ലോക ഗവൺമെന്റ് ഉച്ചകോടിയിൽ കേരള പൊലീസിന് അഭിമാന നേട്ടം

സുരക്ഷിത ഡ്രൈവിങ് ലക്ഷ്യമിട്ട് തയ്യാറാക്കിയ ’ട്രാഫിക് ഗുരു’ എന്ന ഗെയിമാണ് പുരസ്കാരത്തിനർഹമായത്

ദുബായ്: ലോക ഗവൺമെന്റ് ഉച്ചകോടിയിൽ കേരള പോലീസിന് അഭിമാനാർഹമായ പുരസ്കാരം. മൊബൈൽ ഗെയിമിലൂടെയുളള ട്രാഫിക് ബോധവത്കരണത്തിനാണ് സമ്മാനം നേടിയത്. ഐക്യരാഷ്ട്രസഭയെയും, അമേരിക്കൻ ഏജൻസിയെയും അവസാന റൗണ്ടിൽ പിന്തളളിയാണ് കേരള പൊലീസിന്റെ നേട്ടം.

സുരക്ഷിത ഡ്രൈവിങ് ലക്ഷ്യമിട്ട് തയ്യാറാക്കിയ ’ട്രാഫിക് ഗുരു’ എന്ന ഗെയിമാണ് പുരസ്കാരത്തിനർഹമായത്.  യു.എ.ഇ. ഉപപ്രധാനമന്ത്രിയും പ്രസിഡൻഷ്യൽകാര്യ മന്ത്രിയുമായ ഷെയ്ഖ് മൻസൂർ ബിൻ സായിദ് ബിൻ ഖലീഫ അൽ നഹ്‌യാനിയാണ് പുരസ്കാരം സമ്മാനിച്ചത്. കേരള പോലീസിലെ ആംഡ് ബറ്റാലിയൻ ഡിഐജി പി.പ്രകാശ് പുരസ്കാരം ഏറ്റുവാങ്ങി.

വിവിധ ട്രാഫിക് നിയമങ്ങളും ഡ്രൈവിങ് രീതികളും അനായാസം മനസ്സിലാക്കാൻ സഹായിക്കുന്നതാണ് ട്രാഫിക് ഗുരു എന്ന ത്രീഡി ഗെയിം ആപ്പ്. ഡ്രൈവിങ് മെച്ചപ്പെടുത്തണമെന്ന് ആഗ്രഹിക്കുന്ന എല്ലാവർക്കും ഇത് ഏറെ പ്രയോജനപ്രദമാകുമെന്നാണ് അവാർഡ് നൽകിയ ജൂറിയുടെ വിലയിരുത്തൽ.

Web Title: Best mobile game award for kerala police in world government summit

Next Story
പദ്‌മനാഭസ്വാമി ക്ഷേത്ര ഉടമസ്ഥാവകാശം: സംസ്ഥാന സർക്കാർ ഇന്ന് സുപ്രീം കോടതിയിൽബി നിലവറ തുറക്കണം, Open B Shelf, ശ്രീപദ്മനാഭ സ്വാമി ക്ഷേത്രം, Sri Padmanabha Swami temple, Assets of Padmanabha swami temple, പദ്മനാഭ സ്വാമി ക്ഷേത്രത്തിലെ സമ്പത്ത്, സുപ്രീം കോടതി, Supreme Court, അമിക്കസ് ക്യുറി
The moderation of comments is automated and not cleared manually by malayalam.indianexpress.com