പൗരത്വ ഭേദഗതി നിയമം: കൊച്ചിയിൽ സമരപ്രഖ്യാപന റാലിയിൽ അണിനിരന്ന് ആയിരങ്ങൾ

കൊച്ചി: പൗരത്വ ഭേദഗതി നിയമത്തിനെതിരെ കൊച്ചിയിൽ മുസ്ലിം സംഘടകളുടെ  ആയിരങ്ങൾ അണിനിരന്ന സമര പ്രഖ്യാപന റാലി . ദേശീയ പൗരത്വ രജിസ്റ്ററും, പൗരത്വ ഭേദഗതി നിയമവും പിൻവലിക്കണമെന്ന് ആവശ്യപ്പെട്ടാണ് വിവിധ മുസ്ലിം സംഘടനകളുടെ നേതൃത്വത്തിൽ റാലി സംഘടിപ്പിച്ചത്. വൈകിട്ട് നാലിന് കലൂർ ജവഹർലാൽ നെഹ്റു സ്റ്റേഡിയത്തിൽനിന്ന് ആരംഭിച്ച് മറൈൻ ഡ്രൈവിലേക്കാണു റാലി നടന്നത്.

ഫൊട്ടോ : നിതിൻ ആർ.കെ

മറൈന്‍ഡ്രൈവില്‍ വൈകിട്ട് ആറിന് നടക്കുന്ന സമരപ്രഖ്യാപന കണ്‍വന്‍ഷന്‍ മുസ‌്‌ലിംലീഗ് സംസ്ഥാന അധ്യക്ഷന്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്തു. കാന്തപുരം എ.പി.അബൂബക്കര്‍ മുസലിയാര്‍ മുഖ്യപ്രഭാഷണം നടത്തി. വിവിധ രാഷ്ട്രീയ പാര്‍ട്ടി നേതാക്കളും എംപിമാരും എംഎല്‍എമാരും സമ്മേളനത്തില്‍ പങ്കെടുത്തു.

ഫൊട്ടോ: നിതിൻ ആർ.കെ

പൗരത്വ ഭേദഗതി നിയമത്തിനും ദേശീയ പൗരത്വ രജിസ്റ്ററിനുമെതിരെ ഇന്ന് കോഴിക്കോടും ഇന്ന് ലോങ് മാർച്ച് നടക്കുന്നു.