UPSC Released CSE Prelims Exam 2019 Notification: യൂണിയൻ പബ്ലിക് സർവീസ് കമ്മിഷൻ (യുപിഎസ്‌സി) സിവിൽ സർവീസ് പരീക്ഷയ്ക്കുളള വിജ്ഞാപനം പുറപ്പെടുവിച്ചു. യുപിഎസ്‌സിയുടെ ഔദ്യോഗിക വെബ്സൈറ്റായ upsconline.nic.in വഴി ഓൺലൈനായാണ് അപേക്ഷ സമർപ്പിക്കേണ്ടത്. അപേക്ഷ സമർപ്പിക്കാനുളള അവസാന തീയതി മാർച്ച് 18 വൈകിട്ട് 6 വരെയാണ്.

സിവിൽ സർവീസിന്റെ പ്രിലിമിനറി പരീക്ഷ ജൂൺ രണ്ടിന് നടക്കും. 896 ഒഴിവുകളാണുളളത്. അംഗീകൃത സർവകലാശാല ബിരുദമാണ് അപേക്ഷിക്കാനുളള യോഗ്യത.

രണ്ടു ഭാഗങ്ങളായാണ് അപേക്ഷ സമർപ്പിക്കേണ്ട്. പാർട്-I ൽ പേര്, വയസ്, വിലാസം തുടങ്ങി അടിസ്ഥാന വിവരങ്ങളാണ് ഉദ്യോഗാർഥി നൽകേണ്ടത്. പാർട്-II ൽ പരീക്ഷ കേന്ദ്രം, ഫോട്ടോഗ്രാഫ്, ഒപ്പ് അല്‌ലോഡ് ചെയ്യൽ തുടങ്ങിയ കാര്യങ്ങളാണ് ചെയ്യേണ്ടത്. അപേക്ഷ സമർപ്പിക്കുന്ന സമയത്ത് ഒരു രജിസ്ട്രേഷൻ നമ്പർ ലഭിക്കും. ഇത് ഉദ്യോഗാർഥികൾ സൂക്ഷിച്ചു വയ്ക്കണം. റജിസ്ട്രേഷൻ പൂർത്തിയാകുമ്പോൾ ഉദ്യോഗാർഥി നൽകിയിരിക്കുന്ന ഇ-മെയിൽ ഐഡിയിലേക്ക് ഒരു ഇ-മെയിൽ ലഭിക്കും.

പ്രിലിമിനറി പരീക്ഷയ്ക്ക് 200 മാർക്ക് വീതമുളള രണ്ടു പേപ്പറുകൾ ഉണ്ടാവും. രണ്ടു മണിക്കൂറാണ് ഓരോ പേപ്പറിനും അനുവദിച്ചിട്ടുളള സമയം. ഇതിൽ വിജയിക്കുന്നവർക്ക് മെയിൻ പരീക്ഷയ്ക്ക് അപേക്ഷിക്കാം.

Get all the Latest Malayalam News and Kerala News at Indian Express Malayalam. You can also catch all the Jobs News in Malayalam by following us on Twitter and Facebook