനിമയാക്കാന്‍ ആഗ്രഹിച്ച് മറ്റാരെങ്കിലും സമീപിക്കുകയാണെങ്കില്‍ തിരക്കഥ നല്‍കുന്ന കാര്യം ആലോചിക്കാമെന്നും എംടി പറഞ്ഞു.

‘രണ്ടാമൂഴം നടക്കും!’; എംടിയെ നേരില്‍ കണ്ട് ക്ഷമ ചോദിക്കുമെന്ന് ശ്രീകുമാര്‍ മേനോന്‍

എംടി തിരക്കഥ തിരികെ ആവശ്യപ്പെട്ടതിന് പിന്നാലെ ഇക്കാര്യത്തിൽ മറുപടിയുമായി സംവിധായകന്‍ ശ്രീകുമാര്‍ മേനോനും രംഗത്തെത്തിയിരുന്നു. ചിത്രം നടക്കുമെന്നും അദ്ദേഹം തന്റെ ഫെയ്‌സ്ബുക്ക് കുറിപ്പില്‍ പറഞ്ഞു.

മോഹന്‍ലാലിന്‍റെ ഭീമസേനനെ ഇന്ത്യ എങ്ങനെ സ്വീകരിക്കും?

“എംടി സാറിനെ പ്രോജക്ടിന്റെ പുരോഗതി കൃത്യമായി അറിയിക്കാന്‍ കഴിയാത്തത് എന്റെ വീഴ്ചയാണ്. ഞാന്‍ അദ്ദേഹത്തെ നേരില്‍ ചെന്ന് കണ്ട് കാര്യങ്ങള്‍ വ്യക്തമാക്കും. അദ്ദേഹത്തിന് എത്രയും വേഗം രണ്ടാമൂഴം സിനിമയായി കാണണം എന്ന ആഗ്രഹമുണ്ട്. ആ ആഗ്രഹം ഞാന്‍ നിറവേറ്റും. തിരക്കഥ എഴുതി കൊടുക്കുന്നതിന് മുന്‍പും, തിരക്കഥ എന്റെ കൈകളില്‍ വച്ച് തരുമ്പോഴും ഞാന്‍ ആ കാലുകള്‍ തൊട്ട് വന്ദിച്ചു കൊടുത്ത വാക്കാണ്,” എന്നാണ് ശ്രീകുമാര്‍ മേനോന്‍ ഫെയ്സ്ബുക്ക് പോസ്റ്റിലൂടെ പറയുന്നത്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Court stayed randamoozham movie filming on mt vasudevan nairs plea

Next Story
വിവാഹവുമായി ബന്ധപ്പെട്ട് വ്യക്തിഹത്യ നടത്തിയവർക്കെതിരെ കാവ്യ മാധവൻ പരാതി നൽകിkavya madhavan, kavya dileep
The moderation of comments is automated and not cleared manually by malayalam.indianexpress.com