Latest News
ശിവന്‍കുട്ടിക്ക് വിദ്യാഭ്യാസ മന്ത്രിയായി തുടരാന്‍ അര്‍ഹതയില്ല; രാജി ആവശ്യവുമായി പ്രതിപക്ഷം
കര്‍ണാടക: ബസവരാജ് ബൊമ്മെ മുഖ്യമന്ത്രിയായി സത്യപ്രതിജ്ഞ ചെയ്തു

ബിജെപിക്കുള്ളില്‍ ഭിന്നത; ഹര്‍ത്താലിനെ തള്ളി കണ്ണന്താനവും ന്യായീകരിച്ച് ശ്രീധരന്‍പിള്ളയും

ബിജെപി നടത്തിയ രണ്ടു ഹര്‍ത്താലുകളും തെറ്റാണെന്ന വിലയിരുത്തലില്ലെന്ന് ശ്രീധരന്‍ പിള്ള

BJP, ബിജെപി, Lok Sabha Election 2019, ലോക്സഭാ തിരഞ്ഞെടുപ്പ് 2019, Sreedharan Pillai, ശ്രീധരന്‍പിളള, ie malayalam, ഐഇ മലയാളം

കോഴിക്കോട്: ബിജെപി ഹര്‍ത്താലിനെതിരെ പാര്‍ട്ടിക്കുളളില്‍ തന്നെ ഭിന്നത. മതിയായ കാരണമില്ലാതെ ഹര്‍ത്താല്‍ പ്രഖ്യാപിച്ച് ജനങ്ങളുടെ എതിര്‍പ്പു പിടിച്ചുപറ്റിയെന്ന് ബിജെപിക്കുള്ളില്‍ അഭിപ്രായമുയര്‍ന്നിരുന്നു. ഇതോടെ നിലപാട് അറിയിച്ച് രംഗത്തെത്തിയിരിക്കുകയാണ് സംസ്ഥാന അധ്യക്ഷന്‍ പി.എസ്.ശ്രീധരന്‍പിള്ള.

ബിജെപി നടത്തിയ രണ്ടു ഹര്‍ത്താലുകളും തെറ്റാണെന്ന വിലയിരുത്തലില്ലെന്ന് ശ്രീധരന്‍ പിള്ള പറഞ്ഞു. എല്ലാ നേതാക്കളുമായി ആലോചിച്ചാണ് തീരുമാനമെടുത്തതെന്നും ശ്രീധരന്‍ പിള്ള പറഞ്ഞു. ചിലര്‍ ബിജെപിക്കിടയില്‍ തെറ്റിദ്ധാരണ പടര്‍ത്താന്‍ ശ്രമിക്കുന്നെന്നും പിള്ള പറഞ്ഞു.

‘സമരപന്തലിനു മുന്നില്‍ തീ കൊളുത്തിയ വേണുഗോപാലന്‍ നായര്‍ ആത്മഹത്യ ചെയ്തുവെന്ന് വാര്‍ത്താക്കുറിപ്പിറക്കാന്‍ പൊലീസിന് എന്തവകാശം. ശബരിമല സംഭവവുമായി ബന്ധമില്ല എന്ന് പ്രസ്താവനയിറക്കിയതിലൂടെ കമ്മീഷണര്‍ സിപിഎമ്മിന്റെ കൂലിപ്പണിക്കാരനായി. വേണുഗോപാലന്‍ നായര്‍ ബിജെപി നേതാവ് സി.കെ.പത്മനാഭനോട് പറഞ്ഞതാണ് മരണമൊഴി. എന്നാല്‍ സി.കെ.പത്മനാഭന്റെ മൊഴി രേഖപ്പെടുത്താന്‍ പൊലീസ് തയാറായില്ല’ ശ്രീധരന്‍പിള്ള പറഞ്ഞു.

ഹര്‍ത്താലിനെതിരെ പാര്‍ട്ടിക്കുള്ളിലെ ഭിന്നത വെളിപ്പെടുത്തി നേരത്തെ അല്‍ഫോണ്‍സ് കണ്ണന്താനം രംഗത്തെത്തിയിരുന്നു. ഏത് സംഘടന നടത്തിയാലും ഹര്‍ത്താല്‍ പൗരാവകാശങ്ങളുടെ ലംഘനമാണെന്ന് അല്‍ഫോണ്‍സ് കണ്ണന്താനം പറഞ്ഞു. കോര്‍കമ്മിറ്റി അംഗങ്ങളുമായി ആലോചിക്കാതെ ഹര്‍ത്താല്‍ തിടുക്കത്തില്‍ പ്രഖ്യാപിച്ചെന്ന വിമര്‍ശനമാണ് മുരളീധരപക്ഷത്തിനുള്ളത്. മരണമൊഴി പുറത്തുവന്നതോടെ പാര്‍ട്ടി വെട്ടിലായെന്ന് ഗ്രൂപ്പിനതീതമായ അഭിപ്രായവും ഉയരുന്നുണ്ട്. ഈ സാഹചര്യത്തിലാണ് ശ്രീധരന്‍പിള്ള വിശദീകരണവുമായെത്തിയത്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Bjp harthal sreedharan pillai alphonse kannanthanam

Next Story
‘ആക്രമണത്തിന് പിന്നില്‍ മുംബൈ അധോലോക നേതാവ് രവി പൂജാരി തന്നെ’; ലീന മരിയ പോള്‍kochi, gun fire, leena maria paul, actress, beauty parlour, gun, ie malayalam, കൊച്ചി. വെടിവെപ്പ്, നടി, ലീന മരിയ, അധോലോകം, ബ്യൂട്ടീപാർലർ, ഐഇ മലയാളം
The moderation of comments is automated and not cleared manually by malayalam.indianexpress.com