തിരുവനന്തപുരം: ബിവറേജസ് കോര്‍പ്പറേഷന്റെ ചരിത്രത്തിലാദ്യമായി തിരുവോണ ദിവസം വിദേശ്യമദ്യ ചില്ലറ വില്‍പ്പന ശാലകള്‍ക്ക് അവധി. ബെവ്‌കോയുടെ 270 വില്‍പ്പന ശാലകളും കണ്‍സ്യൂമര്‍ഫെഡിന്റെ മൂന്ന് ബിയര്‍ പാര്‍ലറുകളുമുള്‍പ്പടെയുള്ള 36 ഷാപ്പുകളും തിരുവോണ ദിവസം അവധിയായിരിക്കും. ചതയത്തിന്റെ അന്നും അവധിയുണ്ടായിരിക്കും.

എന്നാല്‍ സംസ്ഥാനത്തെ ബാറുകള്‍ തിരുവോണത്തിനും പതിവുപോലെ പ്രവര്‍ത്തിക്കും. ബെവ്‌കോയ്ക്ക് ഏറ്റവും വലിയ വില്പന കിട്ടുന്നത് ഉത്രാടം മുതല്‍ അവിട്ടം വരെയുള്ള ഓണക്കാല ദിവസങ്ങളിലാണ്. ജീവനക്കാരുടെ സംഘടനകള്‍ വര്‍ഷങ്ങളായി ആവശ്യപ്പെടുന്നതാണ് തിരുവോണദിവസത്തെ അവധി.

വിദേശ നിര്‍മിതവിദേശ മദ്യം (എഫ്എംഎഫ്എല്‍) അടുത്ത പ്രവൃത്തിദിവസം മുതല്‍ എല്ലാ ഷാപ്പുകളിലും വിതരണം ചെയ്യണമെന്ന് ബെവ്‌കോ നിര്‍ദ്ദേശിച്ചിട്ടുണ്ട്. പ്രിമിയം ഷാപ്പുകളില്‍ മാത്രം ഇത് വില്പന നടത്തിയാല്‍ മതിയെന്നായിരുന്നു ആദ്യ തീരുമാനം. ആദ്യമമെത്തിയ 620 കെയ്‌സ് മദ്യം ഏറെക്കുറെ വിറ്റുതീര്‍ന്നു. 29-ാം തീയതി 850 കെയ്‌സുകൂടി എത്തും.

Get Malayalam News and latest news update from India and around the world. Stay updated with today's latest Kerala news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ