July 01- July 08, 2023: വാരഫലം, അശ്വതി മുതൽ ആയില്യം വരെ: Weekly Horoscope, Astrological Predictions

July 01- July 08 Weekly Horoscope Astrological Predictions Aswathi to Ayilyam: തിരുവാതിര ഞാറ്റുവേല തുടരുന്നു. ജൂലൈ 3 ന് ഗുരുപൂർണിമ. പിന്നീട് കൃഷ്ണപക്ഷം. ശനി ചതയത്തിൽ വക്രഗതിയിലും വ്യാഴം ഭരണി നക്ഷത്രത്തിലും സഞ്ചരിക്കുന്നു. രാഹു അശ്വതിയിലും കേതു ചിത്തിരയിലും തുടരുകയാണ്.

നീചം കഴിഞ്ഞ ചൊവ്വ ചിങ്ങം രാശിയിൽ ബലവാനായി സഞ്ചരിക്കുന്നു. ബുധൻ മിഥുനത്തിലാണ്. ശുക്രൻ ആഴ്ചയുടെ ഒടുവിൽ കർക്കടകത്തിൽ നിന്നും ചിങ്ങത്തിലേക്ക് സംക്രമിക്കുന്നു. ഈവിധത്തിലുള്ള ഗ്രഹസ്ഥിതിയുടെ പശ്ചാത്തലത്തിൽ അശ്വതി മുതൽ ആയില്യം വരെയുള്ള നാളുകാരുടെ ഫലം ഇവിടെ പരിശോധിക്കുകയാണ്.

Weekly Horoscope, Astrological Prediction for Aswathi: അശ്വതി

ആധികളുടെ ആധിപത്യകാലം അവസാനിക്കും. വിജയിക്കാനുള്ള സാഹചര്യം സ്വയം ആഗതമാവും. ചില വിഷമപ്രശ്നങ്ങൾക്ക് ഉത്തരം കിട്ടുന്നതാണ്. വിദ്യാർത്ഥികൾക്ക് പഠിപ്പിന് മികച്ച അവസരം ഉണ്ടാവും. ധനസ്ഥിതി മെച്ചപ്പെട്ടേക്കും. മാതൃസൗഖ്യം പ്രതീക്ഷിക്കാം. വിരുന്നുകളിലും ആഘോഷങ്ങളിലും പങ്കെടുക്കാനാവും. നല്ല സുഹൃത്തുക്കളുടെ സഹവാസം ആത്മവിശ്വാസം വർദ്ധിപ്പിക്കും.

Weekly Horoscope, Astrological Prediction for Bharani: ഭരണി

വ്യാഴം ജന്മനക്ഷത്രത്തിൽ സഞ്ചരിക്കുകയാൽ അല്പം സമ്മർദ്ദങ്ങൾ ഉണ്ടായേക്കാം. കൃത്യനിഷ്ഠയിൽ പിന്നിലായേക്കും. ചൊവ്വ അഞ്ചിൽ വരികയാൽ സന്താനങ്ങളെക്കുറിച്ച് ചിന്തയേറും. വക്രശനി ധനോന്നതിക്ക് കാരണമാകാം. മുൻകടങ്ങൾ ചിലത് ഭാഗികമായെങ്കിലും മടക്കിക്കിട്ടും. വ്യാപാരികൾക്ക് വായ്പാ തിരിച്ചടവ് എളുപ്പമാവും. ഉന്നതരുടെ പിന്തുണ കാര്യങ്ങൾ എളുപ്പമാവും. രാഷ്ട്രീയ പ്രവർത്തകർക്ക് പദവികൾ നേടാൻ കഴിയുന്നതാണ്.

Weekly Horoscope, Astrological Prediction for Karthika: കാർത്തിക

വിജ്ഞാനസമ്പാദനത്തിന് രണ്ടാംഭാവത്തിലെ ബുധൻ വഴിയൊരുക്കും. ഉന്നതപഠനത്തിന്റെ തടസ്സങ്ങൾ നീങ്ങും. ക്രയവിക്രയങ്ങളിൽ നേട്ടം കൈവരിക്കാനാകും. പുതുകരാറുകളിലും തൊഴിൽ ഉടമ്പടികളിലും ഏർപ്പെടും. വരുമാനത്തിലെ അസ്ഥിരത്വത്തിന് മാറ്റം വരാം. ഉദ്യോഗസ്ഥർ വലിയ ഉത്തരവാദിത്വങ്ങൾ നിറവേറ്റാൻ നിയോഗിക്കപ്പെടാം. ആരോഗ്യപ്രശ്നങ്ങൾ ലഘുകൃതമാവാം. കുടുംബ പ്രാരബ്ധങ്ങളുടെ സമ്മർദ്ദം കൂടുന്നതായി തോന്നിയേക്കാം.

Weekly Horoscope, Astrological Prediction for Rohini: രോഹിണി

തൊഴിൽക്കഷ്ടങ്ങൾക്ക് ചെറിയ അയവ് വരാം. എന്നാലും ചില മാനസിക സമ്മർദ്ദങ്ങൾ ഒപ്പമുണ്ടാവും. ആരോഗ്യപരമായി ശ്രദ്ധവേണ്ടതുണ്ട്. കഫജന്യരോഗങ്ങൾ ഉപദ്രവിച്ചേക്കാം. നാലിലേക്ക് സംക്രമിച്ച ചൊവ്വ വാഹന കാര്യത്തിൽ ക്ലേശകർത്താവായേക്കാം. മാതൃജനങ്ങളുടെ ആരോഗ്യത്തിൽ ജാഗ്രത വേണം. പന്ത്രണ്ടാം വ്യാഴം ഭൗതികമായ ചിലവുകൾ സൃഷ്ടിക്കാനിടയുണ്ട്. നക്ഷത്രാധിപനായ ചന്ദ്രന് ഉച്ചവും ബലമുള്ളതിനാൽ പൊതുവേ നേട്ടങ്ങൾക്ക് തന്നെയാവും ഈ വാരത്തിൽ മുൻതൂക്കം.

Weekly Horoscope, Astrological Prediction for Makayiram: മകയിരം

ഉന്നതമായ ആദർശങ്ങൾ ചിന്തയിൽ നിറയും. അത്രയും പ്രായോഗികമാക്കാൻ കഴിയാത്തതിന്റെ ക്ലേശം ചിലപ്പോൾ ഉണ്ടാവാം. ആത്മശക്തി കൂടുന്നതാണ്. അധികാരപൂർവ്വം പെരുമാറുന്നതായി സഹപ്രവർത്തകർ വിചാരിച്ചേക്കും. മിഥുനക്കൂറുകാർക്ക് കുറച്ചധികം അലച്ചിലുണ്ടാവും. ഗവേഷണം, മാധ്യമം, അദ്ധ്യാപനം തുടങ്ങിയ രംഗങ്ങളിൽ പ്രവർത്തിക്കുന്നവർക്ക് പുത്തനുണർവ്വ് പ്രതീക്ഷിക്കാം. സൈന്യം, അഗ്നിശമന വിഭാഗം, പോലീസ് തുടങ്ങിയ വിഭാഗങ്ങളിലുള്ളവർക്ക് സ്ഥാനക്കയറ്റം ഒരു സാധ്യതയാണ്.

Weekly Horoscope, Astrological Prediction for Thiruvathira: തിരുവാതിര

ജന്മത്തിൽ ആദിത്യൻ സഞ്ചരിക്കുകയാൽ ദേഹാലസ്യം വരാം. വൃഥായത്നങ്ങൾ ഉണ്ടാവാം. കാര്യസാധ്യം പതുക്കെയായേക്കും. കുടുംബാംഗങ്ങളുടെ പിന്തുണ പ്രതിസന്ധികളെ മറികടക്കാൻ ഉതകുന്നതാണ്. രാശിനാഥന് മൗഢ്യം ഉള്ളതിനാൽ വലിയ മുതൽ മുടക്കുള്ള സംരംഭങ്ങൾക്ക് മുതിരരുത്. പഴയ തൊഴിൽ ഉപേക്ഷിച്ച്
പുതുതൊഴിൽ തേടുക ആശാസ്യമാവില്ല. പഠനനിലവാരം മെച്ചപ്പെട്ടില്ലെന്ന് വരാം.

Weekly Horoscope, Astrological Prediction for Punartham: പുണർതം

പ്രവർത്തനങ്ങളിൽ വിജയിക്കുമെങ്കിലും ചില നഷ്ടങ്ങൾ കൂടി വരാം. ധനവരവ് മോശമാകില്ല. കരാറുകളിൽ ഒപ്പിടും മുൻപ് അവയുടെ ഗുണദോഷവിചിന്തനം നടത്തുന്നത് നന്നായിരിക്കും. കുടുംബ കാര്യങ്ങൾ സന്തോഷപൂർണമാകുന്നതാണ്. ഗൃഹസംഗമങ്ങളിൽ പങ്കെടുക്കും. പാരമ്പര്യവസ്തുവകകളുടെ ക്രയവിക്രയങ്ങൾ ലാഭകരമാവാം. ചെലവ് നിയന്ത്രിക്കാൻ വിഷമിച്ചേക്കും. ഈശ്വരാധീനത്താൽ വൃദ്ധജനങ്ങളുടെ ആരോഗ്യസ്ഥിതിയിൽ മാറ്റം ഉണ്ടാകുന്നതാണ്.

Weekly Horoscope, Astrological Prediction for Pooyam: പൂയം

പന്ത്രണ്ടിലെ ആദിത്യസ്ഥിതി അധികാരികളുടെ അപ്രീതിക്കിടവരുത്തും. സർക്കാരിൽ നിന്നും അനുമതി ലഭിക്കാൻ കൂടുതൽ സമയം വേണ്ടിവരുന്നതാണ്. പ്രതീക്ഷിച്ചിരുന്ന സ്ഥാനക്കയറ്റം നീണ്ടുപോയേക്കും. മക്കളുടെ പഠനാവശ്യത്തിന് വായ്പാ സഹായം പ്രയോജനപ്പെടുത്താൻ സാധിക്കും.. ചൊവ്വ മൂന്നാം നക്ഷത്രത്തിൽ സഞ്ചരിക്കുകയാൽ പ്രതിബന്ധങ്ങൾ കൂടുന്നതാണ്. രാശിനാഥനായ ചന്ദ്രന് ബലമുള്ള കാലം തുടരുന്നത് ആശ്വാസപ്രദമാണ്.

Weekly Horoscope, Astrological Prediction for Ayilyam: ആയില്യം

ദൂരദിക്കുകളിൽ തൊഴിൽ സാധ്യതയുണ്ട്. എന്നാൽ കഠിനപ്രയത്നം വിലമതിക്കപ്പെടാൻ സന്ദർഭം കുറവാണ്. കൃത്യനിഷ്ഠക്ക് ഭംഗം വരാം. പിതാവിന്റെ ആരോഗ്യകാര്യത്തിൽ ശ്രദ്ധയുണ്ടാവണം. പൂർവിക സ്വത്തിനെച്ചൊലി ചില തർക്കങ്ങൾ ഉണ്ടായേക്കും വൈകാരിക ക്ഷോഭം നിയന്ത്രിക്കപ്പെടേണ്ടതാണ്. മക്കളുടെ വിവാഹാലോചനകൾക്ക് ചില താല്കാലിക തടസം വന്നേക്കാം. ഊഹക്കച്ചവടത്തിലെ നേട്ടം ശരാശരി മാത്രമായിരിക്കും. തിരിച്ചടവുകൾ ഭാഗികമാവും.