കർക്കടകക്കൂറുകാർക്ക് സമയം ഉചിതമല്ല, ചിങ്ങക്കൂറുകാർ കടങ്ങൾ തീർക്കും, കന്നിക്കൂറുകാർക്ക് കുടുംബ ജീവിതത്തിൽ പ്രശ്നങ്ങൾ

Mars Transit To Thulam Rashi: ചൊവ്വയുടെ തുലാം രാശിയിലെ സഞ്ചാരം കർക്കടകക്കൂറു മുതൽ കന്നിക്കൂറുവരെയുള്ള നാളുകളിൽ ജനിച്ചവരെ എങ്ങനെ സ്വാധീനിക്കുന്നു എന്നു നോക്കാം

Written byS. Sreenivas Iyer

Mars Transit To Thulam Rashi: ചൊവ്വയുടെ തുലാം രാശിയിലെ സഞ്ചാരം കർക്കടകക്കൂറു മുതൽ കന്നിക്കൂറുവരെയുള്ള നാളുകളിൽ ജനിച്ചവരെ എങ്ങനെ സ്വാധീനിക്കുന്നു എന്നു നോക്കാം

S. Sreenivas Iyer

23 Sep 2025 12:55 IST

അപ്‌ഡേറ്റ് ചെയ്‌തു 23 Sep 2025 12:56 IST

New Update

1/6

കർക്കടകക്കൂറിന് (പുണർതം നാലാംപാദം, പൂയം, ആയില്യം)

അനുകൂലമായ മൂന്നാമെടത്തിൽ നിന്നും ചൊവ്വ വൈകാരിക ഭാവങ്ങളെ കുറിക്കുന്ന നാലാമെടത്തിലേക്ക് മാറുകയാണ്. മനസ്സിൽ അനാവശ്യമായ പിരിമുറുക്കം ഉണ്ടാവും. ക്ഷോഭം നിയന്ത്രിക്കാൻ കഴിഞ്ഞേക്കില്ല. ഗൃഹനിർമ്മാണത്തിന് വിഘ്നം വരാൻ സാധ്യതയുണ്ട്. നിശ്ചയിച്ച കാര്യങ്ങൾ തുടങ്ങാനും കഴിഞ്ഞേക്കില്ല. പലതരം തടസ്സങ്ങൾ വന്നുകൊണ്ടിരിക്കും.

2/6

കർക്കടകക്കൂറിന് (പുണർതം നാലാംപാദം, പൂയം, ആയില്യം)

സുഹൃത്തുക്കളുമായോ ബന്ധുക്കളുമായോ അഭിപ്രായഭേദത്തിന് സാഹചര്യം ഉണ്ടാവും. വാഗ്വാദം ഒഴിവാക്കാനും സംയമം പാലിക്കാനും ശ്രമിക്കണം. അമ്മയുടെ ആരോഗ്യകാര്യത്താൽ ജാഗ്രത വേണ്ടതുണ്ട്. വസ്തു തർക്കങ്ങൾ വ്യവഹാരമായി മാറാതിരിക്കാൻ കരുതൽ പുലർത്തണം. പുതിയ വാഹനം വാങ്ങുന്നതിന് ഇപ്പോൾ സമയം ഉചിതമല്ല. വിപണനതന്ത്രങ്ങൾ ശരിക്കും ഫലവത്തായേക്കില്ല. തൊഴിൽ തേടുന്നവർക്ക് കാത്തിരിക്കേണ്ടി വരുന്നതാണ്. അശ്രദ്ധകൊണ്ട് പണം നഷ്ടമാകാം. ചെലവിൽ മിതത്വം വേണം. ജന്മദേശത്തിലേക്കുള്ള യാത്ര പിന്നീടത്തേക്കാക്കും. അനുഷ്ഠാനങ്ങളിൽ ശ്രദ്ധ കുറയുന്നതാണ്.

3/6

ചിങ്ങക്കൂറിന് (മകം, പൂരം, ഉത്രം ഒന്നാം പാദം)

ചൊവ്വ രണ്ടിൽ നിന്നും മൂന്നാമെടത്തേക്ക് മാറുകയാൽ ഗുണാനുഭവങ്ങളുണ്ടാവും. മുൻപ് ശ്രമിച്ച് പരാജയപ്പെട്ട കാര്യങ്ങളിൽ ഇപ്പോൾ നേട്ടമുണ്ടാവും. അധികാര സ്ഥാനത്തിലേക്കുള്ള മത്സരത്തിൽ വിജയിക്കുന്നതാണ്. ഉദ്യോഗസ്ഥർക്ക് സ്വാധീനമുയരും. സാമൂഹിക വിഷയങ്ങളിലെ അഭിപ്രായങ്ങൾ പരക്കെ സ്വാഗതം ചെയ്യപ്പെടും. വിദ്യാർത്ഥികൾക്ക് പഠന മികവുണ്ടാവും. കടബാധ്യതകൾ പരിഹരിക്കാനുള്ള ശ്രമം വിജയം കാണുന്നതാണ്. പ്രേമകാര്യത്തിലെ എതിർപ്പുകൾ അവസാനിച്ചേക്കും. ദാമ്പത്യത്തിൽ പ്രവേശിക്കാൻ സാധ്യതയുണ്ട്.

Advertisment

4/6

ചിങ്ങക്കൂറിന് (മകം, പൂരം, ഉത്രം ഒന്നാം പാദം)

ഭൂമിയിൽ നിന്നും ആദായം ലഭിക്കുന്നതാണ്. വ്യവഹാരങ്ങളിൽ അനുകൂല വിധി സമ്പാദിക്കും. ബിസിനസ്സാവശ്യത്തിന് വായ്പാ സഹായം കിട്ടും. സർക്കാരുമായി ബന്ധപ്പെട്ട വിഷയങ്ങളിൽ കൂടുതൽ സുഗമത സിദ്ധിക്കുന്നതാണ്. മനസ്സിനെ അലട്ടിയിരുന്ന പലകാര്യങ്ങൾക്കും പോംവഴി തെളിയും. ധനപരമായി സുസ്ഥിതി കൈവരിച്ചേക്കും.

5/6

കന്നിക്കൂറിന് (ഉത്രം 2,3,4 പാദങ്ങൾ, അത്തം, ചിത്തിര 1,2 പാദങ്ങൾ)

ജന്മരാശിയിൽ നിന്നും രണ്ടാമെടത്തിലേക്ക് ചൊവ്വ മാറുന്നത് കുറച്ചൊക്കെ സമാശ്വാസം നൽകും. ആരോഗ്യകാര്യത്തിലെ ഉൽക്കണ്ഠകൾ ശമിച്ചേക്കും. അകാരണമായ ഭയത്തിൽ നിന്നും മോചനം കിട്ടും. ഭാവികാര്യങ്ങളിൽ വ്യക്തമായ തീരുമാനങ്ങൾ കൈക്കൊള്ളാൻ സാധിക്കുന്നതാണ്. പരാശ്രയം കുറയ്ക്കാനാവും. എന്നാൽ വാക്കുകളിൽ ശ്രദ്ധയുണ്ടാവണം. പാരുഷ്യം വരും. കുത്തുവാക്കുകൾ പറയാൻ പ്രവണതയേറും. പരദൂഷണങ്ങൾക്ക് ചെവികൊടുക്കുകയുമരുത്. ധനവരവ് തടസ്സപ്പെടാനിടയുണ്ട്.

6/6

കന്നിക്കൂറിന് (ഉത്രം 2,3,4 പാദങ്ങൾ, അത്തം, ചിത്തിര 1,2 പാദങ്ങൾ)

വിദ്യാർത്ഥികൾക്ക് പഠനത്തിൽ പരാങ്മുഖത്വം ഏർപ്പെടുന്നതാണ്. വാഗ്വാദങ്ങളിൽ നിന്നും ഒഴിഞ്ഞുനിൽക്കണം. അകാലയാത്രകൾ മാറ്റിവെക്കുക അഭികാമ്യം. കൂട്ടുകെട്ടുകളിൽ കരുതൽ പുലർത്തണം. ഉദ്യോഗസ്ഥർക്ക് മേലധികാരികളുടെ പിന്തുന്ന ലഭിച്ചേക്കില്ല. കുടുംബ ജീവിതത്തിൽ പ്രശ്നങ്ങൾ അധികരിക്കാം. പുതുസംരംഭങ്ങളിൽ വിളംബമേർപ്പെടും. കുടുംബയോഗങ്ങളിൽ പ്രതീക്ഷിച്ച സ്വീകാര്യത കിട്ടിയേക്കില്ല.

Horoscope Astrology

Stay updated with the latest news headlines and all the latest Lifestyle news. Download Indian Express Malayalam App - Android or iOS.