scorecardresearch

ചിറ്റയം ഗോപകുമാറിനെ ദേഹാസ്വാസ്ഥ്യത്തെ തുടര്‍ന്ന് ആശുപത്രിയില്‍ പ്രവേശിപ്പിച്ചു

കണ്ടിയൂരില്‍ തുറന്ന വാഹനത്തില്‍ പ്രചാരണം നടത്തുന്നതിനിടെയാണ് അദ്ദേഹത്തിന് ദേഹാസ്വാസ്ഥ്യം അനുഭവപ്പെട്ടത്

ആലപ്പുഴ: അടൂര്‍ എംഎല്‍എയും മാവേലിക്കര ലോക്‌സഭാ മണ്ഡലത്തിലെ ഇടത് സ്ഥാനാര്‍ഥിയുമായ ചിറ്റയം ഗോപകുമാറിനെ ആശുപത്രിയില്‍ പ്രവേശിപ്പിച്ചു. ദേഹാസ്വാസ്ഥ്യത്തെ തുടര്‍ന്നാണ് ചിറ്റയത്തെ ആലപ്പുഴയിലുള്ള സ്വകാര്യ ആശുപത്രിയില്‍ പ്രവേശിപ്പിച്ചത്. കണ്ടിയൂരില്‍ തുറന്ന വാഹനത്തില്‍ പ്രചാരണം നടത്തുന്നതിനിടെയാണ് അദ്ദേഹത്തിന് ദേഹാസ്വാസ്ഥ്യം അനുഭവപ്പെട്ടത്. വാ​ഹ​നം ബ്രേ​ക്ക് ചെ​യ്ത​തി​നെ തു​ട​ർ​ന്ന് നെ​ഞ്ച് വാ​ഹ​ന​ത്തി​ന്‍റെ കമ്പിയി​ൽ ഇ​ടി​ച്ച​തു​മൂ​ല​മാ​ണ് ദേ​ഹാ​സ്വാ​സ്ഥ്യം ഉ​ണ്ടാ​യ​ത്.

Read More: നാമനിര്‍ദേശ പത്രിക മറന്ന സ്ഥാനാര്‍ഥി; തിരഞ്ഞെടുപ്പ് ചൂടിലും എല്ലാവരെയും കൂളാക്കി ചിറ്റയം ഗോപകുമാര്‍

മാവേലിക്കരയിൽ സിറ്റിംഗ് എംപി കൊടിക്കുന്നിൽ സുരേഷാണ് ഇത്തവണയും യുഡിഎഫിനായി ജനവിധി തേടുന്നത്. അടൂർ എംഎൽഎ എന്ന നിലയിൽ ചിറ്റയം ഗോപകുമാറിനുള്ള ജനപ്രീതി ആയുധമാക്കി കൊടിക്കുന്നിലിനെ വീഴ്ത്താനാണ് ഇടതുമുന്നണി ലക്ഷ്യമിടുന്നത്. പ്രചാരണ പരിപാടികളിലും ചിറ്റയം ബഹുദൂരം മുൻപിലായിരുന്നു.

 

Stay updated with the latest news headlines and all the latest Kerala news download Indian Express Malayalam App.

Web Title: Chittayam gopakumar mla hospitalized mavelikkara