തൃശൂർ: പാമ്പാടി നെഹ്‌റു കോളജ് പിആർഒയുടെ മുറിയിൽ കണ്ട രക്തം കോളജിൽ മരിച്ച വിദ്യാർഥി ജിഷ്‌ണു പ്രണോയിയുടെ രക്തഗ്രൂപ്പാണെന്ന് കണ്ടെത്തി. മുറിയിൽ കണ്ടെത്തിയ രക്തം ഒ-പോസിറ്റീവ് രക്തഗ്രൂപ്പാണ്. ജിഷ്‌ണുവിന്റെതും ഇതേ രക്തഗ്രൂപ്പായിരുന്നു.
മുറിയിൽ കണ്ടെത്തിയ രക്തക്കറ ജിഷ്‌ണുവിന്റെത് തന്നെയാണോ എന്ന് പരിശോധിക്കാൻ ഡിഎൻഎ പരിശോധന നടത്തും. ജിഷ്ണുവിന്റെ മാതാപിതാക്കളുടെ രക്തം ശേഖരിച്ചാണ് രക്തക്കറ ജിഷ്‌ണുവിന്റേത് തന്നെയാണോ എന്ന് ഡിഎൻഎയിലൂടെ കണ്ടെത്തും.
