Latest News

എ.കെ.ശശീന്ദ്രന് എതിരായ ഫോൺ കെണി കേസ്; വിധി ഇന്ന്

ശശീന്ദ്രൻ വീണ്ടും മന്ത്രിസ്ഥാനത്തേക്ക് എത്തിയേക്കും

ak saseendran, minister, kerala, ncp

തിരുവനന്തപുരം: മുന്‍ മന്ത്രി എ.കെ.ശശീന്ദ്രനെതിരായ ഫോണ്‍കെണി കേസില്‍ തിരുവനന്തപുരം മജിസ്ട്രേറ്റ് കോടതി ഇന്ന് വിധി പറയും. ശശീന്ദ്രനെതിരെ പരാതിയില്ലെന്ന് ആരോപണമുന്നയിച്ച ചാനല്‍പ്രവര്‍ത്തക കോടതിയിൽ മൊഴി നൽകിയിരുന്നു. ഇതോടെ ശശീന്ദ്രന് അനുകൂലമായ വിധി ഉണ്ടാകുമെന്നാണ് പ്രതീക്ഷ.

ഫോണിൽ തന്നോട് അശ്ലീലം സംസാരിച്ചത് ശശീന്ദ്രൻ തന്നെയാണോയെന്ന് ഉറപ്പില്ലെന്നും, മന്ത്രി തന്നെ പീഡിപ്പിക്കാൻ ശ്രമിച്ചിട്ടില്ലെന്നും യുവതി കോടതിയോട് വ്യക്തമാക്കി. സംഭവവുമായി ബന്ധപ്പെട്ട് നേരത്തെ ഹൈക്കോടതിയില്‍ നിലനിന്നിരുന്ന കേസ് ഒത്തുതീര്‍പ്പാക്കിയിരുന്നു.

അനുകൂലമായ തീരുമാനം കോടതിയിൽ നിന്നുണ്ടായാൽ എ.കെ.ശശീന്ദ്രൻ മന്ത്രിസ്ഥാനത്തേക്ക് തിരികെ വരും. നേരത്തേ ഈ ആരോപണം ഉയർന്നപ്പോഴാണ് എ.കെ.ശശീന്ദ്രൻ മന്ത്രിസ്ഥാനം രാജിവച്ചത്. പിന്നീട് മന്ത്രിയായ തോമസ് ചാണ്ടിയും കായൽ കൈയ്യേറ്റവുമായി ബന്ധപ്പെട്ട തർക്കത്തിൽ രാജിവച്ചു. ഇതോടെയാണ് ആദ്യം കോടതി കുറ്റവിമുക്തനാക്കുന്നയാൾ മന്ത്രിയാകുമെന്ന് എൻസിപി സംസ്ഥാന ഘടകം നിലപാട് വ്യക്തമാക്കിയത്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Ak saseendran honey trap case verdict

Next Story
പാലക്കാട് നിന്ന് വിറ്റ കുഞ്ഞിനെ ഈറോഡിൽ കണ്ടെത്തി
The moderation of comments is automated and not cleared manually by malayalam.indianexpress.com