Weekly Horoscope Malayalam July 09- July 15, 2023: വാരഫലം സമ്പൂര്‍ണ്ണം, അശ്വതി മുതല്‍ രേവതി വരെ

July 09- July 15 Weekly Horoscope Astrological Predictions Makam to Thrikketta: സൂര്യൻ പുണർതം ഞാറ്റുവേലയിൽ തുടരുന്നു. ചന്ദ്രൻ കൃഷ്ണപക്ഷത്തിൽ കൂടുതൽ പ്രഭാരഹിതനായി യാത്ര തുടരുകയാണ്. ചൊവ്വയും ശുക്രനും ചിങ്ങം രാശിയിൽ. ഇരുഗ്രഹങ്ങളും മകം നക്ഷത്രത്തിലാണ് എന്ന സവിശേഷതയും ഉണ്ട്. വ്യാഴം മേടത്തിൽ ഭരണി നാളിലാണ്. ശനി വക്രത്തിൽ ചതയത്തിലും. ബുധൻ കർക്കടകത്തിൽ യാത്ര തുടരുന്നു. രാഹുവും കേതുവും മേടത്തിലും തുലാത്തിലും സഞ്ചരിക്കുകയാണ്.

ഈ ഗ്രഹനില / ഗ്രഹസ്ഥിതി വ്യക്തമാക്കും വിധം മകം മുതൽ തൃക്കേട്ട വരെയുള്ള നാളുകാരുടെ വാരഫലം ആണ് ഇവിടെ വിശദമായി അന്വേഷിക്കുന്നത്.

അശ്വതി: കാര്യങ്ങൾക്ക് വലിയ മാറ്റം വരണമെന്നില്ല. കഴിഞ്ഞ ആഴ്ചയുടെ തുടർച്ച തന്നെ ആവും. ബുധൻ നാലിൽ വരുകയാൽ വിദ്യാഭ്യാസപരമായി ഉയർച്ചയുണ്ടാവും. ഗവേഷകർക്ക് അന്വേഷണം തൃപ്തികരമാവും. ബന്ധുഭവനം സന്ദർശിച്ചേക്കാം. ബന്ധുക്കളുമായി ഒത്തുചേരാനും സാധ്യതയുണ്ട്. വ്യാഴം രണ്ടാം നക്ഷത്രത്തിൽ സഞ്ചരിക്കുകയാൽ ധനയോഗം ഉണ്ട്. അഞ്ചാം ഭാവത്തിലെ ചൊവ്വ- ശുക്രയോഗം ഗുണദോഷസമ്മിശ്രമാണ്.

ഭരണി: ആഴ്ചയുടെ തുടക്കം അല്പം ക്ലേശകരമായേക്കാം. കർമ്മവിഘ്നം ഒരു സാധ്യതയാണ്. ഉദ്യോഗസ്ഥർക്ക് ജോലിഭാരം കൂടും. ചൊവ്വാഴ്ച മുതൽ നല്ല അനുഭവങ്ങളാവും. വ്യാപാരം മെച്ചപ്പെടും. പ്രതീക്ഷിച്ച സാമ്പത്തിക ലാഭം വന്നുചേരും. സുഹൃത്തുക്കളുടെ പിന്തുണ കരുത്താകും. സർക്കാരിൽ നിന്നും കിട്ടേണ്ട അനുമതികൾ ലഭിച്ചേക്കാം. യുക്തിപൂർവമായ തീരുമാനങ്ങൾ കൈക്കൊള്ളുന്നതാണ്.

കാർത്തിക: കൗശലങ്ങൾ വിലപ്പോകുന്ന കാലമാണ്. ചിലപ്പോൾ കാര്യം നേടാൻ വളഞ്ഞ വഴികൾ വേണ്ടിവരും. നിലപാടുകൾ മാറ്റേണ്ട സാഹചര്യം ഉണ്ടായേക്കാം. വാരാദ്യം മെച്ചമുണ്ടാവാം. വിശേഷിച്ചും സാമ്പത്തികമായി. പഠനത്തിൽ ഉഴപ്പുന്നത് അദ്ധ്യാപകരുടെ ശ്രദ്ധയിൽ പെടാം. പ്രൊഫഷണലുകൾക്ക് തൊഴിൽപരമായി സമ്മർദ്ദമേറാം. ചിട്ടയായ പ്രവർത്തനം എന്നത് ആഗ്രഹത്തിലൊതുങ്ങും. നക്ഷത്രാധിപൻ അഞ്ചാം നാളായ പുണർതത്തിൽ സഞ്ചരിക്കുകയാൽ എതിരാളികളും എതിർപ്പും ശക്തി നേടിയേക്കാം.

രോഹിണി: നാലാം ഭാവത്തിൽ ചൊവ്വയുള്ളതിനാൽ ഗാർഹികസൗഖ്യം കുറയുന്നതാണ്. കലഹ സാഹചര്യങ്ങളിൽ സംയമനം പുലർത്തേണ്ടതുണ്ട്. തൊഴിലിൽ കൂടുതൽ കാര്യക്ഷമത കാഴ്ചവെക്കേണ്ടിവരും. ബുധന്റെ മൂന്നിലെ സ്ഥിതിയാൽ ചില പിന്തുണകൾ വന്നെത്തും. അനാവശ്യ വ്യയത്തിനും സാധ്യതയുണ്ട്. മിതവ്യയം പരിപാലിക്കേണ്ടതുണ്ട്. ആരോഗ്യപരമായും കരുതലുകൾ അനിവാര്യമാണ്.

മകയിരം: നക്ഷത്രനാഥനായ ചൊവ്വയ്ക്ക് ശുക്രനുമായി യോഗം തുടരുകയാൽ പ്രണയികൾക്ക് നല്ല സന്ദർഭമാണ്. ഭാര്യാഭർത്താക്കന്മാർ തമ്മിൽ ഹൃദയബന്ധം വർദ്ധിക്കും. കർമ്മരംഗത്ത് ഗുണപുഷ്ടി പ്രതീക്ഷിക്കാം. തടസ്സപ്പെട്ടിരുന്ന കാര്യങ്ങളിൽ നീക്കുപോക്കുണ്ടാകും. ഗൃഹത്തിൽ നവീകരണജോലികൾ തുടങ്ങാം. വായ്പാ തിരിച്ചടവുകൾക്ക് തടസ്സമുണ്ടാവില്ല. തിങ്കൾ, ചൊവ്വ മികവേറുന്ന ദിനങ്ങൾ.

തിരുവാതിര: അനുകൂല ഫലങ്ങൾ വർദ്ധിക്കും. മത്സര വിജയം ഉറപ്പിക്കാം. ഉദ്യോഗസ്ഥർക്ക് സ്വതന്ത്രമായി പ്രവർത്തിക്കാൻ സാധിക്കുന്നതാണ്. തൊഴിൽ തേടുന്നവർക്ക് കരാർ പണികളിൽ നിയമനം കിട്ടിയേക്കും. ഭൂമി സംബന്ധിച്ച ഇടപാടുകൾ ലാഭകരമായി മാറാം. പുതുസംരംഭങ്ങളുമായി മുന്നോട്ടുപോകാൻ സാധിക്കുന്നതാണ്. ആരോഗ്യപരമായി കരുതൽ വേണ്ടതുണ്ട്.

പുണർതം: ഞായർ മുതൽ ബുധൻ വരെ ഗുണഫലങ്ങൾ കൂടും. ബിസിനസ്സിൽ അഭ്യുദയം പ്രതീക്ഷിക്കാം. മുതൽ മുടക്കുകൾ ലാഭകരമാവുന്നതാണ്. ഉദ്യോഗസ്ഥന്മാർക്ക് പുതിയ ചുമതലകൾ ലഭിച്ചേക്കും. ഭൂമി വ്യാപാരവുമായി ബന്ധപ്പെട്ടവർക്ക് കൂടുതൽ തുക വന്നെത്തുന്നതാണ്. രാഷ്ട്രീയത്തിൽ പ്രവർത്തിക്കുന്നവർക്ക് മത്സരവിജയവും സ്ഥാനപ്രാപ്തിയും പ്രതീക്ഷിക്കാം. വ്യാഴം മുതൽ ചെലവേറുന്നതാണ്. യാത്രാക്ലേശവും സാധ്യതയാണ്.

പൂയം: എത്ര സംയമനം പാലിച്ചാലും പരുഷവാക്കുകൾ പറയേണ്ടി സാഹചര്യം ഭവിക്കാം.കാര്യബോധം ഇല്ലാത്ത കുടുംബാംഗങ്ങളോട് കയർക്കേണ്ടിവരും. ചൊവ്വ മുതൽ വെള്ളി വരെ ദിവസങ്ങളിൽ ആദായം വർദ്ധിക്കുന്നതാണ്. കൈവായ്പകൾ കൊടുത്തുതീർക്കാനാവും. കർമ്മപുഷ്ടിയുള്ള വാരമാകയാൽ മുൻ തീരുമാനങ്ങൾ എല്ലാം സാക്ഷാല്കരിക്കും. ഒപ്പം ജോലി ചെയ്യുന്നവരുടെ കുത്സിതപ്രവർത്തനം തിരിച്ചറിയും. വാരാന്ത്യത്തിൽ യാത്രകൾ ഉണ്ടാവാനിടയുണ്ട്.

ആയില്യം: പിണങ്ങിയ കൂട്ടുകാർ ഇണങ്ങാം. രണ്ടാം നക്ഷത്രത്തിൽ ചൊവ്വയും ശുക്രനും സംഗമിക്കുകയാൽ നല്ല വാക്കുകളും കഠിന വാക്കുകളും പറയേണ്ട സ്ഥിതിയുണ്ടാകും. ധനപരമായ കാര്യങ്ങളിൽ അതീവശ്രദ്ധ വേണം. കർമ്മരംഗം കുറച്ചൊക്കെ മെച്ചപ്പെടാൻ സാധ്യത കാണുന്നു. ചൊവ്വ മുതൽ വെള്ളി വരെ ദിവസങ്ങൾക്ക് ഗുണമേറും. ആയുധം, അഗ്നി, വൈദ്യുതി ഇവയുടെ ഉപയോഗത്തിൽ ഏറെ കരുതൽ വേണ്ടതുണ്ട്.

മകം: സാഹചര്യങ്ങൾ മുഴുവനായും അനുകൂലമാണെന്ന് പറയാനാവില്ല. ജന്മരാശിയിൽ, വിശിഷ്യാ ജന്മനക്ഷത്രത്തിൽ, ബാധകാധിപനായ ചൊവ്വ സഞ്ചരിക്കുന്ന കാലമാണ്. കാര്യങ്ങളുടെ മേൽ നിയന്ത്രണം നഷ്ടമാകും. ചിലപ്പോൾ ക്ഷോഭം നമ്മുടെ നാവികനാവും. പിരിമുറുക്കങ്ങൾ തുടർന്നേക്കും. ഒമ്പതിലെ വ്യാഴം രണ്ടാം നക്ഷത്രമായ പൂരത്തിന്റെ അനുജന്മത്തിൽ സഞ്ചരിക്കുകയിൽ സാമ്പത്തികമായി ഗുണം പ്രതീക്ഷിക്കാം.

പൂരം: സമയാനുകൂല്യം താൽകാലികമായി കുറവാണ് എന്ന ബോധ്യം ഉണ്ടാവണം. പിരിമുറുക്കങ്ങൾ ഏറും, സകാരണമായും ചിലപ്പോൾ അകാരണമായും. ഹൃദയബന്ധങ്ങളുടെ ഊഷ്മളത കുറയാതെ നോക്കുക ഒരു വെല്ലുവിളിയാവും. തൊഴിലിൽ തടസ്സങ്ങളുണ്ടാവില്ല. എന്നാൽ വൻനേട്ടം പ്രതീക്ഷിക്കാനുമില്ല. വ്യാഴം, വെള്ളി, ശനി ദിവസങ്ങൾക്ക് ഗുണമേറും. ധനപരമായി സംതൃപ്തി വന്നുചേരുന്നതാണ്.

ഉത്രം: ഉദ്യോഗസ്ഥർക്ക് ഉന്നതിക്ക് വഴിതെളിയും. എന്നാൽ കുറുക്കുവഴിയാവില്ല. ഉപരിവിദ്യാഭ്യാസം സുഗമമാകുന്നതാണ്. കൃത്യനിഷ്ഠയിൽ ലോപം വന്നേക്കാം. ചിലരുടെ സഹകരണം പ്രതീക്ഷിച്ചത് വെറുതെയാവും. വ്യവഹാരങ്ങളിൽ ഇരുമനസ്സുണ്ടായേക്കും. ഭൂമിയിടപാടുകളിൽ നിന്നും കരുതിയ ലാഭം കിട്ടിക്കൊള്ളണം എന്നില്ല. അയൽബന്ധം രമ്യമാകുന്നതാണ്. കുടുംബപരമായി സംതൃപ്തി പ്രതീക്ഷിക്കാം.

അത്തം: അഷ്ടമരാശി ദിനങ്ങളാണ്, ചൊവ്വയും ബുധനും. അതിനാൽ കരുതൽ വേണം. എല്ലാക്കാര്യങ്ങളിലും. വിജയിക്കാൻ ഈ സന്നാഹങ്ങൾ പോരെന്ന് തിരിച്ചറിയും. സാമ്പത്തികക്ലേശങ്ങൾ വരാം. വായ്പാ തിരിച്ചടവ് മുടങ്ങുമെന്നായേക്കും. സഹായസ്ഥാനാധിപൻ ചൊവ്വ പന്ത്രണ്ടിലായതിനാൽ വാഗ്ദാനങ്ങൾ കൈമലർത്തപ്പെടും. വെള്ളി, ശനി ദിവസങ്ങളിൽ നേട്ടങ്ങൾ അധികരിക്കും. ഗൃഹസ്വസ്ഥതയുണ്ടാവും.

ചിത്തിര: ചിന്തയേയും കർമ്മത്തേയും ഏകോപിപ്പിക്കുന്നതിൽ തെല്ല് അനവധാനത വന്നേക്കും. കരാർ പണികൾ പുതുക്കിക്കിട്ടാൻ സാധ്യത കാണുന്നു. വ്യാപാരാവശ്യത്തിന് വായ്പ നേടാൻ ശ്രമം നടത്തും. വിദ്യാർത്ഥികൾ പ്രോജക്ടുകൾ പൂർത്തിയാക്കാൻ കൂടുതൽ സമയം എടുക്കുന്നതായി ചൂണ്ടിക്കാണിക്കപ്പെടാം ഗൃഹകാര്യങ്ങളിൽ അനാസ്ഥയുണ്ടാവുന്നതാണ്. മുതിർന്ന അംഗങ്ങളുടെ ആരോഗ്യകാര്യത്തിൽ ശ്രദ്ധ വേണ്ടതുണ്ട്.

ചോതി: ആഴ്ചയുടെ പകുതി വരെ പല നേട്ടങ്ങളും വന്നുചേരും. ബിസിനസ്സിൽ പുരോഗതി പ്രതീക്ഷിക്കാം. സാമ്പത്തികമായ മെച്ചം ഉണ്ടാവും. പ്രൊഫഷണലുകൾക്ക് തൊഴിലിൽ തിളങ്ങാൻ സാധിക്കുന്നതാണ്. വലിയ കമ്പനികളുമായി കരാർ ഒപ്പിടാനാവും. ആരോഗ്യപ്രശ്നങ്ങളാൽ ഒഴിവെടുത്തിരുന്നവർക്ക് തുടർന്ന് ജോലിയിൽ പ്രവേശിക്കാൻ കഴിയും. യുവാക്കളുടെ വിവാഹാലോചനകൾ സഫലമാകാനിടയുണ്ട്. വ്യാഴ്ച അഷ്ടമരാശി തുടങ്ങുകയാൽ മനോവാക്കർമ്മങ്ങളിൽ ജാഗ്രത വേണം.

വിശാഖം: ഉദ്യോഗസ്ഥർ വിശ്വസിച്ചേൽപ്പിച്ച ജോലികൾ ഭംഗിയായി നിർവഹിക്കും. തൊഴിൽ സംബന്ധിച്ച യാത്രകൾ ഉണ്ടാവാം. കൃത്യനിഷ്ഠ പ്രശംസിക്കപ്പെടും. വ്യാപാരികൾ ഗുണപരമായ ചില കരാറുകളിൽ ഏർപ്പെട്ടേക്കും. ധനപരമായ അലട്ടലുകൾ കുറയും. കുടുംബത്തിൽ മംഗളകർമ്മങ്ങൾ നടക്കാം. പ്രണയികൾക്ക് അനുകൂലമായ വാരമാണ്. അനാവശ്യ വിവാദങ്ങളിൽ നിന്നും ഒഴിഞ്ഞുനിൽക്കേണ്ട തുണ്ട്. വ്യാഴം, വെള്ളി ദിവസങ്ങൾക്ക് മികവ് കുറയാം.

അനിഴം: കർമ്മരംഗം കുറച്ചൊന്നു കലുഷമായേക്കും. ഒരേനേരത്ത് പലതും ചെയ്ത് ഏകാഗ്രത നഷ്ടമാകും. നാലിൽ ശനിയും പത്തിൽ ചൊവ്വയുമിരുക്കുകയാൽ തർക്കവിവാദാദികൾ തൊഴിൽ രംഗത്തുയരാം. സാമ്പത്തിക ക്ലേശം കുറയും. കൈവായ്പകൾ തിരിച്ചു നൽകാനായേക്കും. കുടുംബാംഗങ്ങളെ ഒരുമിപ്പിക്കുക എന്നത് ഒരു ഭഗീരഥ പ്രയത്നമെന്നറിയും. പഠനത്തിൽ ആലസ്യം ഭവിക്കാം. സൂര്യൻ അഷ്ടമത്തിൽ തുടരുകയാൽ സർക്കാർ സംബന്ധിച്ച സഹായം / അനുമതി എന്നിവയ്ക്ക് വിളംബം വരാനിടയുണ്ട്.

തൃക്കേട്ട: നക്ഷത്രാധിപൻ ബുധൻ ശത്രുക്ഷേത്രമായ കർക്കടകത്തിൽ തുടരുകയാൽ ശത്രുക്കളെ അഭിമുഖീകരിക്കേണ്ടി വരാം. തൊഴിൽ മുന്നേറ്റത്തിന് തടസ്സങ്ങളുള്ളതായറിയും. വരവുചെലവുകൾ സമമാകുന്നതാണ്. കടം വാങ്ങാനുള്ള പ്രവണതയെ നിയന്ത്രിക്കേണ്ടതുണ്ട്. സാങ്കേതിക കാര്യങ്ങളിൽ കൂടുതൽ അറിവുനേടും. ഉപാസനാദികൾക്ക് സമയം കണ്ടെത്താനായി എന്ന് വന്നേക്കില്ല. ദാമ്പത്യത്തിൽ വിയോജിപ്പുകളുണ്ടാവുമെങ്കിലും ഹൃദയബന്ധം ദൃഢമാകും.

മൂലം: ആഴ്ചയുടെ തുടക്കം മെച്ചപ്പെട്ടതാവില്ല. ശാരീരിക ക്ലേശങ്ങൾ ഉണ്ടാവും. തൊഴിലിൽ മാന്ദ്യം അനുഭവപ്പെട്ടേക്കാം. സഹായവാഗ്ദാനങ്ങൾ പ്രതീക്ഷിച്ചതുപോലെ ഉണ്ടായില്ലെന്നു വന്നേക്കാം. വ്യാഴാഴ്ച മുതൽ കാര്യങ്ങൾ അനുകൂലമായിത്തീരാം. വീടുവിട്ടുനിന്നവർക്ക് കുടുംബത്തോടൊപ്പം ഒത്തുചേരാനായേക്കും. ആർത്ഥികമായ അലട്ടലുകൾക്ക് മാറ്റം വരുന്നതാണ്. ലോൺ, ചിട്ടി ഇവയിൽ നിന്നും ധനാഗമം പ്രതീക്ഷിക്കാം. മക്കളുടെ പഠനാദികാര്യങ്ങളിൽ മെച്ചം ഉണ്ടാവും. ഗാർഹികസ്വാസ്ഥ്യം സന്തോഷമേകും.

പൂരാടം: ചെറിയ കാര്യങ്ങൾ നേടാൻ കൂടുതൽ ഊർജ്ജം ചെലവഴിക്കേണ്ടി വരാം. വ്യാപാരരംഗം ഉദാസീനമാകുന്നതാണ്. ബന്ധുക്കളുടെ പിന്തുണ ദുർബലമായിരിക്കും. വിരോധികൾക്ക് വല്ല മനപ്രയാസവും സൃഷ്ടിക്കാനായേക്കും. ആഴ്ചയുടെ മദ്ധ്യം മുതൽ കർമ്മരംഗത്തിൽ പുതിയ ഉണർവ് പ്രതീക്ഷിക്കാം. അദ്ധ്വാനം വിലമതിക്കപ്പെടുന്നതാണ്. ഉത്രാടം:- ദിശാബോധത്തോടെ പ്രവർത്തിക്കാനാവും. തൊഴിൽ തടസ്സങ്ങൾ നീങ്ങുന്നതാണ്. സർക്കാരിൽ നിന്നും ലഭിക്കേണ്ട അനുമതി, ആനുകൂല്യങ്ങൾ ഇവ കൈവശം വന്നെത്തും. കരാർ പണികൾക്ക് തുടർച്ച ഉണ്ടാകുന്നതാണ്. ആതിഥ്യമര്യാദ പ്രശംസിക്കപ്പെടും.

ഉത്രാടം: ദിശാബോധത്തോടെ പ്രവർത്തിക്കാനാവും. തൊഴിൽ തടസ്സങ്ങൾ നീങ്ങുന്നതാണ്. സർക്കാരിൽ നിന്നും ലഭിക്കേണ്ട അനുമതി, ആനുകൂല്യങ്ങൾ ഇവ കൈവശം വന്നെത്തും. കരാർ പണികൾക്ക് തുടർച്ച ഉണ്ടാകുന്നതാണ്. ആതിഥ്യമര്യാദ പ്രശംസിക്കപ്പെടും.
ചില സൗഹൃദങ്ങൾ നൽകുന്ന മാനസികോർജ്ജം എത്ര വിലപ്പെട്ടതാണ് എന്നറിയും. ഗൃഹം മോടിപിടിപ്പിക്കാൻ പദ്ധതി തയ്യാറാക്കും. ആരോഗ്യ കാര്യത്തിൽ ശ്രദ്ധ വേണം. വാരത്തിന്റെ രണ്ടാം പകുതിക്ക് മാറ്റ് കുറവായിരിക്കും.

തിരുവോണം: ആശയപരമായി ഔന്നത്യം പുലർത്തും. വിജയതന്ത്രങ്ങൾ ഒരുക്കുന്നതിൽ മികവ് കാട്ടും. സജ്ജനങ്ങളുടെ പിന്തുണ വലിയ കരുത്തേകും. ധനപരമായി മെച്ചമുള്ള കാലമാണെന്ന് പറയാം. ഗാർഹിക കാര്യങ്ങളിൽ ശ്രദ്ധ കുറയും. വാഹനം കൈകാര്യം ചെയ്യുന്നവർ കൂടുതൽ ജാഗ്രത പുലർത്തണം. അഷ്ടമത്തിലെ കുജനാൽ ചില ആരോഗ്യപ്രശ്നങ്ങൾ ഉടലെടുക്കും. ആഢംബരത്തിന് ചിലവേറുന്നതാണ്.

അവിട്ടം: കുംഭക്കൂറുകാരായ അവിട്ടം നാളുകാർക്ക് ദാമ്പത്യക്ലേശവും മകരക്കൂറുകാരായ അവിട്ടം നാളുകാർക്ക് ആരോഗ്യപ്രശ്നങ്ങളും ഒരു സാധ്യതയാണ്. നക്ഷത്രാധിപനായ കുജന് ശുക്രയോഗവും ശനിദൃഷ്ടിയും ഉള്ളതിനാൽ സുഹൃൽ സംഗമങ്ങളുണ്ടാവും. ചില ബന്ധങ്ങൾ വിരോധത്തിനും ചിലതു സ്നേഹത്തിനും ഇടവരുത്താം. ഊഹക്കച്ചവടത്തിൽ നേട്ടങ്ങളുണ്ടാവുന്നതാണ്. കാര്യസാദ്ധ്യത്തിന് പരിശ്രമം അധികമാവും. കൊടുക്കൽ വാങ്ങലുകളിൽ ലാഭം കൂടാം.

ചതയം: വിശ്വാസപൂർവ്വം ഏൽപ്പിക്കപ്പെട്ട ദൗത്യങ്ങൾ പൂർത്തീകരിക്കും. വിദ്യാർത്ഥികൾ പഠനത്തിൽ ഏകാഗ്രത പുലർത്തും. മുൻ നിശ്ചയിച്ച യാത്രാപരിപാടികളിൽ പങ്കെടുക്കും. അനാവശ്യ ചിലവുകൾ നിയന്ത്രിക്കുന്നതാണ്. വ്യാപാരത്തിൽ മെച്ചം പ്രതീക്ഷിക്കാം. പുതിയ ഉല്പന്നങ്ങൾ പരിചയപ്പെടുത്തുന്നതിൽ വിജയിക്കുന്നതാണ്. കുടുംബാംഗങ്ങളുടെ ക്ഷേമത്തിൽ ശ്രദ്ധ പുലർത്തും. പതിവ് വൈദ്യപരിശോധനകൾ അനിവാര്യമാണ്.

പൂരുരുട്ടാതി: കലാമത്സരങ്ങളിലും കായിക പ്രവർത്തനങ്ങളിലും നേട്ടങ്ങൾ സിദ്ധിക്കും. സാമൂഹിക കാര്യങ്ങളിൽ ശ്രദ്ധ പുലർത്തും. മക്കളുടെ വിദ്യാഭ്യാസ ഉന്നമനത്തിനായി യാത്രകൾ ഉണ്ടാവും. കുടുംബത്തിലെ മുതിർന്ന അംഗങ്ങളുടെ ആരോഗ്യകാര്യത്തിൽ ശ്രദ്ധ വേണം, എതിർപ്പുകളെ പ്രതിരോധിക്കാനാവും. വായ്പാ തിരിച്ചടവിൽ ചില ക്ലേശങ്ങൾ വന്നേക്കാം. ദൈവിക സമർപ്പണങ്ങൾക്ക് സമയം കണ്ടെത്തും. ഭൂമി സംബന്ധിച്ച ഇടപാടുകളിൽ ചെറിയ ലാഭം മാത്രമേ പ്രതീക്ഷിക്കേണ്ടൂ.

ഉത്രട്ടാതി: ബുദ്ധിപരമായി ഔന്നത്യം പ്രകടിപ്പിക്കും. ഗണിതം, വ്യാകരണം, ശാസ്ത്രം എന്നിവയിൽ അറിവ് സമ്പാദിക്കും. ഔദ്യോഗിക കൃത്യനിർവഹണത്തിൽ മേലധികാരികളുടെ പ്രശംസനേടും. കടബാധ്യതകളിൽ നിന്നും ഭാഗികമായി മോചനമുണ്ടാകും. തൊഴിൽ രംഗത്തുനിന്നും പലതരം നേട്ടങ്ങൾ വരും. വ്യാപാരികൾ ഉപഭോക്താക്കളുടെ പ്രീതി നേടുന്നതാണ്. പന്ത്രണ്ടിലെ ശനിയാൽ പാദരോഗങ്ങൾ , വാതക്ലേശം എന്നിവയ്ക്ക് സാധ്യത കാണുന്നു.

രേവതി: വിദ്യാർത്ഥികൾ പാഠ്യേതര മേഖലകളിലും കഴിവുകാട്ടും. തൊഴിൽപരമായി ഉയർച്ചകൾ വരാം. ചൊവ്വയ്ക്ക് ബലമുള്ളതിനാൽ എതിർപ്പുകളെ സാമർത്ഥ്യത്തോടെ അതിജീവിക്കും. കുടുംബ ജീവിതത്തിലെ പ്രശ്നങ്ങൾക്ക് ചർച്ചകളിലൂടെ പരിഹാരം കണ്ടെത്തും. ന്യായമായ ആവശ്യങ്ങൾക്ക്
പണം വന്നെത്തും. കാലാവസ്ഥയുടെ പ്രതികൂലതകൾ സൃഷ്ടിക്കുന്ന രോഗങ്ങൾ വേഗം പിടികൂടിയേക്കാം. പൊതുവേ സംതൃപ്തിയേകുന്ന വാരം.