അശ്വതിക്കാർക്ക് ആത്മവീര്യം ദുർബലപ്പെടാം, ഭരണിക്കാർക്ക് പ്രണയം പുഷ്കലമാവും, കാർത്തികക്കാർ ഇഷ്ടവാഹനം വാങ്ങും

അശ്വതി മുതൽ കാർത്തിക വരെയുള്ള നക്ഷത്രങ്ങളിൽ ജനിച്ചവരുടെ 2025 നവംബർ മാസത്തെ നക്ഷത്രഫലം

Written byS. Sreenivas Iyer

അശ്വതി മുതൽ കാർത്തിക വരെയുള്ള നക്ഷത്രങ്ങളിൽ ജനിച്ചവരുടെ 2025 നവംബർ മാസത്തെ നക്ഷത്രഫലം

S. Sreenivas Iyer

13 Nov 2025 11:46 IST

New Update

1/6

അശ്വതി

വ്യാഴം ഉച്ചസ്ഥിതിയിൽ തുടരുന്നതും രാഹുവിൻ്റെ പതിനൊന്നിലെ സഞ്ചാരവും ഗുണകരമാണ്. വരുമാന മാർഗം സുസ്ഥിരമാവും. രാശ്യധിപനായ ചൊവ്വയ്ക്ക് മൗഢ്യം വരുന്നത് ആത്മവീര്യത്തെ ദുർബലപ്പെടുത്താം. ചിലപ്പോൾ ചെറിയ കാര്യങ്ങളിൽ പോലും ആശങ്കകൾ കടന്നുകൂടുന്നതാണ്. സഹോദരരുമായി കലഹം, അവകാശതർക്കങ്ങൾ എന്നിവ സാധ്യതകളാണ്. മിത്രങ്ങളുടെ സഹകരണം പ്രതീക്ഷിച്ചതിനുമപ്പുറമാവും.

2/6

അശ്വതി

പുതുവാഹനം വാങ്ങാൻ യോഗമുണ്ട്. വീട്ടിലും സാമാനമായി നവീകരണമുണ്ടാവും. ആരംഭിക്കുന്ന കാര്യങ്ങൾ പൂർത്തീകരിക്കാൻ ഇച്ഛശക്തി ആവശ്യമാണ്. ആദിത്യൻ്റെ അനിഷ്ടസ്ഥിതിയാൽ മേലധികാരികൾക്ക് അപ്രീതിയുണ്ടാവും. പിതാവിൻ്റെ ആരോഗ്യകാര്യങ്ങളിൽ കരുതലുണ്ടാവണം. പ്രണയികൾക്ക് ആഹ്ളാദം നിലനിർത്താനാവും. സ്ത്രീകളുടെ സഹകരണം ലഭിക്കുന്നതാണ്.

3/6

ഭരണി

നക്ഷത്രാധിപനായ ശുക്രന് നീചം കഴിഞ്ഞ് സ്വക്ഷേത്രസ്ഥിതി വരുന്നത് ഉത്തമമാണ്. ശുഭയാത്രകളുണ്ടാവും. കൂട്ടുകച്ചവടത്തിൽ നിന്നും തരക്കേടില്ലാത്ത ലാഭം വന്നെത്തും. പ്രണയം പുഷ്കലമാവുന്നതാണ്. കലാപരമായ സിദ്ധികൾ പ്രദർശിപ്പിക്കാൻ അവസരമുണ്ടാവും. നവസംരംഭങ്ങൾക്ക് സർക്കാരിൽ നിന്നും ലഭിക്കേണ്ട രജിസ്ട്രേഷൻ വൈകിയേക്കും. ഭൂമികച്ചവടത്തിൽ അമളി പിണയാനിടയുള്ളതിനാൽ ജാഗ്രത വേണം.

Advertisment

4/6

ഭരണി

കടബാധ്യതകൾ പരിഹരിക്കാൻ ശ്രമം തുടരപ്പെടും. ദാമ്പത്യസൗഖ്യം പ്രതീക്ഷിക്കാം. കുട്ടികളുടെ പഠനപുരോഗതിയിൽ സന്തോഷിക്കും. ചെലവിൽ നിയന്ത്രണം അനിവാര്യമാണ്. സഹോദരുമായി പിണങ്ങുന്നതിന് കാരണങ്ങൾ തലപൊക്കും. സ്വകാര്യ സ്ഥാപനത്തിലെ ജോലി ഉപേക്ഷിക്കരുത്. കരാറുകളിൽ ഒപ്പിടും മുൻപ് നിബന്ധനകൾ മനസ്സിലാക്കാൻ മറക്കരുത്. ആരോഗ്യപരമായി കൂടുതൽ കരുതൽ വേണ്ടതുണ്ട്.

5/6

കാർത്തിക

സമ്മിശ്രാനുഭവങ്ങൾ തുടരുന്നതാണ്. സാങ്കേതിക കാര്യങ്ങൾ മനസ്സിലാക്കാൻ ആത്മാർത്ഥമായി ശ്രമിക്കും. സ്വതസ്സിദ്ധമായ പ്രവർത്തനശൈലി മാറ്റാൻ തയ്യാറായേക്കില്ല. സഹോദരൻ്റെ ജോലിക്കാര്യത്തിൽ ശുപാർശ ഫലവത്തായേക്കും. അതിര് തർക്കങ്ങളിൽ അയവില്ലാത്ത സമീപനം ദോഷം ചെയ്തേക്കും. പഠനകാര്യത്തിൽ ശ്രദ്ധ വേണം. പ്രോജക്ടുകൾ പൂർത്തിയാക്കാൻ ശുഷ്കാന്തി വേണ്ടതുണ്ട്.

6/6

കാർത്തിക

വരുമാന മാർഗങ്ങൾ പുഷ്ടിപ്പെടുത്താൻ കൂടുതൽ അധ്വാനം ആവശ്യമാവുന്ന കാലഘട്ടമാണ്. ഉപജാപങ്ങളെ തൃണവൾഗണിക്കും. ഇഷ്ടവാഹനം വാങ്ങുവാൻ കഴിയും. ബന്ധുക്കളെ സന്ദർക്കുന്നതാണ്. അർഹതയുള്ള വിദ്യാർഥികൾക്ക് സ്വന്തം നിലയിൽ ധനസഹായം ചെയ്തേക്കും. ജീവിതശൈലി രോഗങ്ങൾ നിയന്ത്രിക്കാനാവുന്നതാണ്.

Horoscope Astrology

Stay updated with the latest news headlines and all the latest Lifestyle news. Download Indian Express Malayalam App - Android or iOS.