Latest News
ബോക്സിങ്ങിൽ ഇന്ത്യയുടെ ലവ്‌ലിന ബോര്‍ഗോഹെയ്‌ന് വെങ്കലം

കോവിഡ് പ്രതിരോധ പ്രവർത്തനങ്ങൾ: കേരളത്തെ അഭിനന്ദിച്ച് ലോക്‌സഭാ സ്‌പീക്കർ

ഇന്ത്യയിലെ ഏറ്റവും പ്രായമേറിയ കോവിഡ് രോഗികള്‍ രോഗം ഭേദമായി ആശുപത്രിവിട്ടത് കേരളത്തിലാണ്

തിരുവനന്തപുരം: കേരളത്തിലെ കോവിഡ് പ്രതിരോധ പ്രവർത്തനങ്ങളെ അഭിനന്ദിച്ച് ലോക്‌സഭാ സ്‌പീക്കർ ഓം ബിർല. കോവിഡ് പ്രതിരോധ പ്രവർത്തനങ്ങളിൽ കേരളം സ്വീകരിച്ച നടപടികൾ മാതൃകാപരമെന്ന് ഓം ബിർല പറഞ്ഞു. കേരള നിയമസഭാ സ്‌പീക്കർ പി.ശ്രീരാമകൃഷ്‌ണനെ ഫോണിൽ വിളിച്ചാണ് ഓം ബിർല ഇക്കാര്യം പറഞ്ഞത്. കേരള സര്‍ക്കാരിനേയും മുഖ്യമന്ത്രി പിണറായി വിജയനേയും അഭിനന്ദനം അറിയിക്കണമെന്ന് ഓം ബിര്‍ല പറഞ്ഞതായി സ്‌പീക്കറുടെ ഓഫീസ് അറിയിച്ചു.

നേരത്തെ കേരള ഹൈക്കോടതിയും സുപ്രീം കോടതിയും കോവിഡ് പ്രതിരോധ പ്രവർത്തനങ്ങളെ അഭിനന്ദിച്ച് രംഗത്തെത്തിയിരുന്നു. കേരളത്തിലെ പ്രതിരോധ പ്രവർത്തനങ്ങൾ ലോകശ്രദ്ധ നേടിയിരുന്നു. ബിബിസി അടക്കമുള്ള മാധ്യമങ്ങളിൽ കേരള മോഡൽ ചർച്ചയായി. നിരവധി ദേശീയ മാധ്യമങ്ങളിലും കേരളത്തിലെ പ്രതിരോധ പ്രവർത്തനങ്ങൾ രാജ്യത്തിനു മാതൃകയാണെന്ന് വിലയിരുത്തിയിരുന്നു.

Read Also: കോവിഡ് ബാധിച്ച യുവതി ആൺകുഞ്ഞിനെ പ്രസവിച്ചു; രാജ്യത്ത് ആദ്യം

ഇന്ത്യയിലെ ഏറ്റവും പ്രായമേറിയ കോവിഡ് രോഗികള്‍ രോഗം ഭേദമായി ആശുപത്രിവിട്ടത് കേരളത്തിലാണ്. കോട്ടയം മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്ന പത്തനംതിട്ട റാന്നി സ്വദേശികളായ തോമസ് ഏബ്രഹാം (93), മറിയാമ തോമസ് (88) എന്നിവരാണ് ആശുപത്രിവിട്ടത്. ഇന്നലെ വൈകുന്നേരമാണ് ഇവര്‍ വീട്ടിലേക്ക് മടങ്ങിയത്.

ലോകത്ത് തന്നെ 60 വയസിന് മുകളില്‍ കോവിഡ് 19 ബാധിച്ചവരെ ഹൈ റിസ്ക്കിലാണ് ഉൾപ്പെടുത്തിയിരിക്കുന്നത്. ഇത്തരം രോഗികള്‍ മരണത്തില്‍നിന്നും രക്ഷപ്പെടുന്നത് ലോകത്തില്‍ തന്നെ അത്യപൂര്‍വ സംഭവമായി വിലയിരുത്തുന്നു. 90 വയസിനു മുകളില്‍ പ്രായമുള്ള രോഗികള്‍ കോവിഡിനെ തോല്‍പ്പിച്ച സംഭവം ഒരെണ്ണം മാത്രമാണ് റിപ്പോര്‍ട്ട് ചെയ്തിരിക്കുന്നത്. ഇറ്റലിയില്‍നിന്നുള്ള 100 വയസിനു മുകളില്‍ പ്രായമുള്ള മുത്തശിയായിരുന്നു ആ അദ്ഭുത വനിത. ഈ സാഹചര്യത്തിലാണ് തോമസിന്റേയും മറിയാമ്മയുടേയും രോഗമുക്തി കേരളത്തിന് ഇരട്ടി മധുരമാകുന്നത്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Coronavirus covid 19 lok sabha speaker praises kerala

Next Story
പത്തനംതിട്ടയിൽ 75 പേരുടെ ഫലം നെഗറ്റീവ്, ആശ്വാസംcorona,കൊറോണ, coronavirus, കൊറോണ വൈറസ്, coronavirus symptoms, symptoms of corona,കൊറോണ വൈറസ് ലക്ഷണങ്ങള്‍, coronavirus in india, കൊറോണ വൈറസ് ഇന്ത്യയിൽ, coronavirus in kerala, coronavirus kerala, കൊറോണ വൈറസ് കേരളത്തിൽ, coronavirus news, കൊറോണ വൈറസ് വാർത്തകൾ, coronavirus china, കൊറോണ വൈറസ് ചൈന, coronavirus update, coronavirus latest, coronavirus latest news,കൊറോണ വൈറസ് ലേറ്റസ്റ്റ്, coronavirus malayalam, coronavirus delhi, കൊറോണ വൈറസ് ഡൽഹി, coronavirus pathanamthitta, കൊറോണ വൈറസ് പത്തനംതിട്ട, coronavirus mask, കൊറോണ വൈറസ് മാസ്ക്, corona treatment,coronavirus treatment,കൊറോണ ചികിത്സ, coronavirus medicine, corona medicine, കൊറോണ വൈറസ് മരുന്ന്, coronavirus test, corona test, കൊറോണ വൈറസ് പരിശോധന, malappuram, മലപ്പുറം, saudi arabia, സൗദി അറേബ്യ, iemalayalam, ഐഇ മലയാളം
The moderation of comments is automated and not cleared manually by malayalam.indianexpress.com