കെഎസ്​ആർടിസിയിൽ ഓഗസ്റ്റ് എഴിന്​ 24 മണിക്കൂർ പണിമുടക്ക്

തി​രു​വ​ന​ന്ത​പു​രം: കെഎസ്ആർടിസിയിൽ ഭരണകക്ഷി യൂണിയനുകൾ ഉൾപ്പടെ പണിമുടക്കിന്. സിഐടിയു, എ​ഐടിയുസി യൂണിയനുകൾ ഉൾപ്പടെയുളള സംയുക്ത ട്രേഡ് യൂണിയൻ സമിതിയാണ് പണിമുക്ക് പ്രഖ്യാപിച്ചിരിക്കുന്നത്. ഓഗസ്റ്റ് ഏഴിനാണ് പണിമുടക്ക്. ആറിന് രാത്രി 12 മണി മുതൽ ഏഴിന് രാത്രി 12 മണിവരെ 24 മണിക്കൂറാണ് പണിമുടക്ക്.

കെഎ​സ്ആ​ർടിസി മാ​നേ​ജ്​​മെന്റിന്റെ തൊ​ഴി​ലാ​ളി​വി​രു​ദ്ധ ന​യ​ങ്ങ​ളി​ൽ പ്ര​തി​ഷേ​ധി​ച്ചാണ് സം​യു​ക്​​ത ട്രേ​ഡ്​ യൂ​ണിയ​ൻ സ​മി​തി​യു​ടെ നേ​തൃ​ത്വ​ത്തി​ൽ 24 മ​ണി​ക്കൂ​ർ സൂ​ച​ന​പ​ണി​മു​ട​ക്ക്​ ന​ട​ത്തുന്നതെന്ന് അറിയിച്ചു.

കെഎ​സ്ആ​ർടിഇഎ (സിഐടിയു), കെഎ​സ്ടിഇ​യു (എഐടി യുസി), കെഎ​സ്ടിഡ​ബ്ല്യുയു (ഐഎ​ൻടിയുസി), കെഎ​സ്ടിഡി യു (​ഐഎ​ൻടിയുസി) എ​ന്നീ സം​ഘ​ട​ന​ക​ളാ​ണ്​ സം​യു​ക്​​ത ട്രേ​ഡ്​ യൂ​ണിയ​ൻ സ​മി​തി​യി​ലു​ള്ള​ത്.

വാ​ട​ക​വ​ണ്ടി നീ​ക്കം ഉ​പേ​ക്ഷി​ക്കു​ക, ശ​മ്പ​ള​പ​രി​ഷ്​​ക​ര​ണ ച​ർ​ച്ച സ​മ​യ​ബ​ന്ധി​ത​മാ​യി പൂ​ർ​ത്തി​യാ​ക്കു​ക, ഷെ​ഡ്യൂ​ൾ പ​രി​ഷ്​​കാ​രം ഉ​പേ​ക്ഷി​ക്കു​ക, നി​യ​മ​വി​രു​ദ്ധ ഡ്യൂ​ട്ടി പ​രി​ഷ്​​ക​ര​ണം പി​ൻ​വ​ലി​ക്കു​ക തു​ട​ങ്ങി​യ ആ​വ​ശ്യ​ങ്ങ​ൾ ഉ​ന്ന​യി​ച്ചാ​ണ്​ പ​ണി​മു​ട​ക്ക്.

കെഎസ്ആർടിസിയുടെ മേധാവിയായി ടോമിൻ തച്ചങ്കരി വന്നതിന് ശേഷം നടപ്പാക്കിയ പരിഷ്കാരങ്ങൾ ജീവനക്കാരുടെ ശക്തമായ എതിർപ്പ് ക്ഷണിച്ച് വളർത്തിയിരുന്നു. ഇതിനെ തുടർന്ന് കെഎസ്ആർടിസി മാനേജ്മെന്റിനെതിരെ സിപിഎം നേതാവായ ആനത്തലവട്ടം ആനന്ദൻ ഉൾപ്പടെയുളളവർ ശക്തമായ വിമർശനം ഉന്നയിച്ചിരുന്നു.