Latest News

കേന്ദ്ര കാലാവസ്ഥാ വകുപ്പിന്റെ എതിർപ്പ്; കൃത്രിമ മഴ പെയ്യിക്കൽ അനിശ്ചിതത്വത്തിൽ

കേരളം വേനലിനോട് പൊരുതാൻ കഷ്‌ടപ്പെടുമ്പോഴും സർക്കാരിന്റെ വരൾച്ചാ ദുരിതാശ്വാസ പദ്ധതികൾ നീണ്ടുപോകുന്നു.

rain, bahrain

തിരുവനന്തപുരം: കേരളം വേനലിനോട് പൊരുതാൻ കഷ്‌ടപ്പെടുമ്പോഴും സർക്കാരിന്റെ വരൾച്ചാ ദുരിതാശ്വാസ പദ്ധതികൾ നീണ്ടുപോകുന്നു. കൃത്രിമ മഴ പെയ്യിക്കാനുള്ള സർക്കാർ പദ്ധതി കേന്ദ്ര കാലാവസ്ഥാ വകുപ്പ് എതിർത്തതോടെ അനിശ്ചിതത്വത്തിലായി. കൃത്രിമ മഴയിലൂടെ ജലക്ഷാമം പരിഹരിക്കാനുള്ള പദ്ധതി മുഖ്യമന്ത്രി പിണറായി വിജയൻ നിയമസഭയിൽ പ്രഖ്യാപിച്ചിരുന്നു. എന്നാൽ നിലവിലുള്ള സാങ്കേതികവിദ്യകൾ അതിന് പ്രായോഗികമല്ലെന്ന് കേന്ദ്ര കാലാവസ്ഥാവകുപ്പ് അറിയിക്കുകയായിരുന്നു.

കേരളം കൃത്രിമ മഴ പദ്ധതിയുമായി രംഗത്തെത്തുന്നതിന് മുൻപുതന്നെ ഇക്കാര്യം തീരുമാനിച്ചിരുന്നതായി കാലാവസ്ഥാ വകുപ്പ് വൃത്തങ്ങൾ അറിയിച്ചു. തമിഴ്നാടും കർണാടകയും ഉൾപ്പെടെയുള്ള സംസ്ഥാനങ്ങളും നേരത്തേ ഇതിനായി ശ്രമം നടത്തിയിരുന്നെങ്കിലും വിജയിച്ചില്ലെന്നാണു കാലാവസ്ഥാ വകുപ്പിന്റെ കണ്ടെത്തൽ.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Artificial rain cloud seeding drought relief projects of kerala government lagging

The moderation of comments is automated and not cleared manually by malayalam.indianexpress.com