scorecardresearch
Latest News

കന്യാസ്ത്രീയെ പീഡിപ്പിച്ച കേസ്: ബിഷപ്പ് ഫ്രാങ്കോ മുളയ്ക്കലിന്റെ ഹർജിയെ എതിർത്ത് സർക്കാർ

പ്രതിസ്ഥാനത്ത് നിന്ന് ഒഴിവാക്കണമെന്നാവശ്യപ്പെട്ട് ബിഷപ്പ് സമർപ്പിച്ച ഹർജി കോട്ടയം സെഷൻസ് കോടതി തള്ളിയിരുന്നു

franco mulaykkal

കൊച്ചി: കന്യാസ്ത്രീയെ പീഡിപ്പിച്ച കേസിൽ ബിഷപ്പ് ഫ്രാങ്കോ മുളയ്ക്കലിന്റെ ഹർജിയെ എതിർത്ത് സർക്കാർ ഹൈക്കോടതിയിൽ. കേസ് നീട്ടി കൊണ്ട് പോകാനാണ് പ്രതിയുടെ ശ്രമം. പ്രതിക്കെതിരെ തെളിവുണ്ടെന്നും പ്രഥമ വിവര റിപ്പോർട്ടിലും ഇരയുടെ രഹസ്യമൊഴിയിലും ബിഷപ്പ് തന്നെ ബലാൽസംഗം ചെയ്തിട്ടുണ്ടെന്ന് കൃത്യമായി പറഞ്ഞിട്ടുണ്ടെന്നും പ്രോസിക്യൂഷൻ കോടതിയിൽ വ്യക്തമാക്കി.

പ്രതിസ്ഥാനത്ത് നിന്ന് ഒഴിവാക്കണമെന്നാവശ്യപ്പെട്ട് ബിഷപ്പ് സമർപ്പിച്ച ഹർജി കോട്ടയം സെഷൻസ് കോടതി തള്ളിയിരുന്നു. ഇതിനെതിരെ ബിഷപ്പ് സമർപ്പിച്ച റിവിഷൻ ഹർജിയാണ് ജസ്റ്റിസ് വി.ഷെർസി പരിഗണിച്ചത്. പരാതിക്കാരി കേസിൽ കക്ഷി ചേരാൻ അപേക്ഷ നൽകി. തനിക്കെതിരെ
കൃത്യമായ തെളിവുകൾ ഒന്നും ഇല്ലെന്നും കേസ് കെട്ടിച്ചമച്ചതാണെന്നും ബിഷപ് ബോധിപ്പിച്ചു.

Read Also: ഇബ്രാഹിം കുഞ്ഞിനെതിരായ കള്ളപ്പണക്കേസ്: എറണാകുളത്ത് ലീഗിൽ പൊട്ടിത്തെറി, ജില്ലാ കമ്മിറ്റി യോഗം സംസ്ഥാന കമ്മിറ്റി തടഞ്ഞു

പ്രതി ജാമ്യത്തിലാണെന്നും തെറ്റായ വിവരങ്ങളാണ് പറയുന്നതെന്നും പ്രോസിക്യൂഷൻ ചൂണ്ടിക്കാട്ടി. കേസ് കൂടുതൽ വാദത്തിനായി 26 ലേക്ക് മാറ്റി.

Stay updated with the latest news headlines and all the latest Kerala news download Indian Express Malayalam App.

Web Title: Bihop franco mulakkal case in high court