കൊച്ചി: നടൻ തിലകൻ്റെ മകനും സീരിയൽ താരവുമായ ഷാജി തിലകൻ(56) അന്തരിച്ചു. കരൾ സംബന്ധമായ അസുഖത്തെ തുടർന്ന് അമൃത ആശുപത്രിയിൽ ചികിത്സയിലായിരുന്നു. ചാലക്കുടിയിൽ വച്ചായിരുന്നു അന്ത്യം.
അപ്പോളോ ടയേഴ്സ് ജീവനക്കാരനായ ഷാജി തിലകൻ 1998-ല്‍ പുറത്തിറങ്ങിയ സാഗരചരിത്രം എന്ന ചിത്രത്തില്‍ അഭിനയിച്ചിരുന്നു. സമീപകാലത്ത് സീരിയല്‍ മേഖലയിലും സജീവമായിരുന്നു. അനിയത്തി, നിലാവും നക്ഷത്രങ്ങളും എന്നീ പരമ്പരകളിൽ അഭിനയിച്ചിട്ടുണ്ട്.
മാതാവ്: ശാന്ത. നടന്‍ ഷമ്മി തിലകന്‍, ഡബിംഗ് ആര്‍ട്ടിസ്റ്റും നടനുമായ ഷോബി തിലകന്‍, സോണിയ തിലകന്‍, ഷിബു തിലകന്‍, സോഫിയ തിലകന്‍ എന്നിവര്‍ സഹോദരങ്ങളാണ്.
