CAA Kerala Protests: പൗരത്വ ഭേദഗതി നിയമം വേണ്ട; കൊച്ചി പ്രതിഷേധക്കടൽ

എറണാകുളത്ത് നടക്കുന്ന ലോങ് മാർച്ച് ഫോർട്ട് കൊച്ചിയിലെത്തി. 

പൗരത്വ നിയമത്തിനെതിരായി കൊച്ചിയിൽ നടക്കുന്ന ലോങ് മാർച്ച് പനയപ്പിള്ളി കടന്നു. 

പൗരത്വ ഭേദഗതി നിയമത്തിനെതിരെ കൊച്ചിയിൽ നടക്കുന്ന ലോങ് മാർച്ച് പുരോഗമിക്കുന്നു. ലോങ് മാർച്ച് ഇപ്പോൾ ഷിപ്പ്‌യാർഡ്‌സിലെത്തി 

പൗരത്വ ഭേദഗതി നിയമത്തിനെതിരെ രൂക്ഷ വിമര്‍ശനവുമായി നടി റിമ കല്ലിങ്കല്‍. രാജ്യത്ത് നടക്കുന്ന കാര്യങ്ങള്‍ കണ്ട് നമ്മള്‍ എത്രനാള്‍ മിണ്ടാതിരിക്കുമെന്ന് റിമ ചോദിച്ചു. കൊച്ചിയില്‍ നടക്കുന്ന ലോങ് മാര്‍ച്ചില്‍ പങ്കെടുത്ത് സംസാരിക്കുകയായിരുന്നു റിമ. പൗരത്വ ഭേദഗതി നിയമത്തിനെതിരെ പ്രതിഷേധം ആരംഭിച്ചത് ക്യാംപസുകളില്‍ നിന്നാണ്. അവര്‍ക്കൊപ്പം നില്‍ക്കുകയാണ് നമ്മുടെ ഉത്തരവാദിത്തം. എത്രനാള്‍ നമ്മള്‍ മിണ്ടാതിരിക്കും? പ്രതിഷേധിക്കുകയും പ്രതിരോധിക്കുകയും ചെയ്യേണ്ട സമയമാണിതെന്നും റിമ കല്ലിങ്കല്‍ പറഞ്ഞു.

എറണാകുളം ജില്ലയിൽ നടക്കുന്ന ലോങ് മാർച്ചുകൾ സൗത്ത് ജംഗ്ഷനില്‍ വച്ച് ഒന്നിച്ചു. സിനിമാ പ്രവർത്തകരുടെ പ്രതിഷേധ പ്രകടനവും കലൂർ സ്റ്റേഡിയത്തിൽ നിന്ന് ആരംഭിച്ച ലോങ് മാർച്ചുമാണ് സൗത്ത് ജംഗ്ഷനില്‍ ഒന്നിച്ചത്. 

പൗരത്വ ഭേദഗതി നിയമത്തിനെതിരായ പ്രതിഷേധത്തില്‍ അണിചേര്‍ന്ന് ചലച്ചിത്ര അക്കാദമി ചെയര്‍മാനും സംവിധായകനുമായ കമല്‍. കഴിഞ്ഞ ദിവസം നരേന്ദ്ര മോദി നടത്തിയ പ്രസംഗത്തിലെ പരാമര്‍ശങ്ങള്‍ ചൂണ്ടിക്കാട്ടിയായിരുന്നു കമല്‍ സംസാരിച്ചത്. "എന്നെ വെറുത്തോളൂ, ഇന്ത്യയെ വെറുക്കരുത് എന്നാണ് നരേന്ദ്ര മോദി കഴിഞ്ഞ ദിവസം പറഞ്ഞത്. അതെ, ഞങ്ങള്‍ക്ക് നരേന്ദ്ര മോദിയോട് വെറുപ്പാണ്. ഞങ്ങള്‍ ഇന്ത്യയെ സ്‌നേഹിക്കുന്നു. അതുകൊണ്ട് തന്നെ നിങ്ങളെ വെറുക്കാതിരിക്കാന്‍ ഞങ്ങള്‍ക്ക് കഴിയില്ല. ജനാധിപത്യ-മതേതരത്വ മൂല്യങ്ങളില്‍ വിശ്വസിക്കുന്ന ഒരു ജനതയ്ക്ക് ഇങ്ങനെയൊരു പ്രത്യയശാസ്ത്രവുമായി നടക്കുന്ന പ്രധാനമന്ത്രിയെ വെറുക്കാതിരിക്കാന്‍ കഴിയില്ല എന്നുതന്നെയാണ് പറയാനുള്ളത്." കമല്‍ പറഞ്ഞു. നരേന്ദ്ര മോദിക്കെതിരെയും അദ്ദേഹത്തിന്റെ പ്രത്യയശാസ്ത്രങ്ങൾക്കെതിരെയും സമരം ചെയ്തുകൊണ്ടിരിക്കുമെന്നും കമല്‍ കൂട്ടിച്ചേര്‍ത്തു.

പൗരത്വ ഭേദഗതി നിയമത്തിനെതിരെ പ്രതിഷേധമറിയിച്ച് നടി നിമിഷ സജയന്‍. കൊച്ചിയില്‍ നടക്കുന്ന ലോങ് മാര്‍ച്ചിന് ഐക്യദാര്‍ഢ്യവുമായി നിമിഷയുമെത്തി. ലോങ് മാര്‍ച്ച് അവസാനിക്കുന്നതുവരെ പങ്കെടുക്കുമെന്നും പൗരത്വ നിയമത്തെ ശക്തമായി എതിര്‍ക്കുമെന്നും നിമിഷ സജയന്‍ പറഞ്ഞു. സര്‍ക്കാരിനു ശ്രദ്ധിക്കാന്‍ വേറെ എത്രയോ കാര്യങ്ങളുണ്ട്. കേന്ദ്ര സര്‍ക്കാര്‍ പൗരത്വ ഭേദഗതി നിയമത്തിന് ഇത്ര ഗൗരവം നല്‍കുന്നത് എന്തിനാണെന്ന് മനസിലാകുന്നില്ല. പൗരത്വ ഭേദഗതി നിയമം തെറ്റായ തീരുമാനമാണ്. സര്‍ക്കാര്‍ ഇത് തിരുത്തണം. നിയമത്തെ കുറിച്ച് സര്‍ക്കാരിനുള്ളില്‍ തന്നെ വ്യക്തത കുറുവുണ്ടെന്നും എല്ലാവരും ഇതിനെതിരെ പ്രതിഷേധിക്കണമെന്നും നിമിഷ പറഞ്ഞു. വിഷയത്തെ കുറിച്ച് നന്നായി പഠിച്ചശേഷം തന്നെയാണ് പ്രതിഷേധിക്കാന്‍ എത്തിയതെന്നും ഇത്രയേറെ ആളുകളെ കാണുമ്പോള്‍ വലിയ സന്തോഷമുണ്ടെന്നും നിമിഷ വ്യക്തമാക്കി.

കൊച്ചിയിൽ നടക്കുന്ന ലോങ് മാർച്ചിൽ പങ്കെടുക്കാൻ ആയിരങ്ങൾ. സിനിമാ പ്രവർത്തകരുടെ നേതൃത്തിലുള്ള പ്രതിഷേധ പ്രകടനം ഉടൻ ആരംഭിക്കും 

പൗരത്വ ഭേദഗതി നിയമത്തിനെതിരായി ആയിരങ്ങളുടെ പങ്കാളിത്തത്തോടെ കൊച്ചിയിൽ ലോങ് മാർച്ച് ആരംഭിച്ചു.  ആസാദി മുദ്രാവാക്യം മുഴക്കി കുട്ടികൾ ഉൾപ്പെടെയുള്ളവർ മാർച്ചിൽ പങ്കെടുക്കുന്നുണ്ട്. കലൂർ സ്റ്റേഡിയത്തിന് സമീപത്തു നിന്നാണ് ലോങ് മാർച്ച് ആരംഭിച്ചത്. അഞ്ച് മണിയോടെ ഷിപ്പ് യാർഡിലേക്ക് മാർച്ച് എത്തിച്ചേരും.  

പൗരത്വ ഭേദഗതി നിയമത്തിനെതിരെ കൊച്ചിയിൽ നടക്കുന്ന ലോങ് മാർച്ച് pic.twitter.com/bqs3Xnjh6n

— IE Malayalam (@IeMalayalam) December 23, 2019

പൗരത്വ ഭേദഗതി നിയമത്തിനെതിരായി ആയിരങ്ങളുടെ പങ്കാളിത്തത്തോടെ കൊച്ചിയിൽ ലോങ് മാർച്ച് ആരംഭിച്ചു. കലൂർ സ്റ്റേഡിയത്തിന് സമീപത്തു നിന്നാണ് ലോങ് മാർച്ച് ആരംഭിച്ചത്. അഞ്ച് മണിയോടെ ഷിപ്പ് യാർഡിലേക്ക് മാർച്ച് എത്തിച്ചേരും.  

പൗരത്വ ഭേദഗതി നിയമത്തിനെതിരായ ലോങ് മാർച്ച് ആരംഭിച്ചു. ആഷിഖ് അബു, റിമ കല്ലിങ്കൽ, ഷഹബാസ് അമൻ എന്നിവർ മാർച്ചിൽ പങ്കെടുക്കുന്നുണ്ട്. 

കേരളത്തിന്റെ വിവിധ ഭാഗങ്ങളിൽ നിന്നും പല പ്രായത്തിലുള്ളവരാണ് മാർച്ചിൽ പങ്കെടുക്കാൻ എത്തിയിരിക്കുന്നത്. ഇതിൽ പലരും കൈക്കുഞ്ഞുങ്ങളുമായാണ് എത്തിയിട്ടുള്ളത്.

പൗരത്വ ഭേദഗതി  നിയമത്തിനെതിരെ അവർക്കെതിരെ നമ്മൾ എന്ന മുദ്രാവാക്യമുയർത്തി കൊച്ചിയിൽ പീപ്പിൾസ് ലോങ് മാർച്ച്.  കേരളത്തിന്റെ വിവിധ ഭാഗങ്ങളിൽ നിന്നുള്ള ആളുകൾ മാർച്ചിൽ പങ്കെടുക്കാനായി എത്തിയിട്ടുണ്ട്. 

“പൗരത്വ ഭേദഗതി നിയമം മനുഷ്യാവകാശങ്ങള്‍ക്കും മനുഷ്യാന്തസിനും വെല്ലുവിളിയാണ്. ഇത് മുസ്ലീങ്ങള്‍ക്കെതിരെയോ മതത്തിനെതിരെയോ എന്നതിനപ്പുറം മനുഷ്യത്വം എന്ന ആശയത്തിന് എതിരാണ്. അത് നമ്മുടെ രാജ്യത്ത് എന്ന് മാത്രമല്ല, ഒരിടത്തും നമുക്ക് അംഗീകരിക്കാന്‍ പറ്റില്ല. നമ്മുടെ രാജ്യത്ത് ഒട്ടും തന്നെ പറ്റില്ല. നമ്മുടെ രാജ്യം നിലനില്‍ക്കുന്നത് വളരെ മഹത്തരമായ ഒരുപാട് പ്രമാണങ്ങളില്‍ ഊന്നിയാണ്. അത് നഷ്ടപ്പെടുത്തിയിട്ട് നമുക്ക് ഇന്ത്യ എന്ന ആശയത്തെക്കുറിച്ച് ചിന്തിക്കാന്‍ സാധിക്കില്ല. ഈ രാജ്യത്തിന്‌റെ മതനിരപേക്ഷ മൂല്യങ്ങളെ തിരുത്തുന്ന ഒന്നിനെയും ഇന്ത്യയെ സ്‌നേഹിക്കുന്ന ഒരാളും അംഗീകരിക്കരുത്.” Read More