തിരുവനന്തപുരം: കൊവിഡ്-19 ലോക്ക്ഡൗണിനെത്തുടർന്ന് സംസ്ഥാനത്ത് അകപ്പെട്ട ബ്രിട്ടിഷ് പൗരന്മാരെയും വഹിച്ചുള്ള ആദ്യ വിമാനം യാത്രയായി. തിരുവനന്തപുരം, കൊച്ചി വിമാനത്താവളങ്ങൾ വഴി 268 പേരെയാണ് ബ്രിട്ടനിലേക്ക് തിരിച്ചയച്ചത്. ബുധനാഴ്ച വൈകീട്ട് ഏഴരയോടെയാണ് ബ്രിട്ടീഷ് എയര്‍വേയ്സിന്‍റെ ചാര്‍ട്ടേര്‍ഡ് വിമാനം തിരുവനന്തപുരത്ത് നിന്ന് 110 യാത്രക്കാരുമായി പറന്നുയര്‍ന്നത്. പിന്നീട് കൊച്ചിയില്‍ ഇറങ്ങി 158 യാത്രക്കാരെയും കൂടി കയറ്റി വിമാനം ലണ്ടനിലേക്ക് യാത്രയായി.
Also Read: ചികിത്സയ്ക്കായി അന്തര്‍-സംസ്ഥാന യാത്രയ്ക്ക് കേന്ദ്രാനുമതി
ബ്രിട്ടന് പുറമെ ഓസ്ട്രിയ, കാനഡ, പോര്‍ചുഗല്‍, അയര്‍ലാന്‍റ്, ലിത്വാനിയ എന്നീ രാജ്യങ്ങളിൽ നിന്നുള്ള ഏതാനും പേരും വിമാനത്തിലുള്ളതായി സംസ്ഥാന സർക്കാർ അറിയിച്ചു. കൊവിഡ് -19 പോസറ്റീവ് ഫലം ലഭിച്ചശേഷം കളമശ്ശേരി മെഡിക്കല്‍ കോളേജിൽ ചികിത്സയിൽ പ്രവേശിച്ച് രോഗം ഭേദമായ ഏഴ് ബ്രിട്ടിഷ് പൗരന്മാരും സംഘത്തിലുണ്ട്. കേരളം സന്ദര്‍ശിക്കാനെത്തിയ 19 അംഗ സംഘത്തിലുള്ളവരായിരുന്നു ഇവര്‍.
Kerala bids adieu to yet another set of guests, today. 260 British nationals flew back home onboard @British_Airways flights from Trivandrum and Kochi. Among these, seven had been cured of #COVID. pic.twitter.com/xLnoG3Yyr6
— Kerala Tourism (@KeralaTourism) April 15, 2020
Also Read: ഇത് ന്യൂസ് റൂമിൽ പിറന്ന പാട്ട്; പ്രത്യാശയുടെ സംഗീതവുമായി ഗോപി സുന്ദറും സംഘവും
Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook
.
