scorecardresearch

Latest News

നടിയെ ആക്രമിച്ച കേസ്: നാദിർഷായെ ചോദ്യം ചെയ്യേണ്ടത് അനിവാര്യമാണെന്ന് പൊലീസ്

നാദിര്‍ഷാ നേരത്തെ നല്‍കിയ മൊഴിയില്‍ പലതും കളവാണെന്നാണ് പൊലീസ് പറയുന്നത്

ആലുവ: നടിയെ ആക്രമിച്ച കേസിൽ സംവിധായകൻ നാദിർഷായുടെ മുൻകൂർ ജാമ്യാപേക്ഷയിൽ ശക്തമായ നിലപാടുമായി പൊലീസ് രംഗത്ത്. നാദിർഷായെ ചോദ്യം ചെയ്യേണ്ടത് അനിവാര്യമാണെന്ന് അന്വേഷണസംഘം കോടതിയെ അറിയിക്കും. വിഷയത്തിൽ നേരത്തേ കോടതി സർക്കാർ നിലപാട് തേടിയിരുന്നു. കേസിൽ നാദിർഷായെ വിശദമായി ചോദ്യം ചെയ്യേണ്ടതുണ്ട്. ഇതിനുശേഷം മാത്രമേ അറസ്റ്റ് തീരുമാനിക്കാൻ സാധിക്കുകയുള്ളുവെന്നാണ് പൊലീസ് നിലപാട്.

നടിയെ ആക്രമിച്ച കേസില്‍ സംവിധായകന്‍ നാദിര്‍ഷാ മുന്‍കൂര്‍ ജാമ്യം തേടിയിരുന്നു. ഹൈക്കോടതിയിലാണ് താരം ജാമ്യാപേക്ഷ സമര്‍പ്പിച്ചത്. പൊലീസ് അറസ്റ്റ് ചെയ്യുമെന്ന് ഭീഷണിപ്പെടുത്തുകയാണെന്നും തന്നെ മാനസികമായി സമ്മര്‍ദത്തിലാക്കുകയാണെന്നും ജാമ്യാപേക്ഷയില്‍ കുറ്റപ്പെടുത്തുന്നു. നാദിര്‍ഷ നേരത്തെ നല്‍കിയ മൊഴിയില്‍ പലതും കളവാണെന്നാണ് പൊലീസ് പറയുന്നത്.

പ്രോ​സി​ക്യൂ​ഷ​നെ പി​ന്തു​ണ​യ്ക്കു​ന്ന തെ​റ്റാ​യ മൊ​ഴി​ക​ൾ പ​റ​യാ​ൻ പൊ​ലീ​സ് ആ​വ​ശ്യ​പ്പെ​ടു​ന്ന​താ​യും നാ​ദി​ർ​ഷാ ഹ​ർ​ജി​യി​ൽ പറയുന്നു. അ​ടു​ത്ത​ദി​വ​സം​ത​ന്നെ ഹൈ​ക്കോ​ട​തി ഹ​ർ​ജി പ​രി​ഗ​ണി​ക്കു​മെ​ന്നാ​ണു സൂ​ച​ന. ബു​ധ​നാ​ഴ്ച ചോ​ദ്യം ചെ​യ്യാ​ൻ നാദിർഷായെ വി​ളി​പ്പി​ച്ചിരുന്നു. തു​ട​ർ​ന്ന് നാ​ദി​ർ​ഷാ കൊ​ച്ചി​യി​ലെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ തേ​ടി​യി​രു​ന്നു. നെ​ഞ്ചു​വേ​ദ​ന​യെ തു​ട​ർ​ന്നാ​ണ് ചി​കി​ത്സ തേ​ടി​യ​തെ​ന്നാ​ണ് ആ​ശു​പ​ത്രി വൃ​ത്ത​ങ്ങ​ൾ പ​റ​യു​ന്ന​ത്.

മു​ൻ​പ് ചോ​ദ്യം ചെ​യ്ത​പ്പോ​ൾ നാ​ദി​ർ​ഷാ പ​റ​ഞ്ഞ​തു പ​ല​തും ക​ള​വെ​ന്നു പൊ​ലീ​സി​നു തെ​ളി​വ് ല​ഭി​ച്ചി​ട്ടു​ണ്ട്. ഇ​തി​ന്‍റെ പ​ശ്ചാ​ത്ത​ല​ത്തി​ലാ​ണ് പൊ​ലീ​സ് വീ​ണ്ടും ചോ​ദ്യം ചെ​യ്യ​ലി​ന് ഒ​രു​ങ്ങു​ന്ന​ത്. ആ​ശു​പ​ത്രി വി​ട്ടാ​ൽ നാ​ദി​ർ​ഷാ​യെ ഉ​ട​ൻ ചോ​ദ്യം ചെ​യ്യു​മെ​ന്നാ​ണ് പൊ​ലീ​സ് ന​ൽ​കു​ന്ന സൂ​ച​ന.

ഇതിനിടെയാണ് പൊലീസിന്റെ നീക്കങ്ങള്‍ മുന്നില്‍കണ്ട് നാദിര്‍ഷാ നിയമോപദേശം തേടിയത്. മുന്‍കൂര്‍ ജാമ്യം തേടണമോയെന്നത് സംബന്ധിച്ചാണ് മുതിര്‍ന്ന അഭിഭാഷകരില്‍ നിന്ന് നാദിര്‍ഷാ നിയമോപദേശം തേടിയത്.

Stay updated with the latest news headlines and all the latest Kerala news download Indian Express Malayalam App.

Web Title: Actress attack case police says questioning actor nadirsha is a must