കൊച്ചി: ദക്ഷിണ റയിൽവേ അങ്കമാലി യാർഡ് നവീകരണ പ്രവർത്തനങ്ങളോടനുബന്ധിച്ച് മധ്യകേരളത്തിൽ തീവണ്ടി ഗതാഗതം തടസപ്പെടും. ഇന്ന് മുതൽ ഈ മാസം 12 വരെയാണ് തീവണ്ടി ഗതാഗതത്തിൽ ദക്ഷിണ റയിൽവേ തിരുവനന്തപുരം ഡിവിഷൻ നിയന്ത്രണങ്ങൾ ഏർപ്പെടുത്തിയത്.

ആഗസ്റ്റ് 4 മുതൽ 12 വരെ പകൽ സമയങ്ങളിൽ അങ്കമാലി വഴി കടന്നു പോകുന്ന ട്രെയിനുകൾ അര മണിക്കൂർ മുതൽ രണ്ടു മണിക്കൂർ വരെ തൃശ്ശൂരിനും എറണാകുളത്തിനും ഇടയിൽ പിടിച്ചിടും.

ഹ്രസ്വദൂര തീവണ്ടികളിൽ ചിലത് റയിൽവേ ഈ ദിവസങ്ങളിൽ റദ്ദാക്കിയിട്ടുണ്ട്. ചില തീവണ്ടികൾ ചാലക്കുടിക്കും ആലുവയ്ക്കും ഇടയിൽ സർവ്വീസ് നടത്തില്ല. നിർമ്മാണ പ്രവർത്തനം നടക്കുന്ന സാഹചര്യത്തിൽ ഈ റൂട്ടിലുള്ള എല്ലാ വണ്ടികളും വൈകാൻ സാധ്യതയുണ്ടെന്ന് റയിൽവേയുടെ പത്രക്കുറിപ്പിൽ വ്യക്തമാക്കി.

എറണാകുളം- പാലക്കാട് മെമു ( 66611/12) ആഗസ്ത് 12 വരെ സർവ്വീസ് നടത്തില്ല. ഇതിന് പുറമേ രാവിലെ 6 മണിക്കുള്ള എറണാകുളം- ഗുരുവായൂർ പാസഞ്ചർ (56370), രാവിലെ 9.05 ന് പുറപ്പെടുന്ന ഗുരുവായൂർ-തൃശ്ശൂർ പാസഞ്ചർ (56373), ഉച്ചക്ക് 1 മണിക്ക് സർവ്വീസ് ആരംഭിക്കുന്ന ഗുരുവായൂർ-എറണാകുളം പാസഞ്ചർ (56375), 10-55 നുള്ള തൃശ്ശൂർ – ഗുരുവായൂർ പാസഞ്ചർ എന്നിവ ഈ മാസം 12 ന് മാത്രം സർവ്വീസ് നടത്തില്ല.

ഇതിന് പുറമേ ദീർഘദൂര തീവണ്ടികളടക്കം ഭാഗികമായി റദ്ദാക്കിയിട്ടുണ്ട്. 12618 നമ്പർ നിസാമുദ്ദീൻ-എറണാകുളം മംഗള എക്സ്‌പ്രസ് മൂന്ന് ദിവസങ്ങളിൽ തൃശ്ശൂരിൽ സർവ്വീസ് അവസാനിപ്പിക്കും. ഇന്നും ഞായറാഴ്ചയും തിങ്കളാഴ്ചയുമാണ് തീവണ്ടി തൃശ്ശൂരിൽ യാത്ര അവസാനിപ്പിക്കുക.

കണ്ണൂർ ആലപ്പുഴ എക്സിക്യുട്ടീവ് എക്സ്പ്രസ്(16308) വെള്ളിയാഴ്ചയും ഞായറാഴ്ചയും ചാലക്കുടിയിൽ സർവ്വീസ് അവസാനിപ്പിക്കും. 16307 നമ്പർ ആലപ്പുഴ-കണ്ണൂർ എക്സിക്യുട്ടീവ് എക്സ്‌പ്രസ് ചാലക്കുടിയിൽ നിന്ന് ഈ ദിവസങ്ങളിൽ സർവ്വീസ് ആരംഭിക്കും. റിസർവ്ചെയ്ത യാത്രക്കാരുടെ സൗകര്യത്തിന് തിരുവനന്തപുരം-ന്യൂ ഡൽ ഹി കേരളാ എക്സ്പ്രിസ്സിന് ചാലക്കുടിയില്‍ സ്റ്റോപ്പ്‌ അനുവദിച്ചിട്ടുണ്ട്.

ആഗസത് 12ന് (16302/16301) ഷൊര്ണൂ്ര്‍-തിരുവനനതപുരം വേണാട്, തിരുവനന്തപുരം- ഷൊര്ണൂര്‍ വേണാട് എക്സ്പ്രസ്സ്‌ എറണാകുളത്തിനും തിരുവനന്തപുരത്തിനും ഇടയില്‍ മാത്രമാണ് സർവീസ് നടത്തുന്നത്. 16313 എറണാകുളം-കണ്ണൂര്‍ ഇന്റര്‍ സിറ്റി എക്സ്പ്രസ്സ്‌ ചാലക്കുടിയില്‍ നിന്നും സർവീസ് ആരംഭിക്കും. കണ്ണൂര്‍-എറണാകുളം ഇന്റര്‍ സിറ്റി ഈ ദിവസം ചാലക്കുടിയിൽ സർവീസ് അവസാനിപ്പിക്കുകയും ചെയ്യും.

Get Malayalam News and latest news update from India and around the world. Stay updated with today's latest Kerala news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ