scorecardresearch
Latest News

അട്ടപ്പാടിയിൽ ശിശുമരണത്തിന് കുറവില്ല; ഈ വർഷം മരിച്ചത് 13 കുട്ടികൾ

അട്ടപ്പാടിയിൽ ശിശുമരണങ്ങൾ കുറഞ്ഞതായി ആരോഗ്യവകുപ്പ് നേരത്തേ അവകാശപ്പെട്ടിരുന്നു

അട്ടപ്പാടിയിൽ ശിശുമരണത്തിന് കുറവില്ല; ഈ വർഷം മരിച്ചത് 13 കുട്ടികൾ

അഗളി: അട്ടപ്പാടി മേഖലയിൽ ശിശുമരണത്തിന് അയവില്ലെന്ന് റിപ്പോർട്ട്. ഈ വർഷം ഇതുവരെ 13 കുട്ടികൾ ജനന വൈകല്യം മൂലം മരിച്ചതായി മാതൃഭൂമിയാണ് റിപ്പോർട്ട് ചെയ്യുന്നത്.

നേരത്തേ അട്ടപ്പാടിയിലെ ശിശുമരണങ്ങൾ കുറഞ്ഞതായി ആരോഗ്യവകുപ്പ് അവകാശപ്പെട്ടിരുന്നു. എന്നാൽ ഇതുവരെയുള്ള കണക്കുകൾ പ്രകാരം 2014, 2015 വർഷങ്ങളിലെ കണക്കുകളോട് അടുത്താണ് ഈ വർഷത്തെ കണക്കുകളും ഉള്ളത്.

2014 ൽ ആകെ 15 കുട്ടികളാണ് അട്ടപ്പാടി മേഖലയിൽ മരിച്ചത്. 2015 ൽ ഇത് 14 ആയും 2016 ൽ ഇത് എട്ടായും കുറഞ്ഞു. എന്നാൽ ഈ വർഷം മരണസംഖ്യ വീണ്ടും ഉയർന്നു. ഇതുവരെയുള്ള കണക്കുകൾ പ്രകാരം നാല് വർഷത്തെ ഉയർന്ന മരണസംഖ്യ ഈ വർഷം റിപ്പോർട്ട് ചെയ്യപ്പെടുമെന്നാണ് വിവരം.

ഹൃദയവാൽവ്, അന്നനാളം, ശ്വാസകോശം എന്നിവയ്ക്കുണ്ടാകുന്ന തകരാറാണ് മരണ സംഖ്യ ഉയരാൻ കാരണം. കഴിഞ്ഞ വർഷം എട്ട് ഗർഭസ്ഥ ശിശുക്കൾ മരിച്ചിടത്ത് ഈ വർഷം ഇതുവരെ ആറ് കുട്ടികൾ മരിച്ചിട്ടുണ്ട്. എന്നാൽ അമ്മ മരിച്ച സംഭവം മേഖലയിൽ റിപ്പോർട്ട് ചെയ്തില്ല.

Stay updated with the latest news headlines and all the latest Kerala news download Indian Express Malayalam App.

Web Title: Attappadi ingant death rate not reduced confirms data