scorecardresearch

മഅദനി ഇന്ന് കേരളത്തിലെത്തും; മെയ് 11 വരെ നാട്ടിൽ താമസിക്കാൻ അനുമതി

നാട്ടിലെത്തുന്നത് അർബുദ രോഗം ബാധിച്ച് ചികിത്സയിൽ കഴിയുന്ന അമ്മയെ കാണാൻ

abdul nasar madani, pdp chairman

ബെംഗളൂരു: പിഡിപി നേതാവ് അബ്ദുൾ നാസർ മഅദനി ഇന്ന് കേരളത്തിലെത്തും. മെയ് 3 മുതൽ 11 വരെ മഅദനിക്ക് കേരളത്തിൽ തങ്ങാൻ ബെംഗളുരുവിലെ എൻഐഎ കോടതി അനുമതി നൽകിയിരുന്നു. എന്നാൽ ബെംഗളുരു പൊലീസ് സുരക്ഷാ അനുമതി വൈകിച്ചതോടെയാണ് മഅദനിയുടെ യാത്ര തടസപ്പെട്ടത്.

കർണ്ണാടകയിൽ സംസ്ഥാന നിയമസഭ തിരഞ്ഞെടുപ്പ് നടക്കുന്നതിനാൽ മഅദനിക്ക് സുരക്ഷയൊരുക്കാൻ സാധിക്കില്ലെന്നായിരുന്നു ബെംഗളുരു പൊലീസ് ഇന്നലെ നിലപാടെടുത്തത്. പിന്നീട് സിറ്റി ആംഡ് റിസർവ് പൊലീസിന്റെ സഹായത്തോടെയാണ് സുരക്ഷ ഏർപ്പെടുത്തിയത്.

ഇതോടെയാണ് മഅദനിക്ക് കേരളത്തിലേക്ക് മടങ്ങാൻ സാഹചര്യം ഉണ്ടായത്. അർബുദ രോഗം ബാധിച്ച് ചികിത്സയിൽ കഴിയുന്ന മാതാവിനെ കാണാൻ അനുവദിക്കണമെന്നാണ് ബെംഗളുരു എൻഐഎ കോടതിയിൽ മഅദനി ആവശ്യപ്പെട്ടത്. ഈ അപേക്ഷ പരിഗണിച്ചാണ് കോടതി അദ്ദേഹത്തെ നാട്ടിലേക്ക് വിടുന്നത്.

Stay updated with the latest news headlines and all the latest Kerala news download Indian Express Malayalam App.

Web Title: Abdul nasar madani will reach kerala today