വൈക്കത്ത് വള്ളം മുങ്ങി നാല് വയസുകാരനുള്‍പ്പടെ രണ്ട് മരണം; മൂന്ന് പേര്‍ ആശുപത്രിയില്‍

കോട്ടയം: വൈക്കത്ത് വള്ളം മുങ്ങി രണ്ട് മരണം. കൊടിയാട്ട് പുത്തൻതറ ശരത്, ശരത്തിന്റെ സഹോദരിയുടെ മകനായ ഇവാൻ എന്നിവരാണ് മരിച്ചത്. ഇവാന് നാല് വയസ് മാത്രമാണ് പ്രായം. വൈകിട്ട് അഞ്ച് മണിയോടെയാണ് സംഭവം നടന്നത്. തലയാഴം ചെട്ടിയക്കരി ഭാഗത്തായിരുന്നു വള്ളം മുങ്ങിയത്.

ഒരു കുടുംബത്തിലെ ആറ് പേരായിരുന്നു വള്ളത്തില്‍ ഉണ്ടായിരുന്നത്. മൂന്ന് പേര്‍ ആശുപത്രിയില്‍ ചികിത്സയില്‍ കഴിയുകയാണ്. ഇതില്‍ ഒരാളുടെ നില ഗുരുതരമാണെന്നാണ് ലഭിക്കുന്ന വിവരം. മറുകരയിലെ മരണവീട്ടിലേക്ക് പോവുകയായിരുന്നു ഇവര്‍.