തുലാക്കൂറുകാർക്ക് പ്രണയത്തിൽ തളർച്ച, വൃശ്ചികക്കൂറുകാർക്ക് ഗൃഹനിർമ്മാണത്തിൽ തടസം, ധനുക്കൂറുകാർക്ക് ദാമ്പത്യ സൗഖ്യം

Mars Transit To Thulam Rashi: ചൊവ്വയുടെ തുലാം രാശിയിലെ സഞ്ചാരം തുലാക്കൂറു മുതൽ ധനുക്കൂറുവരെയുള്ള നാളുകളിൽ ജനിച്ചവരെ എങ്ങനെ സ്വാധീനിക്കുന്നു എന്നു നോക്കാം

Written byS. Sreenivas Iyer

Mars Transit To Thulam Rashi: ചൊവ്വയുടെ തുലാം രാശിയിലെ സഞ്ചാരം തുലാക്കൂറു മുതൽ ധനുക്കൂറുവരെയുള്ള നാളുകളിൽ ജനിച്ചവരെ എങ്ങനെ സ്വാധീനിക്കുന്നു എന്നു നോക്കാം

S. Sreenivas Iyer

24 Sep 2025 11:06 IST

New Update

1/6

തുലാക്കൂറുകാർക്ക് (ചിത്തിര 3,4 പാദങ്ങൾ, ചോതി, വിശാഖം 1,2,3 പാദങ്ങൾ)

പന്ത്രണ്ടാം ഭാവത്തിലെ ചൊവ്വ വരുത്തിയ കഷ്ടനഷ്ടങ്ങളുടെ തുടർച്ചയാവും ജന്മരാശിയിലെ ചൊവ്വയും സൃഷ്ടിക്കുക. വൈകാരിക പ്രതികരണങ്ങൾ ശത്രുക്കൾ പെരുകാൻ കാരണമാവും. ക്ഷോഭശീലം അമിതമാവാനിടയുണ്ട്. പ്രണയത്തിൽ തളർച്ചയുണ്ടായേക്കാം. ദാമ്പത്യത്തിലും കലഹങ്ങൾ ആവർത്തിക്കുന്നതാണ്. കൂട്ടുകച്ചവടത്തിൽ വിരക്തി ഏർപ്പെടും. കടം വാങ്ങി കാര്യനിർവഹണത്തിന് മുതിരുന്ന പ്രവണത നിയന്ത്രിക്കപ്പെടണം.

2/6

തുലാക്കൂറുകാർക്ക് (ചിത്തിര 3,4 പാദങ്ങൾ, ചോതി, വിശാഖം 1,2,3 പാദങ്ങൾ)

മുൻപിൻ നോക്കാതെ ചാടിപ്പുറപ്പെടുകയാൽ പരാജയത്തിൻ്റെ കയ്പുരസം നുകരേണ്ടിവരും. തൊഴിൽ രംഗത്ത് മടുപ്പനുഭവപ്പെട്ടേക്കും. പുതുസംരംഭങ്ങൾ തുടങ്ങുന്നതിന് ഇപ്പോൾ ഗ്രഹാനുകൂല്യം ഇല്ലെന്നത് ഓർമ്മയിലുണ്ടാവണം. വഴിനടത്തമൂലം ക്ലേശിക്കും. രക്തസമ്മർദ്ദം, പ്രമേഹം തുടങ്ങിയ ജീവിതശൈലി രോഗങ്ങൾക്ക് വൈദ്യസഹായം വേണ്ടിവരാം. എല്ലാക്കാര്യങ്ങളിലും ജാഗ്രത പുലർത്തണം. സഹിഷ്ണുത അനിവാര്യമാണ്.

3/6

വൃശ്ചികക്കൂറിന് (വിശാഖം നാലാം പാദം, അനിഴം, തൃക്കേട്ട)

പതിനൊന്നിൽ ഇഷ്ടസ്ഥാനത്ത് നിന്നിരുന്ന ചൊവ്വ പ്രതികൂലമായ പന്ത്രണ്ടാം ഭാവത്തിലേക്ക് മാറുന്നു. പന്ത്രണ്ടാമെടം ദേശ / വിദേശങ്ങളെ സൂചിപ്പിക്കുകയാൽ യാത്രകൾക്ക് അവസരം സംജാതമാകും. തൊഴിൽ നേട്ടത്തിന് ഒരുപാട് വിയർപ്പൊഴുക്കേണ്ടി വന്നേക്കും. നിദ്രാസുഖം, വിശ്രമം എന്നിവ കുറയുന്നതാണ്. ധനവരവിൽ തടസ്സങ്ങളുള്ളതായി അനുഭവപ്പെടും. എന്നാൽ ചെലവ് അധികരിക്കും. എത്ര മിതവ്യയക്കാരനും ധാരാളിയാവും.

Advertisment

4/6

വൃശ്ചികക്കൂറിന് (വിശാഖം നാലാം പാദം, അനിഴം, തൃക്കേട്ട)

ബന്ധുക്കളുടെ സഹകരണം കുറയുന്നതാണ്. സുഹൃത്തുക്കളുടെ അഭിപ്രായങ്ങളോട് പൊരുത്തപ്പെടാൻ വിഷമിക്കും. രാഷ്ട്രീയ പ്രവർത്തനത്തിൽ ഭിന്നതയേറും. സർക്കാർ കാര്യങ്ങൾ നേടാൻ ആവർത്തിത ശ്രമം ആവശ്യമാവും. ഭാര്യാഭർത്താക്കന്മാർക്ക് ഒരിടത്തേക്ക് സ്ഥലംമാറ്റം കിട്ടാൻ കാത്തിരിപ്പ് തുടരേണ്ടി വരുന്നതാണ്. ഗൃഹനിർമ്മാണത്തിൽ തടസ്സങ്ങൾ വരും. കടബാധ്യതയുള്ളവർ കൂടുതൽ കടം വരുത്താതിരിക്കാൻ കരുതൽ പുലർത്തണം. ആരോഗ്യപരമായും അനുകൂല കാലമല്ല. നവസംരംഭങ്ങൾ തുടങ്ങുന്നത് എത്രയും കരുതലോടെ വേണ്ടതാണ്.

5/6

ധനുക്കൂറിന് (മൂലം, പൂരാടം, ഉത്രാടം ഒന്നാം പാദം)

പത്താം ഭാവത്തിൽ നിന്നും പതിനൊന്നാം ഭാവത്തിലേക്ക് ചൊവ്വ മാറുന്നു. നവഗ്രഹങ്ങളും ഗുണപ്രദന്മാരായി മാറുന്ന ഒരുഭാവം പതിനൊന്നാമെടമാണ്. ലാഭസ്ഥാനം, സർവ്വാഭീഷ്ടഭാവം എന്നെല്ലാം പതിനൊന്നാമെടത്തെ സംബോധന ചെയ്യുന്നത് അതിനാലാവണം. ധനുക്കൂറുകാർക്ക് ന്യായമായ ആഗ്രഹങ്ങൾ സഫലമാവുന്ന കാലമായിരിക്കും. തടസ്സങ്ങൾ താനേ അകലുന്നതാണ്. പദവികൾ ലഭിക്കാം. ഉദ്യോഗത്തിൽ സ്ഥാനക്കയറ്റം വരും. വേതനവർദ്ധനവിനും അവസരം വന്നേക്കും.

6/6

ധനുക്കൂറിന് (മൂലം, പൂരാടം, ഉത്രാടം ഒന്നാം പാദം)

ശത്രുക്കളുടെ പ്രവർത്തനങ്ങളെ നിഷ്പ്രഭമാക്കുന്നതാണ്. ആത്മവിശ്വാസം ഊന്നുവടി പോലെ ഏതുദുർഘടങ്ങളിലും കൂട്ടിനുണ്ടാവും. ബിസിനസ്സിൽ നിന്നും ആദായം അധികരിക്കുന്നതാണ്. ഭൂമിലാഭത്തിന് സാധ്യതയുണ്ട്. മത്സരങ്ങളിൽ വിജയമുണ്ടാവും. വലിയ കരാറുകൾ നേടിയെടുക്കും. പ്രണയികൾ ഭാവി സംബന്ധിച്ച കൃത്യമായ തീരുമാനം കൈക്കൊള്ളും. ദാമ്പത്യത്തിലും സൗഖ്യം പ്രതീക്ഷിക്കാവുന്നതാണ്. ചിട്ടി, നറുക്കെടുപ്പ്, ഇൻഷ്വറൻസ് മുതലായവയിലൂടെ ധനാഗമം വന്നെത്തുന്നതാണ്.

Horoscope Astrology

Stay updated with the latest news headlines and all the latest Lifestyle news. Download Indian Express Malayalam App - Android or iOS.