കൊൽക്കത്ത ആസ്ഥാനമായുളള അലഹബാദ് ബാങ്കിൽ സ്പെഷലിസ്റ്റ് ഓഫിസർ തസ്തികയിലേക്ക് അപേക്ഷ ക്ഷണിച്ചു. 92 ഒഴിവുകളുണ്ട്. എംഎംജിഎസ്-2, ജെഎംജിഎസ്-1 എന്നീ കേഡറുകളിലാണ് അവസരം. എംഎംജിഎസ്-2 വിഭാഗത്തിൽ 78 ഒഴിവുകളും എംജിഎസ്-1 വിഭാഗത്തിൽ 14 ഒഴിവുകളുമുണ്ട്. ഫിനാൻഷ്യൽ അനലിസ്റ്റ് തസ്തികയിലാണ് കൂടുതൽ ഒഴിവുകൾ-51 എണ്ണം.

ഓൺലൈനായാണ് അപേക്ഷ സമർപ്പിക്കേണ്ട്. അവസാന തീയതി ഏപ്രിൽ 29 ആണ്. www.allahabadbank.in വെബ്സൈറ്റ് വഴിയാണ് അപേക്ഷ സമർപ്പിക്കേണ്ടത്. അപേക്ഷ ഫീസ് 600 രൂപ. എസ്‌സി, എസ്ടി വിഭാഗക്കാർക്കും ഭിന്നശേഷിക്കാർക്കും 100 രൂപയാണ് ഫീസ്. ഓൺലൈൻ പരീക്ഷ, അഭിമുഖം എന്നിവയുടെ അടിസ്ഥാനത്തിലാണ് തിരഞ്ഞെടുപ്പ്.

Read: എസ്ബിഐയിൽ ക്ലർക്കാകാം, കേരളത്തിൽ 250 ഒഴിവ്

ബെംഗളൂരു, ചെന്നൈ, ഹൈദരാബാദ് ഉൾപ്പെടെ 11 കേന്ദ്രങ്ങളിലായി ജൂണിലാണ് ഓൺലൈൻ പരീക്ഷ. വിശദമായ വിജ്ഞാപനം www.allahabadbank.in വെബ്സൈറ്റിൽ നൽകിയിട്ടുണ്ട്.

Get all the Latest Malayalam News and Kerala News at Indian Express Malayalam. You can also catch all the Jobs News in Malayalam by following us on Twitter and Facebook