ജൂലൈയിൽ സാമ്പത്തിക ക്ലേശം ഏതൊക്കെ നാളുകാർക്ക് നീങ്ങും?

ജൂലൈയിൽ സാമ്പത്തിക നേട്ടം ഏതൊക്കെ നാളുകാർക്ക് എന്നറിയാം

Written byS. Sreenivas Iyer

ജൂലൈയിൽ സാമ്പത്തിക നേട്ടം ഏതൊക്കെ നാളുകാർക്ക് എന്നറിയാം

S. Sreenivas Iyer

25 Jul 2025 11:37 IST

New Update

1/6

അനിഴം

ഉദ്യോഗത്തിൽ സുഖവും സുഗമതയും ശരാശരിയായിരിക്കും. മേലധികാരിയുടെ നിർദ്ദേശങ്ങൾ പ്രാവർത്തികമാക്കാൻ നല്ലോണം ക്ലേശിക്കുന്നതാണ്. സാഹസങ്ങൾക്ക് മുന്നിട്ടിറങ്ങാൻ തോന്നിയേക്കും. പക്ഷേ അവയുടെ പരിണതഫലം നന്നായിരിക്കില്ല. പ്രണയികൾക്ക് ഹൃദയബന്ധം ദൃഢമാകുന്നതാണ്. കുടുംബത്തിൻ്റെ പൂർണ്ണമായ പിന്തുണ കിട്ടും. ബിസിനസ്സുകാർ സാമ്പത്തികമായി മെച്ചപ്പെടാം. സർക്കാർ ഇടപെടലുകൾ മനോവീര്യം തകർക്കാം. പൂർത്തിയാക്കാത്ത വിദ്യാഭ്യാസം പൂർത്തിയാക്കാൻ ശ്രമം തുടരും. പിതാവിൻ്റെ ആരോഗ്യനിലയിൽ മെച്ചം പ്രതീക്ഷിക്കാം. വീടുവാങ്ങാനുള്ള അഭിലാഷത്തിന് ചെറിയ പുരോഗതി വന്നുചേരുന്നതാണ്. വ്യായമത്തിനും കൃത്യമായ ദിനചര്യക്കും മടിയോ സമയക്കുറവോ അനുഭവപ്പെടും.

2/6

പുണർതം

ആലോചനാപൂർവ്വം ആസൂത്രണം ചെയ്ത കാര്യങ്ങൾ പ്രാവർത്തികമാക്കാൻ സാധിക്കുന്നതാണ്. പ്രമുഖരുമായുള്ള പരിചയം ഗുണകരമാവും. കരാർ ജോലികൾ പുതുക്കിക്കിട്ടാം. പക്ഷേ വ്യവസ്ഥകൾ ദുഷ്കരമായി തോന്നും. സാമ്പത്തിക രംഗം മോശമാവില്ല. ഗൃഹോപകരണങ്ങൾ, ഇലക്ട്രോണിക് ഉല്പന്നങ്ങൾ എന്നിവയ്ക്കായി ചെലവുണ്ടാവും. ഉപരിപഠനത്തിന് അന്യനാട്ടിൽ പോകാൻ അവസരം കൈവരുന്നതാണ്. ഗവേഷണ പ്രബന്ധം പൂർത്തിയാക്കും. മന്ദഗതിയിലായ ബിസിനസ്സ് പുഷ്ടിപ്പെടുത്താൻ പരസ്യത്തിൻ്റെ സഹായം തേടിയേക്കും. കൂട്ടുകെട്ടുകളിൽ നിന്നും വിട്ടുനിൽക്കുന്നത് ഗുണകരമാവും. ബുധൻ രണ്ടിൽ സഞ്ചരിക്കുകയാൽ വാക്ചാതുര്യം പുലർത്തും. ദാമ്പത്യത്തിൽ സംതൃപ്തിയുണ്ടാവും. തീർത്ഥാടനം ആത്മീയമായ ഉണർവുണ്ടാക്കും.

3/6

മകം

ജീവിതം വികസനത്തിൻ്റെ പാതയിൽ തന്നെയാവും. തടസ്സങ്ങളെ നിസ്സാരമാക്കിക്കൊണ്ട് മുന്നോട്ടു പോകാനുള്ള കരുത്ത് കാട്ടും. വിദേശത്ത് പഠനം/ തൊഴിൽ സംബന്ധിച്ചവക്കായി യാത്രകൾ ആഗ്രഹിക്കുന്നവർക്ക് അവസരം കൈവരും. നവസംരംഭങ്ങൾക്ക് സർക്കാരിൽ നിന്നും അനുമതി രേഖ ലഭിക്കുന്നതായിരിക്കും. ജന്മരാശിയിലെ പാപഗ്രഹസഞ്ചാരം അനാരോഗ്യത്തിന് കാരണമാകാം. ജീവിതശൈലീരോഗങ്ങൾ ഉള്ളവർ കൃത്യമായ ആരോഗ്യ പരിശോധനകൾ നടത്തേണ്ടതുണ്ട്. അനാവശ്യമായ ഉൽക്കണ്ഠകൾ ഒഴിവാക്കുകയും വേണം. പതിനൊന്നാമെടത്തി ലെ വ്യാഴം സാമ്പത്തിക ക്ലേശങ്ങൾ നീക്കും. വരുമാന സ്രോതസ്സുകൾ അഭംഗുരമാവും. പ്രധാനപ്പെട്ട തീരുമാനങ്ങൾക്ക് കുടുംബത്തിൻ്റെ പിന്തുണ നേടാൻ തയ്യാറാവണം.

Advertisment

4/6

ചോതി

പുതിയ ജോലി തേടുന്നവർ നിരാശപ്പെടില്ല. കിട്ടാനുള്ള കടങ്ങൾ കുറശ്ശെ കിട്ടാം. തൊഴിലിൽ ഉപഭോക്താക്കളുടെ മനസ്സറിഞ്ഞ് പ്രവർത്തിക്കാം. പുതിയ ആടയാഭരണങ്ങൾ, ഇലക്ട്രോണിക് ഉപകരണങ്ങൾ ഇവ വാങ്ങും. സാമ്പത്തിക കാര്യത്തിൽ അച്ചടക്കം നല്ലതാണ്. അന്യനാട്ടിലെ ഭാഗ്യപരീക്ഷണങ്ങൾ അവസാനിപ്പിച്ച് നാട്ടിലേക്ക് മടങ്ങാൻ ആഗ്രഹിക്കുന്നവർക്ക് അവസരം തെളിയും. എതിർക്കുന്നവർ സ്വയം പിൻവലിയുന്നതാണ്. മത്സരങ്ങളിലും അഭിമുഖങ്ങളിലും വിജയിക്കുവാനാവും. സന്താനങ്ങളുടെ ഉന്നമനം സന്തോഷമേകും. കരാർ പണികൾ തുടരപ്പെടും. ബഹുകാര്യങ്ങളിൽ ശ്രദ്ധ വ്യാപിപ്പിക്കും. ബന്ധുകലഹങ്ങളിലെ മാധ്യസ്ഥം പ്രശംസിക്കപ്പെടും. ഭാഗ്യസ്ഥാനത്ത് വ്യാഴം സഞ്ചരിക്കുകയാൽ നറുക്കെടുപ്പ്, ചിട്ടി,ഇൻഷ്വറൻസ് തുടങ്ങിയവയിലൂടെ ധനാഗമം ഉണ്ടാവാം.

5/6

അനിഴം

6/6

ഉത്രട്ടാതി

പല കാര്യങ്ങളും പ്രതീക്ഷിച്ചതിലും സുഗമതയോടെ നിർവഹിക്കാനാവും. പാരമ്പര്യ തൊഴിലുകളിലുണ്ടായിരുന്ന വിപ്രതിപത്തി മാറുകയും അവയുടെ സാധ്യതകൾ പരിശോധിക്കുകയും ചെയ്യുന്നതാണ്. ബാങ്കിൽ നിന്നുമെടുത്ത വായ്പ ഭാഗികമായി അടച്ചുതീർക്കാൻ സൗകര്യമുണ്ടായേക്കും. കൂട്ടുകെട്ടുകൾ ചിലപ്പോൾ ദോഷകരമാവാം. ദുശ്ശീലങ്ങൾ നിയന്ത്രിക്കപ്പെടണം. സാമ്പത്തിക അമളി പിണയാൻ സാധ്യതയുള്ളതിനാൽ കരുതൽ വേണ്ടതാണ്. ജന്മനാട്ടിൽ നിന്നും അകന്നു ജീവിക്കുന്നവർക്ക് തിരികെ വരാൻ സാഹചര്യം അനുകൂലമായേക്കും. മത്സരങ്ങളിൽ അനായാസം വിജയിക്കുന്നതാണ്. നേതൃപദവി ആവശ്യപ്പെടാതെ കൈവരുന്നതാണ്. വസ്തുവ്യവഹാരം സന്ധിയിലാവും.

Horoscope Astrology

Stay updated with the latest news headlines and all the latest Lifestyle news. Download Indian Express Malayalam App - Android or iOS.