scorecardresearch
Latest News

ബാർകോഴ കേസ്: മാണിയെ കുറ്റവിമുക്തനാക്കി വീണ്ടും വിജിലൻസ് റിപ്പോർട്ട്

ഇത് മൂന്നാം തവണയാണ് മാണിയെ കുറ്റവിമുക്തനാക്കി വിജിലൻസ് റിപ്പോർട്ട് സമർപ്പിക്കുന്നത്

ബാർകോഴ കേസ്: മാണിയെ കുറ്റവിമുക്തനാക്കി വീണ്ടും വിജിലൻസ് റിപ്പോർട്ട്

തിരുവനന്തപുരം: ബാർകോഴ കേസിൽ കെ.എം.മാണിയെ കുറ്റവിമുക്തനാക്കി വീണ്ടും വിജിലൻസ് റിപ്പോർട്ട്. തിരുവനന്തപുരം വിജിലൻസ് കോടതിയിൽ റിപ്പോർട്ട് സമർപ്പിച്ചു. ഇത് മൂന്നാം തവണയാണ് മാണിയെ കുറ്റവിമുക്തനാക്കി വിജിലൻസ് റിപ്പോർട്ട് സമർപ്പിക്കുന്നത്.

യുഡിഎഫ് സർക്കാരിന്റെ കാലത്ത് രണ്ടുതവണ മാണിയെ കുറ്റവിമുക്തനാക്കി വിജിലൻസ് റിപ്പോർട്ട് സമർപ്പിച്ചിരുന്നു. എൽഡിഎഫ് സർക്കാർ അധികാരത്തിൽ വന്നതോടെ വീണ്ടും മാണിക്കെതിരെ വിജിലൻസ് അന്വേഷണം നടത്തുകയായിരുന്നു. മാണി കോഴ വാങ്ങിയതിന് തെളിവ് കണ്ടെത്താനായില്ലെന്നാണ് വിജിലൻസ് മൂന്നാം തവണയും കോടതിയെ അറിയിച്ചിരിക്കുന്നത്.

മാണിക്കെതിരായ അന്വേഷണ റിപ്പോർട്ട് 45 ദിവസത്തിനകം സമർപ്പിക്കണമെന്ന് കോടതി അന്ത്യശാസനം നൽകിയിരുന്നു. തുടർന്നാണ് മാണിയെ കുറ്റവിമുക്തനാക്കി വിജിലൻസ് കോടതിയിൽ അന്വേഷണ റിപ്പോർട്ട് സമർപ്പിച്ചത്.

പൂട്ടിയ ബാറുകള്‍ തുറക്കാന്‍ ബാറുടമകളില്‍നിന്ന് മന്ത്രി കെ.എം.മാണി ഒരു കോടി രൂപ വാങ്ങിയെന്നായിരുന്നു ഉയർന്ന ആരോപണം. ബിജു രമേശാണ് മാണിക്കെതിരെ ആരോപണം ഉയർത്തിയത്.

Stay updated with the latest news headlines and all the latest Kerala news download Indian Express Malayalam App.

Web Title: Bar scam no evidence aganist km mani vigilance report

Best of Express