ന്യൂഡൽഹി: കരസേനയിൽ ഷോർട്ട് സർവീസ് കമ്മിഷൻഡ് ഓഫീസർ തസ്തികയിലേക്ക് എൻജിനീയർ ബിരുദധാരികൾക്ക് അപേക്ഷിക്കാൻ അവസരം. അവിവാഹിതരായർക്ക് മാത്രമാണ് അപേക്ഷിക്കാൻ കഴിയുക. സ്ത്രീകൾക്കും അപേക്ഷിക്കാം. 191 ഒഴിവുകളാണുളളത്.

എൻജിനീയറിങ് ബിരുദമാണ് യോഗ്യത. അവസാന വർഷക്കാർക്കും അപേക്ഷിക്കാം. ശമ്പളം 56,100-1,77,500 രൂപ. ഓൺലൈനായി വേണം അപേക്ഷ സമർപ്പിക്കേണ്ടത്. ഫെബ്രുവരി 21 ആണ് ഓൺലൈൻ അപേക്ഷ സ്വീകരിക്കുന്ന അവസാന തീയത്.

49 ആഴ്ച പരിശീലനം ഉണ്ടായിരിക്കും. ചെന്നൈയിലെ ഓഫീസേഴ്സ് ട്രെയിനിങ് അക്കാദമിയിൽ 2019 ഒക്ടോബറിലാണ് പരിശീലനം തുടങ്ങുക. പരിശീലന കാലത്ത് 56,100 രൂപ പ്രതിമാസം സ്റ്റൈപ്പെൻഡ് ലഭിക്കും. പരിശീലനത്തിനുശേഷമാണ് ലഫ്റ്റനന്റ് റാങ്കിൽ ഷോർട്ട് സർവീസ് കമ്മിഷൻഡ് ഓഫീസർ ആയി നിയമനം ലഭിക്കുക. കൂടുതൽ വിവരങ്ങൾക്ക് www.joinindianarmy.nic.in സന്ദർശിക്കുക.

Get all the Latest Malayalam News and Kerala News at Indian Express Malayalam. You can also catch all the Jobs News in Malayalam by following us on Twitter and Facebook