ജൂലൈയിൽ കാര്യ വിജയം ഏതൊക്കെ നാളുകാർക്ക്?

ജൂലൈയിൽ ജീവിതത്തിൽ കാര്യ വിജയം ഏതൊക്കെ നാളുകാർക്ക് എന്നറിയാം

Written bySeena Sathya

ജൂലൈയിൽ ജീവിതത്തിൽ കാര്യ വിജയം ഏതൊക്കെ നാളുകാർക്ക് എന്നറിയാം

Seena Sathya

26 Jul 2025 12:07 IST

New Update

1/7

പുണർതം

ആലോചനാപൂർവ്വം ആസൂത്രണം ചെയ്ത കാര്യങ്ങൾ പ്രാവർത്തികമാക്കാൻ സാധിക്കുന്നതാണ്. പ്രമുഖരുമായുള്ള പരിചയം ഗുണകരമാവും. കരാർ ജോലികൾ പുതുക്കിക്കിട്ടാം. പക്ഷേ വ്യവസ്ഥകൾ ദുഷ്കരമായി തോന്നും. സാമ്പത്തിക രംഗം മോശമാവില്ല. ഗൃഹോപകരണങ്ങൾ, ഇലക്ട്രോണിക് ഉല്പന്നങ്ങൾ എന്നിവയ്ക്കായി ചെലവുണ്ടാവും. ഉപരിപഠനത്തിന് അന്യനാട്ടിൽ പോകാൻ അവസരം കൈവരുന്നതാണ്. ഗവേഷണ പ്രബന്ധം പൂർത്തിയാക്കും. മന്ദഗതിയിലായ ബിസിനസ്സ് പുഷ്ടിപ്പെടുത്താൻ പരസ്യത്തിൻ്റെ സഹായം തേടിയേക്കും. കൂട്ടുകെട്ടുകളിൽ നിന്നും വിട്ടുനിൽക്കുന്നത് ഗുണകരമാവും. ബുധൻ രണ്ടിൽ സഞ്ചരിക്കുകയാൽ വാക്ചാതുര്യം പുലർത്തും. ദാമ്പത്യത്തിൽ സംതൃപ്തിയുണ്ടാവും. തീർത്ഥാടനം ആത്മീയമായ ഉണർവുണ്ടാക്കും.

2/7

മൂലം

അനർഹമായ പദവികൾ വേണ്ടെന്നു വെക്കുന്നതാണ്. ആദർശം മുറുകെ പിടിക്കുമെങ്കിലും പ്രായോഗികതയെ തീർത്തും ഒഴിവാക്കാൻ കഴിഞ്ഞേക്കില്ല. സ്വാശയ വ്യാപാരത്തിൻ്റെ ചുമതല പകരക്കാരെ ഏല്പിക്കുന്നത് പിന്നീട് ക്ലേശത്തിന് കാരണമാകും. പ്രൈവറ്റ് മേഖലയിലെ ജോലിയിൽ കാര്യതടസ്സം അനുഭവപ്പെടും. മുന്നേറാൻ കുറുക്കുവഴികൾ തെളിയുമെങ്കിലും സംശയവും സന്ദിഗ്ദ്ധതയുമുണ്ടാവും. ഹിതോപദേശങ്ങൾ എന്നുകരുതുന്നവ കുഴപ്പത്തിൽ ചാടിക്കുന്നവയാവും. മാതാപിതാക്കളുടെ ആരോഗ്യ പരിപാലനത്തിൽ ശ്രദ്ധ വേണ്ടതുണ്ട്. ദാമ്പത്യത്തിൽ സംതൃപ്തി പ്രതീക്ഷിക്കാം. ചെറുപ്പക്കാരുടെ വിദേശയാത്രയിൽ കബളിപ്പിക്കൽ വരാതിരിക്കാൻ കരുതൽ അനിവാര്യം.

3/7

ഉത്രാടം

ഉദ്ദേശിച്ച കാര്യങ്ങൾ നടപ്പിലാക്കാൻ പരാശ്രയത്വം വേണ്ടിവരുന്നതാണ്. പുതിയ കാര്യങ്ങൾ സമാരംഭിക്കാൻ തത്കാലം ഗ്രഹാനുകൂല്യമില്ലെന്നത് ഓർമ്മിക്കണം. വിവിധ വഴികളിലൂടെ പണവരവ് ഉണ്ടാവുന്നതാണ്. എന്നാൽ മിതവ്യയത്തിൽ ശ്രദ്ധയുണ്ടായില്ലെങ്കിൽ മാസാവസാനം ധനക്ലേശം അനുഭവപ്പെടും. കുടുംബത്തിലെ വയോജനങ്ങളുടെ പരിചരണത്തിൽ ആലസ്യമരുത്. ഇവയെല്ലാമാവും ഉത്രാടം ധനുക്കൂറുകാരുടെ മുഖ്യമായ അനുഭവങ്ങൾ. മകരക്കൂറുകാർക്ക് കെട്ടിട നിർമ്മാണത്തിന് ലൈസൻസ് ലഭിക്കുന്നതാണ്. ആസൂത്രണം ചെയ്ത കാര്യങ്ങളിൽ പകുതിയിലധികം പ്രാവർത്തികമാക്കും. ശുക്രൻ പഞ്ചമത്തിൽ സഞ്ചരിക്കുകയാൽ സന്താന കാര്യത്തിൽ ശുഭവാർത്തയുണ്ടാ വും. ബന്ധുസമാഗമം സന്തോഷിപ്പിക്കും. ആരോഗ്യ പരിശോധനകൾ മുടക്കരുത്.

Advertisment

4/7

അവിട്ടം

പോരാട്ടവീര്യവും ചുറുചുറുക്കും കാര്യസാദ്ധ്യത്തിന് ആവശ്യമായി വരുന്നതാണ്. കഴിവുകൾക്ക് അംഗീകാരം പിടിച്ചുവാങ്ങേണ്ട സ്ഥിതിയുണ്ടാവും. അവഗണിക്കപ്പെടുമ്പോൾ സ്വയം ഉണരും. ആത്മവിശ്വാസം സടകുടയും. തൊഴിലില്ലാത്തവർക്ക് അർഹതക്കൊത്ത വരുമാനം കിട്ടുന്നതാണ്. എന്നാൽ മുതൽമുടക്കി സ്ഥാപനമോ സംരംഭമോ തുടങ്ങാൻ ഇപ്പോൾ ഗ്രഹാനുകൂല്യം ഇല്ലെന്നത് ഓർക്കണം. ഏജൻസി, കമ്മീഷൻ വ്യാപാരം ഗുണദായകമാവും. കുടുംബപരമായി പൂർണ്ണസമാധാനം ഉണ്ടാവുമെന്ന് പറയാനാവില്ല. പാപഗ്രഹങ്ങൾ ദാമ്പത്യത്തിൽ അലോസരങ്ങൾ സൃഷ്ടിച്ചേക്കാം. ഗൃഹത്തിലെ പുതുതലമുറയോട് കലഹം കുറയും. ഊഹക്കച്ചവടത്തിൽ നഷ്ടം വരാനിടയുണ്ട്. ആരോഗ്യം ആണ് ധനം എന്നത് മറക്കരുത്.

5/7

ചതയം

പ്രവർത്തനങ്ങളിൽ പരിധിയില്ലാതെ മുഴുകുന്നതാണ്. ഔദ്യോഗികവും വ്യക്തിപരവും ആയ കാര്യങ്ങളെ കോർത്തിണക്കുന്ന തിൽ വിജയിക്കുന്നതിന് സാധിച്ചേക്കും. നാലിലെ ശുക്രസഞ്ചാരം ആടയാഭരണങ്ങൾ വാങ്ങാനോ, പാരിതോഷികം ലഭിക്കാനോ ഇടയുണ്ടാക്കും. പ്രതിസന്ധികളിൽ പെട്ടുഴലുന്ന സഹപ്രവർത്തകരെ ആശ്വസിപ്പിക്കാൻ നേരം കണ്ടെത്തും. ഗവേഷണ പ്രബന്ധം പൂർത്തിയാക്കുന്നതാണ്. അവധിക്കാലം മുന്നിൽ കണ്ട് യാത്രകൾ ആസൂത്രണം ചെയ്യും. ഏഴാമെടത്തിലെ പാപഗ്രഹങ്ങൾ കൂട്ടുകച്ചവടത്തിൽ പരാജയമുണ്ടാക്കാം. പഠനോത്സുകതയാൽ പുതിയ ഭാഷയോ സാങ്കേതിക വിഷയമോ ഗ്രഹിക്കാൻ ശ്രമിക്കും. ബന്ധുസംഗമമോ കുടുംബയോഗമോ സംഘടിപ്പിക്കാൻ മുൻകൈയെടുക്കുന്നതാണ്.

6/7

ഉത്രട്ടാതി

പല കാര്യങ്ങളും പ്രതീക്ഷിച്ചതിലും സുഗമതയോടെ നിർവഹിക്കാനാവും. പാരമ്പര്യ തൊഴിലുകളിലുണ്ടായിരുന്ന വിപ്രതിപത്തി മാറുകയും അവയുടെ സാധ്യതകൾ പരിശോധിക്കുകയും ചെയ്യുന്നതാണ്. ബാങ്കിൽ നിന്നുമെടുത്ത വായ്പ ഭാഗികമായി അടച്ചുതീർക്കാൻ സൗകര്യമുണ്ടായേക്കും. കൂട്ടുകെട്ടുകൾ ചിലപ്പോൾ ദോഷകരമാവാം. ദുശ്ശീലങ്ങൾ നിയന്ത്രിക്കപ്പെടണം. സാമ്പത്തിക അമളി പിണയാൻ സാധ്യതയുള്ളതിനാൽ കരുതൽ വേണ്ടതാണ്. ജന്മനാട്ടിൽ നിന്നും അകന്നു ജീവിക്കുന്നവർക്ക് തിരികെ വരാൻ സാഹചര്യം അനുകൂലമായേക്കും. മത്സരങ്ങളിൽ അനായാസം വിജയിക്കുന്നതാണ്. നേതൃപദവി ആവശ്യപ്പെടാതെ കൈവരുന്നതാണ്. വസ്തുവ്യവഹാരം സന്ധിയിലാവും.

Advertisment

7/7

രേവതി

മുൻപ് ആസൂത്രണം ചെയ്തുവെച്ചിരുന്ന കാര്യങ്ങൾ പിന്നീടത്തേക്ക് നീട്ടാനിടയുണ്ട്. വസ്തുവിൽപ്പനയിൽ കൂടുതൽ ലാഭം പ്രതീക്ഷിക്കാം. ഉദ്യോഗത്തിൽ നിന്നും പിരിഞ്ഞവർക്ക് വീണ്ടും ചെറിയ വരുമാനമാർഗമെങ്കിലും അന്വേഷിക്കേണ്ടതായി വന്നേക്കാം. ശനി ജന്മരാശിയിലുള്ളത് ആലസ്യമുണ്ടാക്കും. അനിഷ്ടങ്ങൾ മുഖം നോക്കാതെ അറിയിക്കുന്നതുമൂലം വിരോധികളുടെ എണ്ണം വർദ്ധിക്കുന്നതാണ്. കലാപരമായ താത്പര്യങ്ങൾ വികസിപ്പിക്കാൻ വഴി തെളിയും. മകന് വേണ്ടി പുതിയ വാഹനം വാങ്ങുന്നതാണ്. പന്ത്രണ്ടിലെ രാഹു പല കാരണങ്ങളാൽ വീട്ടിൽ നിന്നും മാറിനിൽക്കേണ്ട സാഹചര്യം സൃഷ്ടിക്കും. പ്രണയികൾക്ക് അത്ര സന്തോഷമുണ്ടാവാൻ ഇടയുള്ള കാലമല്ല. വ്യായാമം, സമയബന്ധിതമായ ദിനചര്യ, ആരോഗ്യ പരിശോധനകൾ ഇവ പാലിക്കപ്പെടണം.

Horoscope Astrology

Stay updated with the latest news headlines and all the latest Lifestyle news. Download Indian Express Malayalam App - Android or iOS.