Latest News
മൊറേനൊ പെനാലിറ്റി പാഴാക്കി; സ്പെയിനിനെ സമനിലയില്‍ കുരുക്കി പോളണ്ട്
ഇന്ധനനിരക്ക് വര്‍ധിപ്പിച്ചു, പെട്രോളിന് 29 പൈസയും ഡീസലിന് 30 പൈസയുമാണ് കൂട്ടിയത്
സംസ്ഥാനത്ത് ഒറ്റപ്പെട്ട ശക്തമായ മഴ തുടരുന്നു; നാല് ജില്ലകളില്‍ യെല്ലോ അലര്‍ട്ട്
ഇന്നും സമ്പൂര്‍ണ ലോക്ക്ഡൗണ്‍; നാളെ മുതല്‍ ഇളവുകള്‍
രാജ്യത്ത് 58,419 പുതിയ കേസുകള്‍; 7.29 ലക്ഷം പേര്‍ ചികിത്സയില്‍
ഉത്പാദനം വര്‍ധിച്ചു; ജൂലൈയില്‍ 13.5 കോടി വാക്സിന്‍ ഡോസ് ലഭ്യമാകും

പത്തനംതിട്ടയിൽ പതിനേഴുകാരിയെ പെട്രോളൊഴിച്ച് കത്തിച്ചു; 80 ശതമാനം പൊള്ളലേറ്റു

പെൺകുട്ടി കോട്ടയം മെഡിക്കൽ കോളേജിൽ ചികിത്സയിലാണ്

കോട്ടയം: പത്തനംതിട്ടയിൽ പെട്രോളൊഴിച്ച് തീ കൊളുത്തിയതിനെ തുടർന്ന് പതിനേഴുകാരി ഗുരുതര നിലയിൽ. പ്രണയ ബന്ധത്തിലെ വിള്ളൽ മൂലം കടമ്മനിട്ട സ്വദേശി സജിൽ(23) ആണ് കല്ലേലി മുക്കിനു സമീപം കുരീത്തെക്ക കോളനിയിലെ ശാരി (17)യെ ആക്രമിച്ചത്.

പെൺകുട്ടിക്ക് 80 ശതമാനത്തിലധികം പൊള്ളലേറ്റിട്ടുണ്ട്. പ്രതി ഇപ്പോൾ ഒളിവിലാണ്. ശാരിയുടെ നാരങ്ങാനം കല്ലേലിമുക്കിലെ വീട്ടിൽ അതിക്രമിച്ച് കടന്നാണ് ഇയാൾ ആക്രമിച്ചതെന്നാണ് പൊലീസ് നൽകുന്ന വിവരം.

പെൺകുട്ടിയും കൃത്യം നടത്തിയ സജിലും തമ്മിൽ അടുപ്പത്തിലായിരുന്നുവെന്നാണ് പൊലീസ് നൽകുന്ന വിവരം. എന്നാൽ ബന്ധത്തിൽ വിള്ളൽ വീണതായും ഇതേ തുടർന്നുള്ള പ്രശ്നമാണ് ആക്രമണത്തിന് കാരണമായതെന്നും പൊലീസ് പറയുന്നു. പഠനം നിർത്തിയ പെൺകുട്ടി പത്തനംതിട്ടയിലെ വസതിയിലായിരുന്നു താമസിച്ചിരുന്നത്.

ശാരിയുടെ മാതാപിതാക്കൾ വീട്ടിൽ ഇല്ലാതിരുന്ന സമയത്താണ് സജിൽ പെൺകുട്ടിയെ ആക്രമിച്ചത്. വൈകിട്ട് വീടിനു സമീപം ചെന്ന യുവാവ് പെൺകുട്ടിയോട് ഇറങ്ങിവരാൻ ആവശ്യപ്പെട്ടെങ്കിലും പെൺകുട്ടി വിസമ്മതിച്ചു. ഏതാണ്ട് ഒരു മണിക്കൂറോളം കഴിഞ്ഞ ശേഷം പെട്രോളുമായി എത്തിയ സജിൽ വീട്ടിനകത്തേക്ക് അതിക്രമിച്ച് കയറുകയും പെൺകുട്ടിയുടെ ശരീരത്തിൽ പെട്രോൾ ഒഴിച്ച് തീ കൊളുത്തുകയുമായിരുന്നു.

പെൺകുട്ടിയെ ആദ്യം പത്തനംതിട്ടയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും 80 ശതമാനത്തിലധികം പൊള്ളൽ ഉള്ളതിനാൽ കോട്ടയം മെഡിക്കൽ കോളജിലേക്ക് മാറ്റി. ഒളിവിൽ പോയ പ്രതി സജിലിനായി പൊലീസ് തിരച്ചിൽ ശക്തമാക്കിയിട്ടുണ്ട്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: 17 year old girl burnt alive inside home in pathanamthitta

Next Story
ജിയോക്ക് പണിയായി, എറണാകുളത്ത് കേബിളിടാനുള്ള അനുമതി റദ്ദാക്കിയെന്ന് മന്ത്രി സുധാകരൻg.sudhakaran, hybi edan, jio
The moderation of comments is automated and not cleared manually by malayalam.indianexpress.com