തിരുവനന്തപുരം: മദ്യം വാങ്ങുന്നതിനുളള പ്രായപരിധി ഉയർത്തി. നിലവിലുളള പ്രായപരിധിയായ 21 ൽ നിന്നും 23 ലേക്ക് ഉയർത്തി സർക്കാർ തീരുമാനമായി. നിയമസഭ പാസ്സാക്കിയ 2018 ലെ അബ്കാരി (ഭേദഗതി) ബിൽ പ്രകാരമാണ് പുതിയ ഭേദഗതി. രണ്ട് ഭേദഗതികളാണ് ബില്ലിൽ ഉണ്ടായിരുന്നത്.
കള്ളിൽ സ്റ്റാർച്ച് കലർത്തി വിൽക്കുന്നത് അബ്കാരി ആക്ട് പ്രകാരം അഞ്ച് വർഷം വരെ ശിക്ഷയും 50,000 രൂപ പിഴയും ലഭിക്കാവുന്ന കുറ്റമായിരുന്നു. ഈ ശിക്ഷ ലഘൂകരിക്കുന്ന ഭേദഗതിയാണ് രണ്ടാമത്തേത്. പുതിയ ഭേദഗതി പ്രകാരം ആറു മാസം ശിക്ഷയും 25,000 രൂപ പിഴയും ലഭിക്കും. സബ്ജക്ട് കമ്മിറ്റിയിലെ യുഡിഎഫ് അംഗങ്ങളായ ഡോ. എൻ.ജയരാജും വി.ഡി.സതീശനും വിയോജിപ്പോട് കൂടിയാണ് ഭേദഗതി പാസാക്കിയത്.
Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook
.
