കുസാറ്റിൽ വിവിധ ഒഴിവുകൾ

കൊച്ചി ശാസ്ത്ര സാങ്കേതിക സര്‍വകലാശാലയില്‍ അനുവദിച്ചിട്ടുള്ള ഡിബിറ്റി പ്രോജക്ടില്‍ ജൂനിയര്‍ റിസര്‍ച്ച് ഫെല്ലോയുടെ ഒഴിവിലേക്ക് എംഎസ്സി മറൈന്‍ ബയോളജി/ ബയോ കെമിസ്ട്രി/ ബയോ ടെക്‌നോളജി/ മറൈന്‍ ബയോടെക്‌നോളജി/ മൈക്രോബയോളജി യോഗ്യതയുള്ളവരില്‍ നിന്ന് അപേക്ഷ ക്ഷണിച്ചിരിക്കുന്നു. സിഎസ്‌ഐആര്‍- യുജിസി നെറ്റ്/ ഗേറ്റ് യോഗ്യതയോ പ്രസക്ത വിഷയത്തില്‍ ഗവേഷണ പരിചയമുള്ളവര്‍ക്ക് മുന്‍ഗണന. ഫെലോഷിപ്പ് തുക 25,000/ രൂപയും വീട്ടു വാടക ബത്തയും.

ലബോറട്ടറി അസിസ്റ്റന്റ് ഒഴിവിലേക്ക് ബിഎസ്സി സുവോളജി/ മൈക്രോബയോളജി/ ബയോകെമിസ്ട്രി യോഗ്യതയുള്ളവര്‍ക്ക് അപേക്ഷിക്കാം. 18,900 രൂപയാണ് ശമ്പളം. താല്‍പര്യമുള്ളവര്‍ ഡോ. ടി.പി.സജീവന്‍, പ്രിന്‍സിപ്പല്‍ ഇന്‍വസ്റ്റിഗേറ്റര്‍, നാഷണല്‍ സെന്റര്‍ ഫോര്‍ അക്വാറ്റിക് അനിമല്‍ ഹെല്‍ത്ത്, കൊച്ചി ശാസ്ത്ര സാങ്കേതിക സര്‍വകലാശാല, ഫൈന്‍ ലേക് സൈഡ് ക്യാമ്പസ് ആര്‍ട്‌സ് അവന്യു കൊച്ചി-16 എന്ന വിലാസത്തില്‍ ഏപ്രില്‍ 9ന് മുന്‍പായി ലഭിക്കണം. കാലാവധി ഒരു വര്‍ഷം. കൂടുതല്‍ വിവരങ്ങള്‍ക്ക് ഫോ. 9946099408 വെബ്‌സൈറ്റ്: www.ncaah.org

ഐപിആര്‍ സ്റ്റഡീസില്‍ റിസർച്ച് അസിസ്റ്റന്റ്

കൊച്ചി ശാസ്ത്ര സാങ്കേതിക സര്‍വകലാശാലയുടെ ബൗദ്ധിക സ്വത്തവകാശ പഠനകേന്ദ്രത്തില്‍ (ഐപിആര്‍ സ്റ്റഡീസില്‍) ഒഴിവുള്ള റിസര്‍ച്ച് അസിസ്റ്റന്റ് തസ്തികയിലേക്ക് ഒരു വര്‍ഷത്തേയ്ക്ക് കരാറടിസ്ഥാനത്തില്‍ നിയമനത്തിനായി അപേക്ഷ ക്ഷണിച്ചു. കൊമേഴ്‌സ്/ഇക്കണോമിക്‌സ്/പൊളിറ്റിക്കല്‍ സയന്‍സ് എന്നിവയില്‍ ബിരുദാനന്തര ബിരുദം ഉള്ളവര്‍ക്ക് അപേക്ഷിക്കാം. പിഎച്ച്ഡി യോഗ്യതയോടെ ഗവേഷണ/അധ്യാപന രംഗത്ത് ഒരു വര്‍ഷത്തെ പ്രവൃത്തി പരിചയമുള്ളവര്‍ക്ക് മുന്‍ഗണന. ബിരുദാനന്തര ബിരുദമുള്ളവര്‍ക്ക് 40,000/ രൂപയും പിഎച്ച്ഡി യോഗ്യതയുള്ളര്‍ക്ക് 50,000/- രൂപയുമാണ് ശമ്പളം. താല്‍പര്യമുളളവര്‍ ബയോഡാറ്റയും ബന്ധപ്പെട്ട രേഖകളും സഹിതം കോ-ഓര്‍ഡിനേറ്റര്‍, ഡിഐപിപി ചെയര്‍, ഐപിആര്‍, കുസാറ്റ് പി ഒ, കൊച്ചി-682022 (ഇ-മെയില്‍: ciprs@cusat.ac.in) എന്ന വിലാസത്തില്‍ ഏപ്രില്‍ 20നുള്ളില്‍ അപേക്ഷിക്കുക. വിശദ വിവരങ്ങള്‍ക്ക് 0484-2575174.

ഇന്റർവ്യൂ

കൊച്ചിയിലെ സെന്‍ട്രല്‍ ഇന്‍സ്റ്റിറ്റ്യൂട്ട് ഓഫ് ഫിഷറീസ് ടെക്‌നോളജിയില്‍ യങ് പ്രഫഷണല്‍-II തസ്തികയിലെ ഒരു ഒഴിവിലേക്ക് കരാര്‍ അടിസ്ഥാനത്തിനുള്ള നിയമനത്തിന് 2019 ഏപ്രില്‍ 06 ന് രാവിലെ 10 മണിക്ക് വാക്ക് ഇന്‍ ഇന്റര്‍വ്യൂ നടത്തുന്നു. ഒരു വര്‍ഷമാണ് നിയമന കാലാവധി. കൂടുതല്‍ വിവരങ്ങള്‍ ഇന്‍സ്റ്റിറ്റ്യൂട്ടിന്റെ www.cift.res.in എന്ന വെബ്‌സൈറ്റില്‍ ലഭ്യമാണ്.