ലക്ഷം രൂപയിലേറെ വേതനം; ഇംഗ്ലണ്ടിൽ ജോലിക്ക് നഴ്‌സുമാർക്ക് അവസരം

ഇംഗ്‌ളണ്ടില്‍ എന്‍.എച്ച്.എസ്. ഫൗണ്ടേഷന്‍ ട്രെസ്റ്റിന് കീഴിലുള്ള ആശുപത്രികളിലാണ് ഒഴിവുളളത്

uae jobs, oman jobs, vacancy for nurses, vacancy for nurses in uae, vacancy for nurses in dubai, HAAD, DOH, DHA, MOH, odepec, ie malayalam, ഐഇ മലയാളം

ഇംഗ്‌ളണ്ടില്‍ എന്‍.എച്ച്.എസ്. ഫൗണ്ടേഷന്‍ ട്രെസ്റ്റിന് കീഴിലുള്ള ആശുപത്രികളില്‍ നഴ്‌സുമാരെ നിയമിക്കുന്നു. നോര്‍ക്ക റൂട്ട്‌സാണ് ഇതുമായി ബന്ധപ്പെട്ട് അപേക്ഷ ക്ഷണിച്ചിരിക്കുന്നത്.

ഒരു വര്‍ഷം പ്രവൃത്തിപരിചയമുളള, മതിയായ നഴ്സിങ് യോഗ്യതയുളളവർക്ക് അപേക്ഷിക്കാം. ബി.എസ്‌സി./ജി.എന്‍.എം നഴ്സുമാർക്കാണ് അഴസരം. നിലവില്‍ ഐ.ഇ.എല്‍.റ്റി.എസ് അക്കാഡമിക്കിന് റൈറ്റിങ്ങില്‍ 6.5 ഉം മറ്റ് വിഭാഗങ്ങളില്‍ 7 ഉം സ്‌കോറിങ് അല്ലെങ്കില്‍ ഒ.ഇ.റ്റി.ബി ഗ്രേഡ് നേടിയവര്‍ക്കാണ് ആദ്യ ബാച്ചില്‍ നിയമനം ലഭിക്കുക.

ഐ.ഇ.എല്‍.റ്റി. എസില്‍ 6 സ്‌കോറിങ്ങുള്ളവര്‍ക്ക് മതിയായ യോഗ്യത നേടുന്നതിന് ഫീസീടാക്കി പരിശീലനം നല്‍കും. മതിയായ സ്‌കോറിങ്ങ് ലഭിക്കുന്നവര്‍ക്ക് കോഴ്‌സ് ഫീസ് പൂര്‍ണ്ണമായും തിരികെ നല്‍കുകയും ചെയ്യും. അഭിമുഖത്തിലുടെ തെരഞ്ഞെടുക്കപ്പെടുന്നവര്‍ എന്‍.എച്ച് എസ്. ഫൗണ്ടേഷന്‍ നടത്തുന്ന  യോഗ്യതാപരീക്ഷ വിജയിക്കണം.

ആദ്യബാച്ചിന് 2019 ജനുവരി 9 ന് അഭിമുഖം നടക്കും. ആദ്യഘട്ടത്തില്‍ മൂന്നു വര്‍ഷത്തേയ്ക്കാണ് നിയമനം. ശമ്പളം പ്രതിവര്‍ഷം ബാന്‍ഡ് 4 ഗ്രേഡില്‍ 17,93,350 രൂപ വരെയും  ബാന്‍ഡ് 5 ഗ്രേഡില്‍ 20,49,047 രൂപവരെയും  ലഭിക്കും.

തിരഞ്ഞെടുക്കപ്പെടുന്നവർക്ക് താമസം, വിമാന ടിക്കറ്റ് എന്നിവ ഉള്‍പ്പെടെയുളള എല്ലാ ചെലവും സൗജന്യമാണ്.  താത്പര്യമുള്ളവര്‍ നിശ്ചിതമാതൃകയില്‍ തയ്യാറാക്കിയ ബയോഡേറ്റ, പൂരിപ്പിച്ച എന്‍ എച്ച് എസ് അപേക്ഷ കവര്‍ ലറ്റര്‍, മറ്റു അനുബന്ധ രേഖകള്‍ സഹിതം rm@norkaroots.net  എന്ന മെയില്‍ ഐ.ഡിയില്‍ ജനുവരി ആറിനുമുമ്പായി അപേക്ഷിക്കണം. കൂടുതല്‍ വിവരങ്ങള്‍ക്ക് വെബ്‌സൈറ്റ് http://www.norkaroots.net/

Get the latest Malayalam news and Jobs news here. You can also read all the Jobs news by following us on Twitter, Facebook and Telegram.

Web Title: Nurse vacancies in nhs uk

Next Story
ഡോക്‌ടർമാരെ സൗദി ആരോഗ്യ മന്ത്രാലയം വിളിക്കുന്നുdoctor, mbbs, ie malayalam
The moderation of comments is automated and not cleared manually by malayalam.indianexpress.com