Latest News
കോവിഡ് മരണം 40 ലക്ഷം കടന്നു; കൂടുതല്‍ ഇന്ത്യ, അമേരിക്ക, ബ്രസീല്‍ രാജ്യങ്ങളില്‍
ഇന്ധനനിരക്ക് ഇന്നും കൂട്ടി; തിരുവനന്തപുരത്ത് പെട്രോള്‍ വില നൂറിലേക്ക്
കോപ്പയില്‍ ബ്രസീലിയന്‍ കോടുങ്കാറ്റ്; പെറുവിനെ തകര്‍ത്തു
കോവിഡിന്റെ ഡെല്‍റ്റ വകഭേദത്തിനുള്ള സ്പുട്നിക് വാക്സിന്‍ ഉടന്‍
രാജ്യത്ത് 62,480 പുതിയ കേസുകള്‍; 1,587 മരണം
കിവികളെ കീഴടക്കാന്‍ ഇന്ത്യ; ലോക ടെസ്റ്റ് ചാമ്പ്യന്‍ഷിപ്പ് ഫൈനലിന് ഇന്ന് തുടക്കം
സംവിധായകന്‍ സച്ചി ഓര്‍മയായിട്ട് ഒരു വര്‍ഷം

സിപി ഐയുടെ ചരിത്രം തിരുത്തി ചിഞ്ചുറാണി മന്ത്രി; രാജൻ, പ്രസാദ്, അനിൽ എന്നിവരും മന്ത്രിമാരാകും

തിരുവന്തപുരം ജില്ലയിൽ നിന്നും  ജി.ആർ.അനിൽ,  കൊല്ലത്ത് നിന്നും ചിഞ്ചുറാണി, ആലപ്പുഴയിൽ നിന്ന് പ്രസാദ്, തൃശൂർ നിന്ന് രാജൻ എന്നിവരാണ് മന്ത്രിമാരാകുന്നത്

chinchurani , iemalayalam

കേരളത്തിലെ സ പിഐയുടെ ദീർഘകാല ചരിത്രത്തിൽ രണ്ടാമതൊരു വനിതാമന്ത്രി.  62 വർഷത്തിന് ശേഷം സിപിഐ ചരിത്രത്തിലേക്ക് വീണ്ടുമൊരു വനിതാമന്ത്രിയായി നിയോഗിക്കപ്പെടുന്നത് കേന്ദ്രകമ്മിറ്റിയംഗം ചിഞ്ചുറാണി. ചടയമംഗലം മണ്ഡലത്തിൽ നിന്നും ജയിച്ച ചിഞ്ചുറാണി മന്ത്രിയാകുമ്പോൾ സിപിഐയുടെ ചരിത്രത്തിലെ രണ്ടാം വനിതാ മന്ത്രിയാണ്.

അവിഭക്ത കമ്മ്യൂണിസ്റ്റ് പാർട്ടി കേരളത്തിലെ ആദ്യ സർക്കാർ രൂപീകരിച്ചപ്പോൾ അന്ന് മന്ത്രിയായ കെ. ആർ.ഗൗരിയമ്മയാണ് സിപിഐയുടെ ഏക വനിതാ മന്ത്രി. 1964 ൽ പാർട്ടി പിളർന്നപ്പോൾ സിപിഎമ്മിനൊപ്പം പോയ ഗൗരിയമ്മ വീണ്ടും മന്ത്രിയായെങ്കിലും സിപിഐയക്ക് പിന്നീട് ഇന്നുവരെ വനിതാ മന്ത്രിമാരുണ്ടായില്ല.  ആ ചരിത്രമാണ് ചിഞ്ചുറാണിയെ മന്ത്രിയാക്കി സിപിഐ തിരുത്തുന്നത്.

കേരളത്തിലെ സിപിഐക്ക് ഇത്തവണയും നാല് മന്ത്രിമാരാണുള്ളത്.  ഇതിന് പുറമെ ഡെപ്യൂട്ടി സ്പീക്കർ സ്ഥാനവും സിപിഐയക്കാണ്.  ചിഞ്ചുറാണിക്ക് പുറമെ തൃശൂരിലെ ഒല്ലൂരിൽ നിന്നുള്ള കെ.രാജൻ. രാജൻ നിലവിലെ ചീഫ് വിപ്പായിരുന്നു. ആലപ്പുഴ ചേർത്തലയിൽ നിന്നും ജയിച്ച പി.പ്രസാദ്, തിരുവനന്തപുരം ജില്ലയിലെ നെടുമങ്ങാട് മണ്ഡലത്തിൽ നിന്നും ജയിച്ച ജി.ആർ.അനിൽ എന്നിവരാണ് മറ്റ് മന്ത്രിമാർ.

പത്തനംതിട്ട അടൂരിൽ നിന്നും ജയിച്ച ചിറ്റയം ഗോപകുമാറാണ് ഡെപ്യൂട്ടി സ്പീക്കറാവുക. മുൻ മന്ത്രി ഇ.ചന്ദ്രശേഖരൻ നിയമസഭാകക്ഷി നേതാവ് ആകും.

കഴിഞ്ഞ പിണറായി മന്ത്രിസഭയിൽ സിപിഐക്ക് നാല് മന്ത്രിസ്ഥാനവും ഒരു ഡെപ്യൂട്ടി സ്പീക്കർ സ്ഥാനവും ഒരു ചീഫ് വിപ്പ് സ്ഥാനവും ഉണ്ടായിരുന്നു. മുന്നണി വികസിച്ച സാഹചര്യത്തിൽ സിപിഎം ഒരു മന്ത്രിസ്ഥാനം ഘടകകക്ഷികൾക്കായി വിട്ടു നൽകിയപ്പോൾ സിപിഐ ചീഫ് വിപ്പ് സ്ഥാനം വിട്ട് നൽകി.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Chinchurani to be cpis first woman minister after six decades

Next Story
മന്ത്രിസ്ഥാനം രണ്ടാമൂഴത്തിലായത് സഹോദരിയുടെ ആരോപണത്താലല്ലെന്ന് ഗണേഷ് കുമാർganesh kumar, ie malayalam
The moderation of comments is automated and not cleared manually by malayalam.indianexpress.com
Best of Express