കർക്കടകക്കൂറുകാർക്ക് ആശുപത്രിച്ചെലവിന് സാധ്യത, ചിങ്ങക്കൂറുകാർക്ക് ധനലാഭം, കന്നിക്കൂറുകാർക്ക് കടം വീട്ടാനാവും

വ്യാഴത്തിൻ്റെ മിഥുനം രാശിയിലെ സഞ്ചാരകാലം (2025 -2026) 12 കൂറുകളിൽ ജനിച്ചവരെ ഏതെല്ലാം വിധത്തിൽ സ്വാധീനിക്കുന്നുവെന്ന അന്വേഷണമാണ് ഇവിടുത്തെ പ്രതിപാദ്യം.

Written byS. Sreenivas Iyer

വ്യാഴത്തിൻ്റെ മിഥുനം രാശിയിലെ സഞ്ചാരകാലം (2025 -2026) 12 കൂറുകളിൽ ജനിച്ചവരെ ഏതെല്ലാം വിധത്തിൽ സ്വാധീനിക്കുന്നുവെന്ന അന്വേഷണമാണ് ഇവിടുത്തെ പ്രതിപാദ്യം.

S. Sreenivas Iyer

05 May 2025 09:13 IST

New Update

1/6

കർക്കടകക്കൂറിന് (പുണർതം നാലാംപാദം, പൂയം, ആയില്യം)

വ്യാഴം പതിനൊന്നിൽ നിന്നും പന്ത്രണ്ടാം ഭാവത്തിലേക്ക് മാറുന്നു. പ്രതികൂലഭാവമായിട്ടാണ് പന്ത്രണ്ടാം ഭാവം പരിഗണിക്കപ്പെടുന്നത്. ചെലവ്, അവമതിപ്പ്, കഷ്ടനഷ്ടങ്ങൾ, അലച്ചിൽ, പ്രവാസം ഇവയൊക്കെ പന്ത്രണ്ടാം ഭാവത്തിൻ്റെ പൊതുസ്വഭാവങ്ങൾ. വിദേശത്ത് പോകാനാഗ്രഹിക്കുന്നവർക്ക് അതിനവസരം ലഭിക്കുന്നതാണ്. നാടുവിട്ടു കഴിയുന്നവർക്കാകട്ടെ മടങ്ങിവരാൻ സാഹചര്യം അനുകൂലമായേക്കില്ല.

2/6

കർക്കടകക്കൂറിന് (പുണർതം നാലാംപാദം, പൂയം, ആയില്യം)

വേറെ വേറെ സ്ഥലത്ത് ജോലി ചെയ്യുന്ന ഭാര്യാഭർത്താക്കന്മാർക്ക് ഒരിടത്തേക്ക് മാറ്റം കിട്ടുവാൻ ഇനിയും കാത്തിരിപ്പ് തുടരണം. കരുതി വെച്ചിരുന്ന ധനം മറ്റു കാര്യങ്ങൾക്കായി ചെലവഴിക്കപ്പെടും. ആശുപത്രിച്ചെലവും സാധ്യതയാണ്. വീഴ്ച, അപകടം ഇവയുണ്ടാവാതിരിക്കാൻ വാഹനയാത്രയിൽ ജാഗ്രത വേണം. കടം വാങ്ങിയ തുക മടക്കിക്കൊടുക്കാൻ കിണഞ്ഞു പരിശ്രമിക്കണം. ദുഷ്പ്രേരണകൾക്ക് വിധേയരാവാതിരിക്കാനും മനസ്സുറപ്പ് വേണ്ടതുണ്ട്.

3/6

ചിങ്ങക്കൂറിന് (മകം, പൂരം, ഉത്രം ഒന്നാം പാദം)

വ്യാഴമാറ്റത്തിൻ്റെ ഏറ്റവും പൂർണ്ണ ഗുണഭോക്താക്കൾ ചിങ്ങക്കൂറുകാരാണ്. പതിനൊന്നാം ഭാവത്തിലാണ് വ്യാഴം ഇനിമേൽ സഞ്ചരിക്കുക. ആഗ്രഹങ്ങൾക്ക് സഫല്യം കൈവരുന്ന ഭാവമാണ് പതിനൊന്നാമെടം എന്നാണ് ജ്യോതിഷ സങ്കല്പം. തടസ്സങ്ങളെ അതിജീവിക്കാനാവും. ധനപരമായി സുസ്ഥിതി വന്നുചേരും. തൊഴിലില്ലാത്തവർക്ക് വരുമാന മാർഗം തുറന്നുകിട്ടുന്നതാണ്. ആഗ്രഹിച്ച കോഴ്സുകളിൽ ഉപരിപഠനം നടത്താനാവും.

Advertisment

4/6

ചിങ്ങക്കൂറിന് (മകം, പൂരം, ഉത്രം ഒന്നാം പാദം)

ബിസിനസ്സിൽ മെച്ചം പ്രതീക്ഷിക്കാം. വസ്തുവാങ്ങാനോ ഗൃഹം സ്വന്തമാക്കാനോ അവസരം ഉണ്ടാവും. കടുത്ത മത്സരങ്ങളിൽ പോലും വിജയിക്കാൻ കഴിയും. സാമൂഹികമായ അംഗീകാരം കൈവരുന്നതാണ്. അവിവാഹിതർക്ക് വിവാഹം, സന്താനലബ്ധി ഇവയുണ്ടാവും. സൽകർമ്മങ്ങളുടെ നേതൃപദവി, ആരോഗ്യസൗഖ്യം എന്നിവ കൈവരുന്നതാണ്.

5/6

കന്നിക്കൂറിന് (ഉത്രം 2,3,4 പാദങ്ങൾ, അത്തം, ചിത്തിര 1, 2 പാദങ്ങൾ)

വ്യാഴം പത്താം ഭാവത്തിലേക്ക് സംക്രമിക്കുകയാണ്. 3, 6, 8, 12 ഭാവങ്ങളിലാണ് വ്യാഴം ഏറ്റവും അനിഷ്ടകാരി. പത്താം ഭാവത്തിൽ ഗുണദോഷ സമ്മിശ്രമായ ഫലങ്ങളാവും ഭവിക്കുന്നത്. തൊഴിൽ മാറ്റത്തിന് ആഗ്രഹിക്കുമെങ്കിലും നിലവിലെ തൊഴിലിൽ തുടരേണ്ടിവരും. അഥവാ നിലവിലെ ജോലി ഉപേക്ഷിച്ചാൽ മെച്ചപ്പെട്ടത് കിട്ടണമെന്നില്ല. ബിസിനസ്സിൽ ഒരുപാട് മുതൽമുടക്കിന് മുതിരരുത്.

6/6

കന്നിക്കൂറിന് (ഉത്രം 2,3,4 പാദങ്ങൾ, അത്തം, ചിത്തിര 1, 2 പാദങ്ങൾ)

വിദേശത്തോ അന്യനാട്ടിലോ തൊഴിൽ ലഭിക്കാം. ചെറുകിട സംരംഭങ്ങൾ ഗുണകരമാവും. ഏജൻസി, കമ്മീഷൻ വ്യാപാരം ഇവയിൽ നിന്നും ആദായം ഉണ്ടാകുന്നതാണ്. മാർക്കറ്റിംഗ് മേഖലയിൽ പുഷ്ടിയുണ്ടാവും. ജീവിതശൈലീ രോഗങ്ങളിൽ കരുതൽ വേണ്ടതുണ്ട്. കടം വീട്ടാനാവും. ബന്ധുക്കളോടും സുഹൃത്തുക്കളോടും അധികം അടുപ്പമുണ്ടാവില്ല.

Horoscope Astrology

Stay updated with the latest news headlines and all the latest Lifestyle news. Download Indian Express Malayalam App - Android or iOS.