തിരുവനന്തപുരം: കേരള പോലീസില്‍ പുരുഷ നീന്തല്‍ താരങ്ങളെ റിക്രൂട്ട് ചെയ്യുന്നു. ഫ്രീ സ്റ്റൈല്‍ സ്പ്രിന്റ് (50 മീ., 100 മീ.) , ബ്രെസ്റ്റ് സ്‌ട്രോക്ക് (50 മീ., 100മീ., 200 മീ) വിഭാഗങ്ങളില്‍ ഓരോ ഒഴിവ് വീതമാണുള്ളത്.
യോഗ്യത: അംഗീകൃത സംസ്ഥാന മീറ്റുകളില്‍ വ്യക്തിഗത ഇനങ്ങളില്‍ ഒന്നാം സ്ഥാനമോ രണ്ടാം സ്ഥാനമോ ലഭിച്ചിരിക്കണം. സംസ്ഥാനത്തെ പ്രതിനിധീകരിച്ചിരിക്കണം. അംഗീകൃത സംസ്ഥാന മീറ്റുകളില്‍ 4 X 400 റിലേ, 4 X 100 ഇനങ്ങളില്‍ ഒന്നാം സ്ഥാനം നേടുകയും സംസ്ഥാനത്തെ പ്രതിനിധീകരിച്ചിരിക്കുകയും വേണം. ടീം ഇനങ്ങളിലും സംസ്ഥാനത്തെ പ്രതിനിധീകരിച്ചിരിക്കണം. അന്തര്‍സംസ്ഥാന, ദേശീയ ചാമ്പ്യന്‍ഷിപ്പുകളില്‍ സെലക്ഷന്‍ ലഭിച്ചിരിക്കണം. സ്‌പോര്‍ട്‌സിലെ നേട്ടങ്ങള്‍ 2016 ജനുവരി ഒന്നു മുതല്‍ ലഭിച്ചവയാകണം.
Read Also: തൊഴിലില്ലായ്മയ്ക്ക് കാരണം സാങ്കേതികവിദ്യയുടെ വളര്‍ച്ച; ന്യായീകരണവുമായി വീണ്ടുമൊരു കേന്ദ്രമന്ത്രി
വിദ്യാഭ്യാസയോഗ്യത: ഹയര്‍സെക്കന്‍ഡറി അല്ലെങ്കില്‍ തത്തുല്യയോഗ്യത. പ്രായം: ജനുവരി ഒന്നിനു 18 തികഞ്ഞിരിക്കണം. 26 കവിയരുത്. പട്ടിക ജാതി-വര്‍ഗ, മറ്റു പിന്നാക്ക വിഭാഗങ്ങള്‍ക്കു നിയമാനുസൃത വയസിളവ് ബാധകം.
അപേക്ഷാഫോമും വിജ്ഞാപനവും http://www.keralapolice.gov.in ല്‍ ലഭ്യമാണ്. പൂരിപ്പിച്ച അപേക്ഷ പ്രായം, വിദ്യാഭ്യാസയോഗ്യത, കായികരംഗത്തെ നേട്ടങ്ങളുടെയും സ്വയം സാക്ഷ്യപ്പെടുത്തിയ പകര്‍പ്പുകള്‍ക്കൊപ്പം നേരിട്ടോ തപാലിലോ ദി അഡീഷണല്‍ ഡയറക്ടര്‍ ജനറല്‍ ഓഫ് പോലീസ്, ആംഡ് പൊലീസ് ബറ്റാലിയന്‍, പേരൂര്‍ക്കട, തിരുവനന്തപുരം-695005 എന്ന വിലാസത്തില്‍ സമര്‍പ്പിക്കണം. അപേക്ഷ അയക്കേണ്ട അവസാന തീയതി നവംബര്‍ 12.
