നോർത്ത് വെസ്റ്റേൺ റെയിൽവേയിൽ രണ്ടായിരത്തിലധികം ഒഴിവുകൾ

നോർത്ത് വെസ്റ്റേൺ റെയിൽവേയുടെ കീഴിലുള്ള വിവിധ ഡിവിഷനുകളിലേക്ക് അപ്രന്റീസ് തസ്തികയിലേക്ക് അപേക്ഷ​ ക്ഷണിച്ചു. 2090 ഒഴിവുകളാണ് റിപ്പോർട്ട് ചെയ്തിരിക്കുന്നത്. അജ്മീർ, ബിക്കാനിർ, ജയ്പുർ, ജോധ്പുർ എന്നീ ഡിവിഷനിലേക്കും അജ്മീറിലെ ബിടിസി കാരേജ്, ബിടിസി ലേക്കോ, ബിക്കാനിറിലെ കാരേജ് വർക്‌ഷോപ്പ്, ജോധ്പുരിലെ കാരേജ് വർക്‌ഷോപ്പ് എന്നിവിടങ്ങളിലാണ് ഒഴിവ്. ഏതെങ്കിലും ഒരു കേന്ദ്രത്തിലേക്ക് മാത്രമേ അപേക്ഷിക്കാനാകു.

യോഗ്യത: എസ്​എസ്എൽസി പരീക്ഷ 50% മാർക്കോടെ പാസ്സായിരിക്കണം. അപേക്ഷ സമർപ്പിക്കുന്ന ട്രേഡിൽ​ ഐടിഐ പരീക്ഷ പാസ്സായിരിക്കണം.

പ്രായപരിധി: കുറഞ്ഞ പ്രായപരിധി 15 വയസ്. കൂടിയ പ്രായപരിധി 24 വയസ്.

അപേക്ഷാ ഫീസ്: 100 രൂപ. വനിതകൾ , അംഗപരിമിതർ, എസ്‌സി, എസ്ടി വിഭാഗക്കാർ എന്നിവർക്ക് ഫീസില്ല. ഓൺലൈനായാണ് ഫീസ് അടയ്ക്കേണ്ടത്.

അപേക്ഷ സ്വീകരിക്കുന്ന അവസാന തിയതി: ഡിസംബർ 30

വിശദ വിവരങ്ങൾക്ക് www.rrcjaipur.in എന്ന വെബ്സൈറ്റ് സന്ദർശിക്കുക