Latest News
വിദ്യാര്‍ഥിനി വെടിയേറ്റ് മരിച്ച സംഭവം: രാഖിലിന്റെ സുഹൃത്തുക്കളെ കേന്ദ്രീകരിച്ചും അന്വേഷണം

ഐഎസ്ആർഒയിൽ 43 ഒഴിവുകൾ, ബിരുദധാരികൾക്ക് അപേക്ഷിക്കാം

ജൂലൈ 22 ആണ് അപേക്ഷ സമർപ്പിക്കുന്നതിനുളള അവസാന തീയതി

job, job news, ie malayalam

ഇന്ത്യൻ സ്പെയ്സ് റിസർച്ച് ഓർഗനൈസേഷൻ (ഐഎസ്ആർഒ) ബിരുദ, ടെക്നീഷ്യൻ അപ്രന്റീസ്ഷിപ്പുകൾക്കായി അപേക്ഷ ക്ഷണിച്ചു. ബെംഗളൂരുവിലെ ഐഎസ്ആർഒ ആസ്ഥാനത്താണ് ഒഴിവുകൾ. ഐഎസ്ആർഒയുടെ ഔദ്യോഗിക വെബ്സൈറ്റായ isro.gov.in ൽ നിന്നും അപേക്ഷ ഫോം ലഭിക്കും. ജൂലൈ 22 ആണ് അപേക്ഷ സമർപ്പിക്കുന്നതിനുളള അവസാന തീയതി.

അപേക്ഷാ ഫോം പൂരിപ്പിച്ച് അതിന്റെ പിഡിഎഫ് പതിപ്പ് hqapprentice@isro.gov.in ലേക്ക് ഇ-മെയിൽ ചെയ്യണം. ഇതിനൊപ്പം പിഡിഎഫ് രൂപത്തിലുളള എസ്എസ്എൽസി / ക്ലാസ് 10 മാർക്ക് കാർഡ് / സർട്ടിഫിക്കറ്റ്, പി.യു.സി / ക്ലാസ് 12 മാർക്ക് കാർഡ് / സർട്ടിഫിക്കറ്റ്, ഡിഗ്രി / എല്ലാ സെമസ്റ്ററിലെയും ഡിപ്ലോമ മാർക്ക് കാർഡ്, വർഷം, ഡിഗ്രി / ഡിപ്ലോമ മാർക്ക് സർട്ടിഫിക്കറ്റ് / പ്രൊവിഷണൽ സർട്ടിഫിക്കറ്റ്, നാറ്റ്സ് എൻറോൾമെന്റ് നമ്പർ എന്നിവയും അയക്കണം. “Application for above mentioned Apprenticeship Category” ഇതായിരിക്കണം ഇ-മെയിലിന്റെ സബ്ജക്റ്റ് ലൈൻ.

എൻജിനീയറിങ് ബിരുദധാരികൾ-13, ഡിപ്ലോമ ഇൻ എൻജിനീയറിങ്- 10, ഡിപ്ലോമ ഇൻ കൊമേഴ്സ്യൽ പ്രാക്ടീസസ്- 20 എന്നിങ്ങനെ ആകെ 43 ഒഴിവുകളാണുളളത്.

ഗ്രാജുവേറ്റ് അപ്രന്റിസ്ഷിപ്പിന് അപേക്ഷിക്കുന്നവർക്ക് അംഗീകൃത ഇന്ത്യൻ സർവകലാശാലയിൽ നിന്ന് ഫസ്റ്റ് ക്ലാസ് എൻജിനീയറിങ് ബിരുദം ഉണ്ടായിരിക്കണം, മൊത്തം സ്കോർ കുറഞ്ഞത് 60 ശതമാനമെങ്കിലും വേണം. ടെക്നീഷ്യൻ അപ്രന്റിസ്ഷിപ്പിന് അപേക്ഷിക്കുന്നവർക്ക് അതത് മേഖലയിലെ അംഗീകൃത സ്റ്റേറ്റ് ബോർഡിൽ നിന്ന് എൻജിനീയറിങ്ങിൽ ഫസ്റ്റ് ക്ലാസ് ഡിപ്ലോമ ഉണ്ടായിരിക്കണം, മൊത്തം സ്കോർ കുറഞ്ഞത് 60 ശതമാനവും.

ഡിപ്ലോമ ഇൻ കൊമേഴ്സ്യൽ പ്രാക്ടീസസിൽ അപേക്ഷിക്കുന്നവർക്ക് അംഗീകൃത സ്റ്റേറ്റ് ബോർഡിൽ നിന്ന് കൊമേഴ്സ്യൽ പ്രാക്ടീസിൽ ഫസ്റ്റ് ക്ലാസ് ഡിപ്ലോമ ഉണ്ടായിരിക്കണം, മൊത്തം സ്കോർ കുറഞ്ഞത് 60 ശതമാനമെങ്കിലും ഉണ്ടായിരിക്കണം.

തിരഞ്ഞെടുക്കപ്പെട്ടാൽ, അപ്രന്റീസ്ഷിപ്പിന്റെ തരം അനുസരിച്ച് അപേക്ഷകർക്ക് പ്രതിമാസം 8000 രൂപ മുതൽ 9000 രൂപ വരെ സ്റ്റൈപ്പൻഡ് ലഭിക്കും. ഉദ്യോഗാർത്ഥികൾക്ക് ഇതിനെക്കുറിച്ചുളള കൂടുതൽ വിവരങ്ങളും അപ്‌ഡേറ്റുകളും ഐഎസ്ആർഒയുടെ ഔദ്യോഗിക വെബ്‌സൈറ്റിൽനിന്ന് ലഭിക്കും.

Get the latest Malayalam news and Jobs news here. You can also read all the Jobs news by following us on Twitter, Facebook and Telegram.

Web Title: Jobs in isro 43 vacancies available graduates can apply

Next Story
Kerala PSC: ഡ്രൈവർ തസ്തികകളിലേക്കുള്ള പി എസ് സി പരീക്ഷ മാറ്റിവച്ചുKerala psc, keralapsc.gov.in, psc thulasi, psc exam, psc result, psc online, kerala psc results, kerala psc driver, iemalayalam
The moderation of comments is automated and not cleared manually by malayalam.indianexpress.com