മിഥുനത്തിൽ കുടുംബ സമാധാനം ഏതൊക്കെ നാളുകാർക്ക്?

മിഥുന മാസത്തിൽ ഏതൊക്കെ നാളുകാർക്ക് കുടുംബത്തിൽ സമാധാനമെന്ന് ശ്രീനിവാസ് അയ്യർ എഴുതുന്നു

Written byS. Sreenivas Iyer

മിഥുന മാസത്തിൽ ഏതൊക്കെ നാളുകാർക്ക് കുടുംബത്തിൽ സമാധാനമെന്ന് ശ്രീനിവാസ് അയ്യർ എഴുതുന്നു

S. Sreenivas Iyer

09 Jul 2025 10:56 IST

New Update

1/6

ഭരണി

ആത്മവിശ്വാസത്തോടെ കർമ്മരംഗത്ത് മുഴുകുന്നതാണ്. അപ്പോഴപ്പോഴുള്ള തൊഴിൽപരമായ വെല്ലുവിളികളേയും പരീക്ഷണങ്ങളേയും ധൈര്യപൂർവ്വം നേരിടുന്നതിനാവും. ഉദ്യോഗത്തിൽ ഉയർച്ചയോ പ്രവർത്തന സ്വാതന്ത്ര്യാധിക്യമോ കൈവരുന്നതാണ്. ശുക്രൻ്റെ അനുകൂലതയാൽ കലാപരമായി വിജയിക്കാൻ സാധിക്കും. വിലകൂടിയ മുഖാഭരണങ്ങൾ വാങ്ങുന്നതാണ്. ഉപരി പഠനം സംബന്ധിച്ച അവ്യക്തതകൾക്ക് അറുതിയാവും. കുടുംബത്തിൻ്റെ ന്യായമായ ആവശ്യങ്ങൾ നിർവഹിക്കാൻ കഴിയും. ഉല്ലാസയാത്രകൾ സാധ്യതയാണ്. ശനിയുടെ ദുഃസ്ഥിതിയാൽ അലച്ചിലുണ്ടാവും. ചൊവ്വയും കേതുവും ഉപാസനകൾക്ക് ഭംഗം വരുത്താനിടയുണ്ട്. പതിനൊന്നിലെ രാഹുസ്ഥിതി രഹസ്യമായ ആഗ്രഹങ്ങളെ നടത്തിത്തരാം.

2/6

രോഹിണി

ഗുണദോഷസമ്മിശ്രമായ ഫലങ്ങളാവും. കുടുംബത്തിൽ സമാധാനം പ്രത്യക്ഷത്തിൽ ഉള്ളതായി തോന്നും. എന്നാൽ ഭാര്യയും ഭർത്താവും, അച്ഛനും മകനും തമ്മിൽ അനൈക്യം വരാം. ബിസിനസ്സുകാർക്ക് പുരോഗതിയുടെ കാലമാണ്. വിപണിയിൽ സാന്നിധ്യം ശക്തമായിരിക്കും. ഭൂമി വ്യവഹാരം നീണ്ടുപോയേക്കും. വാഹനം ഉപയോഗിക്കുന്നവർ ജാഗ്രത പുലർത്തണം. അലസമനസ്സ് ശിഥില ചിന്തകളുടെ കൂടാരമാവുമെന്ന തത്ത്വം ഓർമ്മിക്കുന്നത് നന്നായിരിക്കും. വരവുചിലവുകളിൽ കൃത്യത വേണം. ഭോഗസുഖം, ഭക്ഷണ സംതൃപ്തി, പാരിതോഷിക ലബ്ധി ഇവ പ്രതീക്ഷിക്കാം. മുതിർന്നവരുടെ പ്രീതി സമ്പാദിക്കുന്നതാണ്. അന്യദേശത്തു പോയി പഠിക്കാനുള്ള ശ്രമം വിജയിച്ചേക്കും. സുഹൃത്തുക്കളുടെ കാര്യത്തിൽ കൂടുതൽ ശ്രദ്ധാലുത്വം വേണം.

3/6

ചിത്തിര

ഗ്രഹങ്ങളുടെ സമ്മിശ്രമായിട്ടുള്ള സ്ഥിതിയാൽ ഗുണവും ദോഷവും ആവർത്തിക്കുന്നതായിരിക്കും. ഉദ്യോഗസ്ഥർക്ക് വലിയ ദൗത്യങ്ങൾ ഏറ്റെടുക്കേണ്ടി വരുന്നതാണ്. തന്മൂലം മാനസിക സമ്മർദ്ദം അനുഭവിക്കും. ബിസിനസ്സ് അല്പം മെല്ലെയാവുന്നതാണ്. സ്റ്റോക്കിനനുസരിച്ച് വ്യാപാരത്തിൽ ഉയർച്ച ഉണ്ടാവില്ല. വായ്പകൾ തിരിച്ചടക്കാൻ ക്ലേശിക്കും. പുതിയ ജോലി തേടുന്നവർക്ക് വരുമാനമാർഗം തുറന്നു കിട്ടുന്നതാണ്. തുലാക്കൂറുകാർക്ക് ഭൂമിവ്യാപാരം ആദായകരമാവും. വിദേശത്ത് പഠനമോ തൊഴിലോ തേടുന്നവർ നിരാശപ്പെടില്ല. കുടുംബ ജീവിതത്തിൽ സാമാന്യമായ സംതൃപ്തി പ്രതീക്ഷിച്ചാൽ മതി. പിതൃ-പുത്ര ബന്ധത്തിൽ സ്വൈരം കുറയാം. രോഗക്ലേശിതർക്ക് ചികിൽസാ മാറ്റം കൊണ്ട് വലിയ തോതിലുള്ള ആശ്വാസമുണ്ടാവണമെന്നില്ല.

Advertisment

4/6

വിശാഖം

നക്ഷത്രാധിപനായ വ്യാഴത്തിന് മിഥുനമാസം മുക്കാലും മൗഢ്യം ആകയാൽ ആത്മശക്തിക്ക് കുറവുവരാം. നന്നായി അറിയുന്ന കാര്യങ്ങൾ വീണ്ടും മനസ്സിലാക്കേണ്ടതായി വരുന്നതാണ്. കുടുംബത്തിലെ മുതിർന്ന അംഗങ്ങളുടെ അനിഷ്ടത്തിന് പാത്രമാകും. തൊഴിൽ മേഖലയിൽ സ്വാതന്ത്ര്യം ലഭിക്കുന്നതാണ്. സഹപ്രവർത്തകർക്ക് നിർദ്ദേശങ്ങൾ സ്വീകാര്യമാവും. പൊതുപ്രവർത്തനത്തിൽ സ്വീകാര്യത കൈവരുന്നതാണ്. ആഡംബര വസ്തുക്കൾ, ഗൃഹോപകരണങ്ങൾ ഇവ വാങ്ങും. ഭൂമിയിൽ നിന്നും ആദായം ലഭിക്കുന്നതാണ്. വാടകവീട്ടിലേക്ക് താമസം മാറാനായേക്കും. അന്യനാട്ടിൽ കഴിയുന്നവർക്ക് ജന്മനാട്ടിൽ ജോലിമാറ്റം ലഭിക്കാൻ ഇനിയും കാത്തിരിപ്പാവശ്യമാണ്. ബന്ധു സന്ദർശനം, മംഗളകർമ്മങ്ങളിൽ സംബന്ധിക്കൽ എന്നിവ മനസ്സന്തോഷത്തിന് കാരണമാകും.

5/6

മൂലം

അമിതമായി അദ്ധ്വാനിച്ചാലും നല്ലഫലം കിട്ടണമെന്നില്ല. ഔദ്യോഗിക യാത്രകൾ കൂടുതലായിരിക്കും. യാത്രാക്ലേശമുണ്ടാവും. കൂട്ടുകച്ചവടത്തിൽ അസംതൃപ്തി വരും. തൊഴിലിടത്തിൽ നീതിലഭിക്കുന്നില്ല എന്ന തോന്നൽ ശക്തമാകും. കരാർ ജോലികൾ മുടങ്ങില്ല. ഏജൻസി പ്രവർത്തനങ്ങൾ കൊണ്ട് ധനലാഭം വന്നുചേരുന്നതാണ്. കടബാധ്യത ചെറിയ തോതിൽ പരിഹരിക്കാൻ കഴിഞ്ഞേക്കും. നല്ല പരിചയമില്ലാത്ത ചിലരുടെ സഹായം ലഭിക്കുന്നതാണ്. ജീവിത പങ്കാളിയുടെ ഓൺലൈൻ ബിസിനസ്സ് വിപുലീകരിക്കാൻ ആവശ്യമായ സാങ്കേതികജ്ഞാനം നേടുന്നതാണ്. രോഗ ക്ലേശിതർക്ക് ചികിൽസാ മാറ്റം അനിവാര്യമാവും. കുടുംബത്തിലെ, സംഘടനയിലെ ഒക്കെ പുതിയ തലമുറയുമായി ഒത്തുപോകാൻ വിഷമിച്ചേക്കും.

6/6

പൂരൂരുട്ടാതി

പ്രശ്നങ്ങളും പ്രതിസന്ധികളും ഒരു തുടർക്കഥയാവുമെങ്കിലും അവയെ സവിശേഷമായ മനോധൈര്യം, ജീവിതാനുഭവങ്ങൾ എന്നിവയുടെ പശ്ചാത്തലത്തിൽ മറികടക്കാനാവും. പുതുസംരംഭങ്ങളുമായി ഇപ്പോൾ മുന്നോട്ടു പോകുന്നത് ആശാസ്യമായിരിക്കില്ല. സർക്കാർ ഉദ്യോഗസ്ഥർക്ക് ജോലിഭാരം അധികമായേക്കും. പണമെപാടുകളിൽ കവിഞ്ഞ ജാഗ്രത ആവശ്യമാണ്. നക്ഷത്രാധിപനായ വ്യാഴത്തിന് മൗഢ്യം വരുന്നത് ആത്മവിശ്വാസത്തെ ഏതെങ്കിലും തരത്തിൽ ബാധിക്കാം. സംഘടനകളിൽ ഉറച്ച നിലപാട് കൈക്കൊള്ളുന്നതാണ്. കുടുംബത്തിലെ അനൈക്യങ്ങളെ പറഞ്ഞുതീർക്കും. ഗൃഹനിർമ്മാണത്തിൽ പുരോഗതിയുണ്ടാവും. മികച്ച ഓഫറുകൾ ലഭിച്ചാലും തൽകാലം ജോലി വിടുന്നത് ഗുണകരമാവില്ല. മീനക്കൂറുകാർക്ക് കേസിൽ വിജയമുണ്ടാവും.

Horoscope Astrology

Stay updated with the latest news headlines and all the latest Lifestyle news. Download Indian Express Malayalam App - Android or iOS.