Latest News
സ്വകാര്യ ബസ് സര്‍വീസ് ഇന്ന് മുതല്‍
ഇന്ധനനിരക്ക് ഇന്നും കൂട്ടി; തിരുവനന്തപുരത്ത് പെട്രോള്‍ വില നൂറിലേക്ക്
കോപ്പയില്‍ ബ്രസീലിയന്‍ കോടുങ്കാറ്റ്; പെറുവിനെ തകര്‍ത്തു
കോവിഡിന്റെ ഡെല്‍റ്റ വകഭേദത്തിനുള്ള സ്പുട്നിക് വാക്സിന്‍ ഉടന്‍
രാജ്യത്ത് 62,480 പുതിയ കേസുകള്‍; 1,587 മരണം
കിവികളെ കീഴടക്കാന്‍ ഇന്ത്യ; ലോക ടെസ്റ്റ് ചാമ്പ്യന്‍ഷിപ്പ് ഫൈനലിന് ഇന്ന് തുടക്കം

വോൾവോ ബസിന് കൊല്ലത്ത് കല്ലേറ്; കെഎസ്ആർടിസി സർ്വ്വീസ് നിർത്തി

ഇന്ന് രാവിലെയാണ് കൊല്ലത്ത് എത്തിയ ബസിന് നേരെ കല്ലേറുണ്ടായത്

ksrtc, kochi metro

തിരുവനന്തപുരം: ശ്രീകാര്യത്ത് ആർഎസ്എസ് പ്രവർത്തകന്റെ കൊലപാതകത്തിൽ പ്രതിഷേധിച്ച് ബിജെപി ആഹ്വാനം ചെയ്ത ഹർത്താലിനെ തുടർന്ന് കൊല്ലത്ത് വോൾവോ ബസിന് നേരെ കല്ലേറ്. ആക്രമണം ഉണ്ടായ പശ്ചാത്തലത്തിൽ വൈകിട്ട് ആറ് മണി വരെയുള്ള സർവ്വീസുകൾ കെഎസ്ആർടിസി നിർത്തിവച്ചു.

കൊല്ലത്ത് കാവനാട് പൂവൻപുഴ കുരിശുമൂടിന് സമീപത്താണ് ബെംഗളൂരുവിൽ നിന്ന് വരികയായിരുന്ന കെഎസ്ആർടിസി ബസിന് നേരെ കല്ലേറുണ്ടായത്. മൂന്ന് യുവാക്കളാണ് കല്ലെറിഞ്ഞതെന്നാണ് വിവരം. ഡ്രൈവർ ശ്രീകുമാറിന് പരിക്കേറ്റു. ഇതേ തുടർന്ന് ബസിലുണ്ടായിരുന്ന 30 ഓളം യാത്രക്കാരെ കൊല്ലത്ത് ഇറക്കി.

ഇതിനെ തുടർന്നാണ് സംസ്ഥാനത്ത് വൈകിട്ട് ആറ് മണി വരെ സർവ്വീസ് നടത്തേണ്ടതില്ലെന്ന് തീരുമാനിച്ചത്. ശനിയാഴ്ച രാത്രി വൈകിയാണ് ഹർത്താൽ പ്രഖ്യാപിച്ചത്. ഇതേ തുടർന്ന് കൂടുതൽ പേരും കൊച്ചിയിൽ രാവിലെ കടകൾ തുറന്നിരുന്നു. പിന്നീട് ഇവ അടച്ചു.

പെട്രോൾ പമ്പുകളും മറ്റും ബിജെപി പ്രവർത്തകർ നേരിട്ടെത്തിയാണ് അടപ്പിച്ചത്. ആർഎസ്എസ് പ്രവർത്തകനായ രാജേഷ് ശാഖ കഴിഞ്ഞ് വീട്ടിലേക്ക് മടങ്ങും വഴി ഇന്നലെ രാത്രിയാണ് കൊല്ലപ്പെട്ടത്. 40 ഓളം മുറിവുകളുണ്ടായിരുന്ന രാജേഷിന്റെ കൈപ്പത്തി പൂർണ്ണമായും അറ്റുപോയിരുന്നു.

അക്രമത്തിന് പിന്നിൽ സിപിഎം ആണെന്ന് ആരോപിച്ച് ബിജെപി രംഗത്ത് വന്നിരുന്നു. ഇത് നിഷേധിച്ച് സിപിഎം ജില്ല സെക്രട്ടറി ആനാവൂർ നാഗപ്പനും പ്രസ്താവന ഇറക്കി. സംഭവത്തിൽ മൂന്ന് പേർ കസ്റ്റഡിയിലുള്ളതായാണ് വിവരം. അക്രമികൾ ഉപയോഗിച്ചതെന്ന് കരുതുന്ന വാഹനങ്ങൾ തിരുവനന്തപുരത്ത് വച്ച് പൊലീസ് കണ്ടെത്തിയിട്ടുണ്ട്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Bjp keralaa haarthal rss worker murder ksrtc stop service

Next Story
തിരുവനന്തപുരത്തെ കൊലപാതകം; പ്രധാനമന്ത്രിയെ ധരിപ്പിക്കുമെന്ന് കുമ്മനംKummanam Rajasekharan, കുമ്മനം രാജശേഖരന്‍, Narendra Modi, നരേന്ദ്രമോദി, Oath taking, സത്യപ്രതിജ്ഞാ ചടങ്ങ്, BJP, ബിജെപി, Minister, Delhi, ന്യൂഡല്‍ഹി, ie malayalam, ഐഇ മലയാളം
The moderation of comments is automated and not cleared manually by malayalam.indianexpress.com