വയനാട്: വയനാട് പുഴമുടിയിൽ കാര്‍ താഴ്ചയിലേക്ക് മറിഞ്ഞുണ്ടായ അപകടത്തില്‍ മൂന്ന് മരണം. മൂന്ന് പേര്‍ക്ക് ഗുരുതരമായി പരുക്കേറ്റതായും വിവരമുണ്ട്. കണ്ണൂര്‍, കാസര്‍ഗോഡ് സ്വദേശികളാണ് കാറിലുണ്ടായിരുന്നത്.
കൽപ്പറ്റ – പടിഞ്ഞാറത്തറ റോഡിന് സമീപത്ത് വെച്ചാണ് അപകടം സംഭവിച്ചത്. റോഡിലെ പോസ്റ്റിൽ ഇടിച്ച് നിയന്ത്രണം വിട്ട കാർ താഴ്ചയിലേക്ക് മറിയുകയായിരുന്നു. ഡ്രൈവർ ഉൾപ്പടെ ആറുപേരാണ് കാറിലുണ്ടായിരുന്നത്.
നാല് പേര്‍ കണ്ണൂര്‍ ഇരിട്ടി സ്വദേശികളും രണ്ട് പേര്‍ കാസര്‍ഗോഡ് സ്വദേശികളുമാണ്.
