Latest News

‘ആർപ്പോ ആർത്തവം’ ഇന്നു തുടങ്ങും; മുഖ്യമന്ത്രിയും പാ രഞ്ജിത്തും പങ്കെടുക്കും

13ന് ഉച്ചയ്ക്ക് 12നാണ് മുഖ്യമന്ത്രി ആര്‍ത്തവ അയിത്തത്തിനെതിരായ മുന്നേറ്റത്തെ അഭിസംബോധന ചെയ്യുന്നത്

കൊച്ചി: ശബരിമല സ്ത്രീ പ്രവേശന വിധിയെ തുടര്‍ന്ന് നടക്കുന്ന ആര്‍ത്തവ അയിത്തത്തിന് എതിരായ ദ്വിദിന ആര്‍പ്പോ ആര്‍ത്തവം പരിപാടിക്ക് ഇന്ന് തുടക്കം. പരിപാടിയില്‍ മുഖ്യമന്ത്രി പിണറായി വിജയനും സംവിധായകന്‍ പാ. രഞ്ജിത്തും പുന്നല ശ്രീകുമാറും പങ്കെടുക്കും. ഇന്നും നാളെയും എറണാകുളം മറൈന്‍ഡ്രൈവിലെ ഹെലിപാഡ് മൈതാനത്താണ് ആര്‍പ്പോ ആര്‍ത്തവം നടക്കുന്നത്. ആര്‍ത്തവ അയിത്തത്തിന് എതിരെ കേരള സംസ്ഥാനം നിയമം പാസാക്കണം എന്ന് ആവശ്യപ്പെടുന്ന പ്രചാരണം രാജ്യവ്യാപകമായ ശ്രദ്ധ നേടിയതാണ്.

സംസ്ഥാന സര്‍ക്കാരിന്റെ വനിതാ ശിശു വികസന വകുപ്പ് നടത്തുന്ന ‘ആര്‍ത്തവ ശരീരം’ എന്ന ശാസ്ത്ര പ്രദര്‍ശനം ആദ്യമായി ആര്‍പ്പോ ആര്‍ത്തവ വേദിയില്‍ നടക്കും. ആരോഗ്യ മന്ത്രി കെ.കെ ഷൈലജ ടീച്ചര്‍ ഉദ്ഘാടനം ചെയ്യുന്ന പ്രദര്‍ശനം ശാസ്ത്രീയമായി ആര്‍ത്തവം, സ്ത്രീ ശരീരം എന്നിവയെ കുറിച്ചു വ്യക്തത നല്‍കും. ശബരിമല സ്ത്രീ പ്രവേശനത്തെ അനുകൂലിച്ച് തമിഴ്നാട്ടില്‍ പ്രചാരണം നടത്തുന്ന ദി കാസ്റ്റ്ലസ് കളക്ടീവ്, കോവന്‍ സംഘം, ഊരാളി, കലാകക്ഷി തുടങ്ങിയ സംഘങ്ങളുടെ കലാവിഷ്‌ക്കാരങ്ങള്‍ രണ്ടു ദിവസങ്ങളായി നടക്കും.

ഇന്ന് പാ രഞ്ജിത് ജനങ്ങളെ അഭിസംബോധന ചെയ്യും. അദ്ദേഹത്തിന്റെ നേതൃത്വത്തില്‍ സംഘടിപ്പിക്കപ്പെട്ട മ്യൂസിക് ബാന്‍ഡ് തുടര്‍ന്ന് പാട്ടുകള്‍ അവതരിപ്പിക്കും. ഈ സംഘത്തിന്റെ അയാം സോറി അയ്യപ്പാ… നാന്‍ ഉള്ളേ വന്താ എന്തപ്പാ എന്ന പാട്ട് വേദിയില്‍ പാടും. 13ന് ഉച്ചയ്ക്ക് 12നാണ് മുഖ്യമന്ത്രി ആര്‍ത്തവ അയിത്തത്തിനെതിരായ മുന്നേറ്റത്തെ അഭിസംബോധന ചെയ്യുന്നത്. സ്ത്രീകളുടെ ശബരിമല പ്രവേശനങ്ങള്‍ക്കു ശേഷം അദ്ദേഹം പങ്കെടുക്കുന്ന പ്രധാന പൊതുപരിപാടിയാണിത്. ആര്‍ത്തവ അയിത്തത്തിന് എതിരെ സംസ്ഥാന സര്‍ക്കാര്‍ പ്രചാരണം തുടങ്ങിയ ഘട്ടത്തില്‍ അദ്ദേഹത്തിന്റെ സാന്നിധ്യവും പ്രസംഗവും സുപ്രധാനമായി വിലയിരുത്തപ്പെടുന്നു.

രണ്ടു ദിവസങ്ങളായി നടക്കുന്ന വിവിധ സെഷനുകളില്‍ കെ.പി എംഎസ് ജനറല്‍ സെക്രട്ടറി പുന്നല ശ്രീകുമാര്‍, സിപിഐ ദേശീയ നേതാവ് ആനി രാജ, ആദിവാസി ഗോത്ര മഹാസഭാ നേതാവ് സി.കെ ജാനു, ബിനാലെ ക്യുറേറ്റര്‍ അനിതാ ദുബെ, എഴുത്തുകാരി കെ. ആര്‍ മീര, കെ. അജിത, സാറാ ജോസഫ്, സണ്ണി എം. കപിക്കാട്, സുനില്‍ പി. ഇളയിടം തുടങ്ങി നിരവധി പേര്‍ പ്രസംഗിക്കും.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Arppo arthavam kerala campaign starts today

Next Story
ഭക്തജനങ്ങളുടെ ശ്രദ്ധയ്ക്ക്; ശബരിമലയിലേക്ക് പോകുന്ന സ്വകാര്യ വാഹനങ്ങൾക്ക് നിയന്ത്രണംsabarimala, ksrtc, service stopped, കെഎസ്ആർടിസി, ശബരിമല,iemalayalam, ഐ ഇ മലയാളം, today news, news india, latest news, breaking news,kerala news, kerala news malayalam, കേരള വാർത്തകൾ, kerala news today, kerala news headlines, kerala news live, latest malayalam news today,malayalam news, മലയാളം വാർത്തകൾ, malayalam news live, മലയാളം വാർത്തകൾ ലൈവ്, malayalam flash news, ഇന്നത്തെ വാർത്ത, malayalam news online, വാർത്ത ചാനൽ, malayalam flash news, malayalam news online, malayalam news kerala, malayalam news live stream, malayalam news papers,
The moderation of comments is automated and not cleared manually by malayalam.indianexpress.com