scorecardresearch

Latest News

പ്രതീക്ഷയുടെ കിരണം; അഭിലാഷ് ടോമിയുടെ പായ് വഞ്ചി കണ്ടെത്തി

നാവികസേനയുടെ P8i വിമാനമാണ് വഞ്ചി കണ്ടെത്തിയത്. ഭക്ഷണവും മരുന്നും എത്തിക്കാനുള്ള ശ്രമം നടക്കുകയാണ്.

പെർത്ത്: മലയാളി നാവികന്‍ അഭിലാഷ് ടോമിയുടെ പായ് വഞ്ചിയുടെ ലൊക്കേഷന്‍ കണ്ടെത്തി. നാവികസേനയുടെ P8i വിമാനമാണ് വഞ്ചി കണ്ടെത്തിയത്. അഭിലാഷ് സുരക്ഷിതനാണെന്ന് നാവികസേനയുടെ സന്ദേശം. ഭക്ഷണവും മരുന്നും എത്തിക്കാനുള്ള ശ്രമം നടക്കുകയാണ്. പായ് വഞ്ചി തകര്‍ന്ന് നടുവിന് പരുക്കേറ്റതിനെ തുടര്‍ന്ന് അനങ്ങാനാകാത്ത അവസ്ഥയിലാണ് അഭിലാഷ്. ഉടനെ തന്നെ അഭിലാഷിനെ രക്ഷിക്കാന്‍ സാധിക്കുമെന്നാണ് പ്രതീക്ഷിക്കന്നത്.

താന്‍ സുരക്ഷിതനാണെന്നും ജിപിഎസ് സംവിധാനവും സാറ്റലൈറ്റ് ഫോണും പ്രവര്‍ത്തന ക്ഷമമാണെന്നും അഭിലാഷില്‍നിന്നും ഇന്നലെ സന്ദേശം ലഭിച്ചതായി ഗോള്‍ഡന്‍ ഗ്ലോബ് റേസ് അധികൃതര്‍ അറിയിച്ചിരുന്നു. കഴിഞ്ഞ ദിവസം രാത്രി പത്തരയോടെ അഭിലാഷിന്റെ ആദ്യ സന്ദേശം ലഭിച്ചിരുന്നു. പരുക്ക് പറ്റിയിട്ടുണ്ടെന്നും ബങ്കിന് പുറത്തേക്ക് എത്താന്‍ സാധിക്കില്ലെന്നുമായിരുന്നു അഭിലാഷിന്റെ സന്ദേശം.

അഭിലാഷ് ടോമിയുടെ പായ് വഞ്ചി

ഓസ്ട്രേലിയയിലെ പെര്‍ത്തില്‍നിന്നു 3000 കിലോമീറ്റര്‍ പടിഞ്ഞാറു വച്ചാണ് അപകടമുണ്ടായത്. തന്റെ പായ് വഞ്ചിക്കു തകരാറുണ്ടായെന്നും തനിക്കു സാരമായി പരുക്കേറ്റുവെന്നും അഭിലാഷ് ടോമി സന്ദേശം നല്‍കിയിരുന്നു. എന്നാല്‍ ഇതിനു ശേഷം അഭിലാഷുമായി ബന്ധപ്പെടാന്‍ സാധിച്ചിരുന്നില്ല. അതിശക്തമായ കാറ്റില്‍ 14 മീറ്റര്‍ വരെ ഉയര്‍ന്ന തിരമാലയില്‍ പെട്ടാണ് അഭിലാഷിന്റെയും മറ്റു രണ്ടു വിദേശ നാവികരുടെയും പായ് വഞ്ചി അപകടത്തില്‍ പെട്ടത്.

ജൂലൈ ഒന്നിനു ഫ്രാന്‍സിലെ സാബ്ലെ ദൊലോന്‍ തുറമുഖത്തുനിന്ന് ആരംഭിച്ച പ്രയാണത്തില്‍ ഇപ്പോള്‍ അഞ്ചാം സ്ഥാനത്തായിരുന്നു അഭിലാഷ്. ഗോള്‍ഡന്‍ ഗ്ലോബ് റേസിലെ വേഗറെക്കോര്‍ഡിനും അഭിലാഷ് അര്‍ഹനായിരുന്നു. കഴിഞ്ഞ ദിവസം 24 മണിക്കൂറിനിടെ 194 മൈല്‍ ദൂരം പിന്നിട്ടാണ് അഭിലാഷ് റെക്കോര്‍ഡിട്ടത്. ഇത്രയും വേഗം കൈവരിക്കുന്ന ആദ്യ നാവികനാണ് അഭിലാഷ്.

അഭിലാഷിന്‍റെ ലൊക്കേഷന്‍

അഭിലാഷ് ടോമിയുടെ പായ് വഞ്ചി ‘തുരിയ’, ഇന്ത്യന്‍ നാവികസേനയുടെ തട്ടകമായ ഇന്ത്യന്‍ മഹാസമുദ്രത്തിലെത്തിയിരുന്നു. ഒറ്റയ്ക്ക് കടലിലൂടെ ലോകം ചുറ്റി തുടങ്ങിയിടത്തു തിരിച്ചെത്തുകയാണു ലക്ഷ്യം. 50 വര്‍ഷം മുന്‍പത്തെ കടല്‍ പര്യവേക്ഷണ സമ്പ്രദായങ്ങള്‍ മാത്രം ഉപയോഗിച്ചു സംഘടിപ്പിക്കുന്ന പ്രയാണത്തില്‍, ഏഴുപേര്‍ ഇടയ്ക്കു പിന്മാറിയതോടെ അഭിലാഷ് ഉള്‍പ്പെടെ 11 പേരാണു മല്‍സരരംഗത്തു ബാക്കി.

Stay updated with the latest news headlines and all the latest Kerala news download Indian Express Malayalam App.

Web Title: Abhilash tomys location found

Best of Express