കൊല്ലം: തങ്കശ്ശേരിയിൽ വള്ളത്തിൽ മത്സ്യബന്ധന ബോട്ടിടിച്ച് മത്സ്യത്തൊഴിലാളി മരിച്ചു. പള്ളിത്തോട്ടം സ്വദേശിയായ ബൈജു എന്ന മത്സ്യത്തൊഴിലാളിയാണ് മരിച്ചത്. ഫെഡറിക്, ഡാനിയൽ എന്നിവർക്ക് പരുക്കേറ്റു. തങ്കശ്ശേരിയിൽ നിന്ന് പുറപ്പെട്ട വള്ളവും നീണ്ടകരയിൽ നിന്ന് പുറപ്പെട്ട ബോട്ടും കൂട്ടിയിടിച്ചാണ് അപകടമുണ്ടായത്.
പുലര്‍ച്ചയോടെയാണ് അപകടം ഉണ്ടായത്. ബോട്ട് മാനദണ്ഡങ്ങള്‍ പാലിച്ചില്ലെന്ന ആക്ഷേപം ഉയര്‍ന്നിട്ടുണ്ട്. ബോട്ട് കസ്റ്റഡിയിലെടുത്ത് പൊലീസ് ബോട്ടിലുണ്ടായിരുന്നവരെ ചോദ്യം ചെയ്ത് വരികയാണ്. മരിച്ച ബിജുവിന്റെ മൃതദേഹം കൊല്ലം ജില്ലാ ആശുപത്രിയിൽ സൂക്ഷിച്ചിരിക്കുകയാണ്.
