മേടക്കൂറുകാർക്ക് ദാമ്പത്യ ജീവിതത്തിൽ അസംതൃപ്തി, ഇടവക്കൂറുകാർക്ക് മത്സര വിജയം, മിഥുനക്കൂറുകാർക്ക് തൊഴിലിൽ വളർച്ച കുറയും

Mars Transit To Thulam Rashi: ചൊവ്വയുടെ തുലാം രാശിയിലെ സഞ്ചാരം മേടക്കൂറു മുതൽ മിഥുനക്കൂറുവരെയുള്ള നാളുകളിൽ ജനിച്ചവരെ എങ്ങനെ സ്വാധീനിക്കുന്നു എന്നു നോക്കാം

Written byS. Sreenivas Iyer

Mars Transit To Thulam Rashi: ചൊവ്വയുടെ തുലാം രാശിയിലെ സഞ്ചാരം മേടക്കൂറു മുതൽ മിഥുനക്കൂറുവരെയുള്ള നാളുകളിൽ ജനിച്ചവരെ എങ്ങനെ സ്വാധീനിക്കുന്നു എന്നു നോക്കാം

S. Sreenivas Iyer

22 Sep 2025 13:06 IST

New Update

1/6

മേടക്കൂറിന് (അശ്വതി, ഭരണി, കാർത്തിക ഒന്നാം പാദം)

അനുകൂലഭാവമായിരുന്ന ആറാമെടത്തിൽ നിന്നും പ്രതികൂലമായ ഏഴാമെടത്തിലേക്ക് കുജൻ മാറുന്നു. ഏഴാമെടം കൊണ്ട് വാഹനയാത്ര സൂചിതമാകയാൽ അക്കാര്യത്തിൽ കരുതലുണ്ടാവണം. യാത്രാക്ലേശത്തിന് സാധ്യത കാണുന്നു. പ്രണയഭാവങ്ങൾ ഏഴാമെടത്തിലെ കുജസ്ഥിതിയാൽ ശിഥിലമാവാനിടയുണ്ട്. ഉള്ളിലെ അഹംഭാവംകരുത്തുനേടുകയാൽ മസൃണഭാവങ്ങൾ തളരുകയും 'അഹം' അമിതബലമാർജ്ജിക്കുകയും ചെയ്യും. പൊരുത്തപ്പെടാനുള്ള മനസ്സ് പോയി, എല്ലാം പൊരുതി നേടണമെന്ന തോന്നൽ ശക്തി പ്രാപിക്കുന്നതാണ്.

2/6

മേടക്കൂറിന് (അശ്വതി, ഭരണി, കാർത്തിക ഒന്നാം പാദം)

ദാമ്പത്യ ജീവിതത്തെയും അസംതൃപ്തി ബാധിക്കാം. കൂട്ടുകച്ചവടത്തിൽ, പാർട്ണർമാർ തമ്മിൽ പ്രശ്നങ്ങൾ ഉൽഭവിക്കും. ദൂരയാത്രകൾക്ക് അവസരം ഒരുങ്ങുന്നതാണ്. ഏഴിൽ സഞ്ചരിക്കുന്ന ചൊവ്വ കർമ്മഭാവത്തെ നോക്കുകയാൽ തൊഴിലിടത്തിൽ സമ്മർദ്ദങ്ങൾ ഉയരും. മൗനം പാലിക്കുകയും പ്രതികരണശേഷി നിർവീര്യമാക്കുകയും ചെയ്താൽ കലഹങ്ങൾ ഒഴിവാക്കാം. രക്തസമ്മർദ്ദം, പ്രമേഹം തുടങ്ങിയ ജീവിതശൈലീ രോഗങ്ങളുള്ളവർ കരുതൽ കൈക്കൊള്ളണം.

3/6

ഇടവക്കൂറിന് (കാർത്തിക 1,2,3 പാദങ്ങൾ, രോഹിണി, മകയിരം 1,2 പാദങ്ങൾ)

ചൊവ്വ ആറാം ഭാവത്തിൽ സഞ്ചരിക്കുകയാൽ അനുകൂലഫലങ്ങൾ ഏറും. ഇഷ്ടകാര്യങ്ങൾ തടസ്സമില്ലാതെ പൂർത്തിയാക്കും. ആത്മവിശ്വാസം കൂടും. ശത്രുക്കളുടെ പ്രവർത്തനത്തെ പ്രതിരോധിക്കുന്ന തിനാവും. ഉദ്യോഗാർത്ഥികൾക്ക് തേടിയ അവസരങ്ങൾ സംജാതമാകും. കുടുംബ പ്രശ്നങ്ങൾക്ക് കൃത്യമായ പരിഹാരം കണ്ടെത്തുന്നതാണ്. ഉദ്യോഗസ്ഥർക്ക് സ്ഥാനക്കയറ്റമുണ്ടാവും.

Advertisment

4/6

ഇടവക്കൂറിന് (കാർത്തിക 1,2,3 പാദങ്ങൾ, രോഹിണി, മകയിരം 1,2 പാദങ്ങൾ)

ബിസിനസ്സിൻ്റെ ആവശ്യങ്ങൾക്ക് വായ്പ ലഭിക്കുന്നതാണ്. മത്സരങ്ങളിൽ വിജയം കരഗതമാവും. ചൊവ്വയ്ക്ക് ഭൂമികാരകത്വമുണ്ട്. അതിനാൽ വസ്തുവാങ്ങാനുള്ള സാധ്യതയുണ്ട്. വീടുപണി തുടങ്ങിയേക്കാം. സിവിൽ വ്യവഹാരങ്ങളിൽ അനുകൂലവിധി സമ്പാദിക്കാനിടയുണ്ട്. സഹോദരരുടെ ഇടയിൽ അംഗീകാരം കൈവരുന്നതാണ്. ദാമ്പത്യത്തിൽ സമാധാനമുണ്ടാവും. യാത്രകൾ ഗുണം ചെയ്തേക്കും. രാഷ്ട്രീയ നിലപാടുകളിൽ നേട്ടം ഭവിക്കും. സ്വർണലാഭം, നിക്ഷേപങ്ങളിൽ നിന്നും ആദായം എന്നിവ പ്രതീക്ഷിക്കാം.

5/6

മിഥുനക്കൂറിന് (മകയിരം 3,4 പാദങ്ങൾ, തിരുവാതിര, പുണർതം 1,2,3 പാദങ്ങൾ)

നാലാം ഭാവത്തിൽ നിന്നും അഞ്ചാം ഭാവത്തിലേക്ക് ചൊവ്വ മാറുന്നു. ഫലം ചിന്തിക്കുമ്പോൾ വലിയ വ്യത്യാസമൊന്നും പറയാനില്ല.പിടിവാശി കൂടും. മുതിർന്നവരായാലും കുട്ടികളുടെ കൂട്ട് ചെറുകാര്യങ്ങൾക്കും ശാഠ്യം കാട്ടും. പലപ്പോഴും മനസ്സ് വിഷാദാർദ്രമാവും. ആശയക്കുഴപ്പം തുടരുന്നതാണ്. ബൗദ്ധികമായ സമീപനം വേണ്ടിടത്ത് വൈകാരികമായി പ്രതികരിക്കും.

6/6

മിഥുനക്കൂറിന് (മകയിരം 3,4 പാദങ്ങൾ, തിരുവാതിര, പുണർതം 1,2,3 പാദങ്ങൾ)

മക്കളുടെ കാര്യത്തിൽ കരുതൽ വേണം. അവരറിയാതെ അവരെ നിരീക്ഷിക്കുന്നതിൽ തെറ്റില്ല. മുത്തശ്ശൻ, വല്യമ്മാവൻ തുടങ്ങിയവർക്ക് ആരോഗ്യക്ലേശം ഭവിക്കാം. ഉപാസനകൾക്ക് തടസ്സമുണ്ടായേക്കും. മുന്നേകുട്ടി നിശ്ചയിച്ച കാര്യങ്ങൾ മാറ്റിവെക്കാനിടയുണ്ട്. ബിസിനസ്സുകാരെ മൗഢ്യം ബാധിക്കും. തൊഴിലിൽ വളർച്ച കുറയും. മേലധികാരികളുമായി രമ്യതയുണ്ടാവില്ല. കഠിനദൗത്യങ്ങൾ ഏൽപ്പിക്കപ്പെടാം. പ്രണയത്തിൽ ഇളക്കം തോന്നുന്നതാണ്. ശൈത്യം ദാമ്പത്യത്തെ ബാധിക്കാനിടയുണ്ട്. ചൊവ്വ പതിനൊന്നാമെടത്തി ൽ നോക്കുന്നതിനാൽ ധനവരവ് കുറയും.

Horoscope Astrology

Stay updated with the latest news headlines and all the latest Lifestyle news. Download Indian Express Malayalam App - Android or iOS.